روية نور وايوب بقلم روان خالد كامله جميع الفصول وحصريه وجديده

إنها لازم تمشي..
انت مچنونة هتسافري إزاي
بعدت عن رغد واتكلمت بحدة.
محدش يعرف أنا هعاني إزاي في وجودها ف من فضلكم سيبوني في حالي.
بصت اسماء ل رغد بشكل فهمته كويس اخدت رغد وضع الضيق وخرجت من الاوضة ولكن الغرض من خروجها كان إنها تنده جدها..
نزلت رغد بسرعة ولقت الجد قاعد مع زين وايوب بيتابعوا الشغل سوا انتبهلها الجد لما قربت..
جدو من فضلك عايزينك فوق.
بصلها بأستفهام.
شوية وطالع يا رغد.
نفت بريبة اثارت الشكوك في نفوسهم.
لأ ممكن دلوقتي لو سمحت قبل ما نور تتهور
فلت الكلام منها وادركت فدحها بصلها الجد پخوف واتحرك بسرعة وكان خلفه زين وايوب ولكن منعتهم هي.
مفيش حاجة هي عايزه جدو بس ياريت نحترم قرارها.
كان قصدها بالجملة الاخيرة ايوب مش زين تجاهل وقاحتها ورجع مكانه هو وزين بعد ما فهم اشارة رغد حاولت تفهم الجد اللي حصل بأختصار..
خبط الباب ودخل الجد وكان الحال كالأعصار نور في حضڼ عمتها وپتبكي بحزن شاور لبنته تخرج وقرب منها حضنها بهدوء ف كام المشهد كالتالي نور ساندة براسها على جلبية جدها الناشفة وهو بيطبطب على راسها..
معقول عايزة تسيبيني وانا ملحقتش اشبع منك
مستمعش لردها ف كمل بحنان وحكمة.
عايزة تضلمي حياتي من تاني يانور مش كفاية ابوكي وامك كفاية إني مستحمل بعدك عني بالعافية فاكرة يعني لما حد يجيب سيرة عائشة أنا هسكتله عائشة بنتي قبل ما تبقى امك وحبيبة ابوكي أنا اللي مربيها على ايدي ويشهد الكل عليها على ادبها واخلاقها وكرمها وعزة نفسها عائش عملت اللي محدش قدر يعمله هنا وهي اللي ادت للقصر بهجة بعد مۏت جدتك أنا بشوفهم فيكي ف متوجعيش قلبي عليكي.
مسحت دموعها واتكلمت ببحة.
أنا مش هقدر استحمل يا جدو الله يخليك سيبني ارجع وهبقى اجيلك لما تمشي.
طبطب على قلبها وباس راسها بحنية.
والله ما يحصل واللي يزعلك بكلمة هردهاله عشرة يانور أنا مكنتش اعرف إنك ضعيفة كده فين نور القوية اللي مش بتسيب حد موجوع إلا وتطيب خاطره ولا حد زعلان إلا لما تفرحه ولا تسيب حقها ابدا.
حاولت تفهمه موقفها اكتر ولكنه مصمم.
لأ يعني لأ يانور وهتفضلي موجودة هنا واللي مش عاجبه يخبط راسه في اي حيطة القصر طويل عريض فيه ألف حيطة ياستي.
ضحكت بين دموعها وهو ابتسم.
ايوا كده خلي الدنيا تزهز يلا قومي اغسلي وشك واجهزي علشان ورانا صفقة محتاجة تتم.
اومأت ليه وهو خرج من الاوضة بعد ما اتأكد انها دخلت الحمام تغسل وشها بس نور كان جواها صراع تفضل موجوده ولا تمشي بالاخير الاذية مش أفضل قرار ليها بس لأجل جدها ووالدتها قررت تقعد..
خرجت واختارت طقم مناسب للشغل ووضعت لمستها اخيرا وخرجت برا بعد وقت قابلتها رغد وطمنتها..
بخير
بخير.
اعتذرتلها بعيونها وسبقت تحت مكان المندرة اللي هيجتمع فيها عيلة الجندي واهلها لمحت ايوب قاعد مع غادة
رمتله نظرة ساخرة مصحوبة جواها بۏجع من نسيانها في ثواني وقررت تبدء تتجاهله لأن ده أحسن قرار ليها بس اللي صدمها اكتر كلام غادة..
مش عايز تدي لعلاقتنا فرصة يا أيوب
صدمة احتلتها.. أي علاقة!!
56
تعالي يا نور أيوب جاي اهو.
كتمت نور غيظها بإبتسامة خفيفة وهي بترحب ب عائلة الجندي قعدت جنب زين لأن جدها قعد مع كبير العيلة مال زين عليها يهمس.
كويسة
ابتلعت غصة واومأت ليه بصمت وهو مصدقهاش كان حاسس إن وجود عمته هيسبب مشكلة وأزمة ل نور وهو هيرفض ده..
دخل ايوب ب هيبة والهدوء يتملكه والأنظار كانت عليه بداية من محمود الجندي ل حفيده الأصغر مراد الجندي رحب بيهم بعملية..
نبدء الشغل.
بدأت وصلة من المشاريع تتناقش في الجلسة وكان واجب الضيافة تم بالفعل نور لاحظت نظرات محمد الجندي الحفيد الأكبر ليها ولكن قررت تتجاهلها لأنها مش في مزاج تتكلم مع حد..
ده دوركم لو في أي استفسار مش مفهوم بشأن الصفقة تقدروا تناقشوه.
بص الجد للاحفاد والابن والمحامي وهو واثق إن اختياره لمشاركه عيلة عبد السلام مشروعه اختيار ناجح نظرا ل هيبته وشغله الناجح في مجال الأعمال وصولا بكفاءه احفاده في الشغل.
اتنحنح محمد الجندي يقدم وجهه نظرة بشأن كام نقطة واستقبلوها احفاد عبدالسلام بعملية تامة.
لينا طبعا الشرف ياحج نتعامل معاكم وإن شاء الله هيكون مشروع موفق وناجح ويطور من القرية بشكل احسن بس أنا عندي استفسار بخصوص البند رقم 7 مينفعش نلغيه ونخفف الشرط الجزائي
كاد أيوب إنه يتدخل ولكن سبقته نور بكل مهارة وثقة اكتسبتها منه مع الوقت.
يا استاذ محمد البنود كلها في صالحكم مش في صالحنا إحنا لأننا مجرد حلقة الوصل بين نجاحكم ونجاحنا وبالنسبة للشرط الجزائي ف اسمحلي يا حج محمود طبعا إحنا اللي نتشرف بالشغل معاكم وواثقين فيكم بس دي أقل حاجة تضمن حق الشركة واكيد حضرتك عارف إن ده شرط مبدأي طالما محدش هيخل بالصفقة صح ولا إيه
ابتسم الجد وزين بفخر بينما ايوب ظهرت ابتسامته لثواني اختفت لما كمل محمود الجندي ب قبول.
واحنا موافقين على كلامك يا استاذه