رواية جبروت الفصل الثالث والفصل الرابع بقلم اسماء أبو شادي حصريه وجديده

اخوه النهاردة ويتصل بيا علشان نحدد معاد نزورهم فيه.
بدر طب ماكنا روحنا النهاردة يا حاج وبالمرة كان يبقى فرحنا بعد أسبوعين ونبقى في ليلة واحدة مع اختي واخوها.
حسين لا ما ينفعش يا بدر انت ابن حسين الشرقاوي ولازم يتعلمك فرح ما اتعلمش في البلد كلها نخلص من فرح اختك وبعدين نحضر لفرحكوا و ندبح الدبايح والبلد كلها تعرف أن بدر ابن حسين الشرقاوي هيتجوز اجمل بنت في البلد وبفرح ما اتعلمش زيه ابدا.
سمعت أم بدر تلك الكلمات وهي تقرتب منهم 
أم بدر بأستغراب انت بتقول ايه يا حاج.
حسين تعالي يا حجة كنت لسه هناديلك باركي لابنك اخيرا قرر يتجوز واختار عروسة.
أم بدر بدهشة اختار عروسة ازاي ده
حسين بالليل في كتب الكتاب شافها وعجبته وقالي عليها وأصر اني اكلم ابوها وأنا كلمت عمها الكبير وفتحت الموضوع معاه.
أم بدر كدة وأنا آخر من يعلم هو اختار وانت خطبت وأنا ماليش لازمة خلاص.
بدر وهو يقبل يدها لا يا حجة ماتقوليش كدة دا انتي الخير والبركة
أم بدر فبن دا بقى ما انت اهه لاغتني خلاص واخترت عروسة من غير ماتشورني بعد ماكنت بترفض اللي انا باختارهم قبل حتى ماتشوفهم.
حسين بحدة جرا ايه يا ام بدر قولتلك أنه شافها بالليل وأنا بس كلمته وعرفته ان البت الي ابني اختارها وعينه جت عليها خلاص بقت ملكه وحرمتها على غيره شوفتينا روحنا خطبناها ولا كتبنا عليها يا ولية.
بدر خلاص يا حاج الموضوع مش مستاهل كل ده.
أم بدر بتبرم أنا غلطانة حقك عليا انا بس كان منايا اختارله احسن بنت في البلد كلها.
حسين ولو كان هو اختار واحدة ماتنسبهوش كنت أنا وافقته إياك أنا خطبتله البنت الي مافيش عيلة في البلد كلها إلا وتتمناها لابنها وتليق بيه وبينا .
أم بدر ودي مين دي
حسين ليله بنت سالم شاهين.
أم بدر بدهشة يوه اخت مروان جوز زينة بنت المنصورية.
بدر منصورية ايه يا امي.
أم بدر أمها منصورية من المنصورة.
حسين يا صبر أيوب مش انتي لسه بلسانك قولتي اخت مروان جوز زينة الي هو برضه ابن نفس المنصورية يا ولية.
أم بدر بأمتعاض ايون بس ده دكتور قد الدنيا ومكمل علامه و.....
قاطعها حسين خلاص الكلام خلص هو اختار وأنا هجوزهاله.
أم بدر بس هي امبارح كانت هنا الصبح واتكلمت معاها وقالت انها بتتعلم ودماغها في العلام وبس وكمان عرفت من الحريم بالليل أن كذا واحدة طلبتها لابنها وأبوها رفض.
حسين وانتي فكرك أنهم هيرفضوا ابني ولا ايه ليه هو بدر زي اللي اتقدمولها قبل كدة اسكتي يا ولية عشان انتي كلامك بيفور دمي وقومي شوفي بنتك وشوفي وراكي ايه خلاص الډخلة بعد اسبوعين خلصوا مواويلكم دي وباقي الجهاز .
مساءا في قصر قاسم رسلان
استيقظت ريتال من نومها على صوت الخادمة تناديها من خلف الباب
ريتال بصوت مبحوح من اثار النوم أيوة.
الخادمة قاسم بيه طلب مني أناديلك وبيقول لحضرتك أنهم منتظرينك
على العشا.
ريتال بتنهيدة طيب.
قامت من الفراش و وجدت المذكرة بجانبها فوضعتها بالخزانة كي تكون بمأمن ودخلت إلى الحمام
وبعد قليل كانت تنزل على الدرج و أثناء نزولها وجدت خلفها ذلك الجسار بأبتسامته الجميلة المستفزة لها
جسار مساء الخير تالا.
نظرت إليه بضجر وأكملت طريقها دون ان تنطق بحرف واحد 
ريتال بخفوت سلام عليكم.
قاسم و زاهر عليكم السلام ورحمة الله وبركاته
عايدة ايه سلام عليكم دي احنا مش في الشارع في حاجة اسمها مساء الخير بنسوار.
ريتال بجمود السلام لله.
عايدة بعدم فهم ها
ريتال يعني الرسول صلى الله عليه وسلم قال افشوا السلام بينكم و أنا لما قولت السلام فأنا قولته علشان ربنا وبس.
قاسم واحنا ردينا السلام اقعدي علشان تتعشي احنا منتظرينك من بدري.
زاهر اومال فين مراتك يا جسار لسه مارجعتش
جسار اتصلت وقالت انها هتتعشى مع أصحابها.
زاهر ودا اسمه كلام تخرج من الصبح ماترجعش غير بالللي ما تنام برة بقى هترجع ليه.
عايدة زاهر مش كدة الله فيها ايه ليليان شخصية اجتماعية وليها علاقات عامة كتير وصحابها من كبار العائلات وكلهم مشهورين وليهم ادوارهم في المجتمع والجمعيات الخيرية.
زاهر وجوزها فين من دا كله هو له حقوق عليها وبيتها اولى بيها من الجمعيات والاشخاص المشهورين دول.
عايدة