روية نور وايوب بقلم روان خالد كامله جميع الفصول وحصريه وجديده

كل من أيوب ونور.
محمد الجندي طلب ايدك مني.
قوست عيونها ب عدم ادراك ف هو لحق يشوفها علشان يتقدم
بينما ايوب كتم لسانه بغيظ ف هو فكر جده هيلبسه في الجواز بس طلع اسوء من كده واللي حذر نور منه پخوف حصل..
صقفت رغد بسخرية.
ده يوم تقديم محمدات ولا إيه.
بصلها الجد ولاوعها.
بس يا أم لسان طويل.
اتأفأفت لما زين كتم ضحكاته عليها بصتله بقرف قابله هو ب رفع حاجبه ببرود وواضح إن ايوب أثر عليه..
بس أنا مش موافقة يا جدو.
قرب منها عبدالسلام بحنية.
ليه بس يا حبيبة جدو ده ولد مناسب جدا واخلاقه كويسه.
رفع ايوب حاجبه ب ببرود ف هل جده بيحاول يقنعها تتجوز وهو لسه كان معاه الصبح وبيقنعه ياخد خطوة سخر جواه من ايامه اللي ماشيه عكسه بس كان فضول إنه يعرف رأيها
ارتفعت ابتسامة خفيفة على محياه لما نطقت بهدوء وتوتر وهي بتحاول تتهرب من السيرة كلها بصتله ورجعت بصت لجدها بتفكير.
علشان قلبي مش رايده يا جدي.
مسك الجد كفها بلطف.
وقلبك رايد مين يا نور عين جدك
تاهت ب عيونها ل وقفته قصادها ونظراته الخاوية من أي ذرة مشاعر وڠصب عنها قلبها ۏجعها من الفكرة إنها بتحب حد مش عايزها..
اللي عايزاه مستحيل يفكر فيا يا جدي.
سابتهم ومشيت وسط نظرات رغد المشفقة على حال بنت خالها وزين اللي شعر بالضيق من أيوب وغباءه والجد ابتسم لما وصل لمبتغاه
وكانت نظرات الأخير هي المبتغى ل جده.
أنا طالع أنام.
بصتله رغد بقرف.
لأ غبي بجد.
أيوب بحدة.
مين
ابتسمت بسماجة.
اللي مرايدش نور يا بوب.
سابها واتحرك من مكانه ل جوا زفر زين من تصرفات ابن عمه اليائسة ف حتى محاولات إنهم يخلوه غيران أو يتقدم خطوة..فشلوا فيها.
وبعدين يا جدو
رفع عبدالسلام وشه للسماء تحت نظرات احفاده.
ولا قبلين يا زين هيندم.
طب ما حد يديله قلمين يفوقوه.
سخر زين منها.
طب ماهو كان قدامك اهو مخدتيش الخطوة دي ليه بقى
مثلت الانشغال بالموبايل وهي ماشية.
مش سمعاك من الدي جي.
ضحك على حركاتها وشاركه جده.
هتجوزهالي امتى بقى أنا تعبت يعني لا اللي ييجي صريح ودغري عاجب ولا اللي يكتم وميعبرش عاجب عايز من احفادك إيه ياعوبد.
ضربه بعصايته بصرامة.
عايزهم يتأدبوا.
اتكلم زين بحنق.
بقولك إيه ياجدي اديني بقولك من قبلها أهو لو مكلمتش امها وابوها ينزلوا أنا هكتب عليها واخطڤها وابقوا قابلوني لو لقيتوها.
اتحرك من مكانه بنفاذ صبر نفسه يتجمع يوم معاها بدون قيود ويشعر إنها فعلا ملك ليه اسم ومسمى مش مجرد كلام بيتقال وهو لحد اللحظة دي عامل احترام ل اهلها ولكن كبيره مش اهلها بل جدها علشان كده لازم يضغط عليه شوية
ضړب الجد كف بكف من افعال أحفاده واحد دماغه ضاربة والتاني عقله لاغيه شاف يونس بيتمشى في الجنينة شاورله وقرب منه..
بتتمشى لوحدك ليه
رفع كتفه بلامبالاة.
ابدا حبيت اشم نفسي الجو جوا خنقة وانا ما صدقت أنزل من برا علشان اعيش ب حرية هنا ولكن الواضح إن تقيدي هيفضل في مل مكان وهفضل جوا سجن اخرته هموم بالكوم.
عارف يا يونس زمان لما كنت بشوفك قاعد في الجنينة لوحدك ومبتحبش تقعد في التجمعات كنت بقول الواد ده فيه حاجة ورغم إن الكل كان بيحتج على تصرفاتك إلا إني كنت بقفلهم واقولهم سيبوه هو محتاج يريح 
دوشة يومك ب تخليك قاعد لا عايز تكلم حد ولا حد يكلمك ف ما بالك لو الدوشة دي هي اللي عايشة معاك محدش فينا بيختار هو عايز يعيش حياته إزاي أو مين أهله أو ظروفه هتكون إزاي 
ولا هي ورقة وقلم وبتخط فيها مستقبلك إيه إحنا بنتولد مكتوبلنا قدرنا يا نصبر ونحتسب ووقتها ربنا هيرزقنا ويريح بالنا يأما نحتج ووقتها هنخسر كتير انت شايل جبل وهموم فوق كتفك من أول وجودك في بيت اسرته طبيعتها النفسية بايظة لحد محاولتك إنك تتأقلم وتقدم حياتك شوية عن الباقي بس انت مش كده انت عيل خسارة فيهم واحد بيحاول لأجلهم وهما بس شايفين إنك لازم تسمع ولازم تحل وتكون معاهم ولما تعوز تريح مش هيدوك فرصتك ماهي دي أنانية يابني بس أنا عايزك كل ما تتعب تقول يارب..افتكر إن معاك رب عمره ما هيسيبك لوحدك ابدا واخواتك هنا في ضهرك وانا هفضل سندك يابني.
راحة نفسية اجتاحت يونس ف بالأخير رغم هروبه من مشاكله الا إن جده الوحيد اللي بيحس بالألم اللي عايش فيه وكلامه مع جده خلاه اهدى
يمكن دي فايدة من فوايد إن يبقى ليك جد كبير مقامه وعقله هيقدر يكونلك صاحب واب وجد في نفس واحد..
تعبت يا جدي ومرارة الأيام مبتروحش لا ب معلقة عسل ولا شوية سكر في الشاي.
بس بتروح ب سجدة لربنا.
أكد كلامه ومسك ايده يوصله لحد اوضته ف النهاردة انتهى يوم عبدالسلام ك جد ليه حكمة في كل كلامه واب مصاحب عياله وصاحب فاهم دماغهم..
دخل أيوب اوضته وحاول يشتغل شوية بس تفكيره لسه في كلامها القلب رايد والتاني مش بيفكر فيها