قصة سيدنا يوسف عليه السلام
وافق تحت الضغط والمحايلة منهم . .
اخواته أخدوه للصحرا وإختاروا بير بيعدي عليه ناس كتير ورموه في البير زي مااتفقوا
واخدوا القميص الي كان لابسه ودبحوا حيوان العلماء اختلفوا بيقولوا إنه أرنب او خروف او غزاله واخدوا الډم بتاعه غرقوا بيه القميص
فلما ذهبوا به وأجمعوا أن يجعلوه في غيابت الجب .
وقتها ربنا أوحى لسيدنا يوسف بوحى وهو فى البئر أنه هيقول لاخواته كل اللي عملوه فيه من ضړب و تقطيع قميصه و التخلص منه فى البير ..
وأوحينا إليه لتنبئنهم بأمرهم هذا وهم لا يشعرون
ورجعوا لأبوهم بليل متأثرين اوي وبيعيطوا !!
وجاءوا أباهم عشاء يبكون
قالوله داحنا كنا بنتسابق وسيبناه جنب الحاجة بتاعتنا وجه ديب على غفلة و أكله ..
قالوا يا أبانا إنا ذهبنا نستبق وتركنا يوسف عند متاعنا فأكله الذئب
بس انت مش هتصدقنا حتى لو كنا بنقول الحقيقة !
وعلشان يثبتوا كدبهم دة فقدموا له قميص يوسف اللي مليان ډم !!
وجاءوا على قميصه بدم كڈب
حقدهم كان عاميهم عن الكدبة
ماهم لو مركزين ماكانوش عملوا كده من أول مرة يسمحلهم أبوهم بإنهم ياخدوه معاهم .. !!
علشان يطمنلهم على الأقل ويقدر يصدق انه كان ڠصب عنهم بس هما كانوا مستعجلين انهم يخلصوا من يوسف
ده غير إن إستعجالهم خلاهم يستعملوا نفس الحاجة الي أبوهم كان لسه محذرهم منها!
وفوق كدا إنهم نسيوا يقطعوا القميص ! أخدوه زي ماهو كدا وغرقوه ډم وخلاص ..
سيدنا يعقوب ماصدقش الكلام اخد منهم القميص حطه على وشه وقعد يعيط بحړقة على ابنه الي مايعرفش حصله ايه
قال بل سولت لكم أنفسكم أمرا فصبر جميل والله المستعان على ما تصفون ..
سيدنا يوسف قعد شوية في البير لحد ما عدت عليه سيارة كبيييرة رايحة مصر
سيدنا يوسف مسك بالدلو علشان يطلع معاه لما يسحبوه
الناس لاقوا الدلو تقل ف إفتكروه إتملى مية
سحبوه فلاقوا طفل
ف بقى ملكهم زيه زي أي حاجة اي حد بيلاقيها
وجاءت سيارة فأرسلوا واردهم فأدلى دلوه ۖ قال يا بشرى هذا غلام ۚ وأسروه بضاعة ۚ والله عليم بما يعملون
ف اخده كعبد وقال أول ما اوصل مصر هبيعه في سوق العبيد
وراح سوق العبيد وباعه بالقليل !!
ف إشتراه راجل شكله مهمأوي
وشړوه بثمن بخس دراهم معدودة وكانوا فيه من الزاهدين
الراجل الي اشترى يوسف كان شكله مهم أوي
كان وزير من وزراء مصر
كان اسمه في القرآن العزيز
ومين العزيز دة
العزيز دا كان رئيس الوزراء
ربنا زرع محبة يوسف في قلب العزيز فمااخدهوش كعبد عنده
بالعكس دا قال لمراته خدي بالك منه خلينا نربيه يمكن يبقى سند لينا لما يكبر او يبقى زي ابننا ..
طبعا زوجة العزيز ماكنتش محتاجة تربي يوسف بنفسها هما في قصر فيه خدم وحشم فكان من السهل إنه يتربى وسطهم ..
وقال الذي اشتراه من مصر لامرأته أكرمي مثواه عسى أن ينفعنا أو نتخذه ولدا
سيدنا يوسف كان أجمل الناس
وفوق كدا كان صفاء قلبه ونقاؤه الداخلي بيزود وشه نور وجمال
ده غير انه كان بيحكم على الأمور صح عاقل ومنطقي وكلامه موزون عنده أسلوب في الحوار يخليه كل ما يتكلم لازم الناس تسمعله وترتاح لكلامه وتقتنع بيه نبيل وعفيف لدرجة انه بقى شخصية انسانية متكاملة ماتتقاومش أي حد يشوفها لازم يعجب بيها
ولما بلغ أشده آتيناه حكما وعلما ۚ وكذلك نجزي المحسنين
العزيز مع عشرة يوسف عرف انه شخص شهم وأمين يعتمد عليه فعلى شأنه وخلاه مسؤول عن بيته وأكرمه وعامله زي ابنه
بس هتحصل مفاجأة
