رواية جبروت الفصل السابع بقلم اسماء أبو شادي حصريه وجديده

رواية جبروت الفصل السابع بقلم اسماء أبو شادي حصريه وجديده 
أم مروان مفروض لكن تحت ناس كتير وشكلهم جايين علشان تبقى رسمي.
مروان بس ازاي بابا قال إن عمي اتصل بحمايا وقاله ان بدر بس اللي ييجي النهاردة علشان يشوفوا بعض ويتكلموا وبعدين هي تفكر وتقول رأيها.
أم مروان والله يا ابني أنا مش فاهمه حاجة المهم انزل انت مع ابوك وانتي يا ليله انزلي ساعديني في المطبخ يا بنتي علشان انا كنت عاملة حسابي ان بدر بس اللي جاي.

ليله بضيق حاضر يا ماما أنا نازلة معاكي واهدي شوية يا حجة انتي اصلا بتعمي أكل كتير وطول النهار في المطبخ يعني الاكل الي تحت هيكفي ويزيد وهما جايين من غير ميعاد
مروان هما مين اللي تحت بالظبط
أم مروان أبو بدر واخوه وجوز اختهم وبدر وعمك الكبير وابنه تحت معاهم.
مروان والله شكل عمي ده اللي دبسنا يلا انا نازل.
سالم اهلا وسهلا بيكوا نورتوا دارنا.
حسين الدار منورة بأهلها.
عبدالمجيد وانتوا من اهلها مش غرب وخطوتكم عزيزة.
حسين الله يعز مقدارك يا ابو محمود
بص يا ابو مروان احنا جايين نخطب بنتك ليله لابني البكري بدر وسبق وطلبتها من الحاج عبدالمجيد وقولتله يمهدلك الموضوع لكن انت ابوها والرأي في الاول والاخر ليك انت.
سالم لا ماتقولش كدة يا ابو بدر الحاج عبدالمجيد الخير والبركة وهو كبيرنا وهو قالي على طلبك وأنا رديت عليه بأن ابنك ونعم الأخلاق ويشرفني اننا نزيد النسب ونقويه لكن الرأي في الاول والاخر للعروسة هي اللي هتتجوز وتعيش معاه وحمحم ثم أكمل بأبتسامة وطلبت منه يبلغك اني منتظر بدر يزورنا علشان يشوفوا بعض وبعدها بنتي تفكر وأخد رأيها.
حسن الشرقاوي شقيق حسين جرى ايه يا حاج سالم هي زيارتنا مضيقاك ولا حاجة
سالم لا طبعا ازاي تقول كدة انتوا صحاب بيت واهللا وسهلا بيكوا في اي وقت.
عبدالمجيد ازاي تقول كدة يا ابو ياسر سالم مايقصدش كدة.
حسين ماتقلقش يا حاج عبدالمجيد أنا عارف هو يقصد ايه بص يا حاج سالم انت عارف بدر ابني كويس وبتشكر في اخلاقه وأظن عارف عيلة الشرقاوي كلها نفر نفر وأخلاقهم كلهم عندك اعتراض على ابني أو على نسبنا
سالم لاء لو عندي اعتراض ماكنتش سمحتله يدخل بيتي.
حسن طيب وشرط الجواز هو القبول دلوقتي عروستنا تشوف عريسها ولوحصل قبول ان شاء الله نقرأ الفاتحة ونتفق دلوقتي وأن ماحصلش يبقى كل شئ قسمةو نصيب.
سالم بس دا جواز يا حاج حسين ولازم تفكر وتاخد قرار.
وبعد مناوشات كثرة استطاع حسين أن يقنع سالم برأيه وسمح ل بدر بأن يجلس لبعض الوقت مع ليله بمفردهم بغرفة الجلوس 
أخذ مروان بدر ودخل به إلى غرفة الجلوس وذهب لينادي ليله 
تقدمت مع اخيها بقلب صاخب من دقاته لا تعلم شيئا تشعر أن عقلها توقف عن التفكر ذلك العقل الذي يمدح به الجميع توقف الان هي لديها طموح وتريد ان تنجح لكن ذلك لا يمنع انها تشعر بالفراغ العاطفي وتريد خوض تلك التجربة هي انجذبت لذلك الوسيم بدر ولكن هي تخشى على مستقبلها تخشى على طموحها تخشى الايام والعادات والتقاليد تخشى أشياء كثيرة سوف تتوقف بينهم تلك ليست تجربة عادية.. أنها زواجأنها حياة لا يوجد مجال للفشل ...
دخلت إلى الغرفة وهي تمسك بيد اخيها وذهب هو بها إلى الاريكة المقابلة لتلك التي يجلس عليها بدر وعندما هم بتركها تشبث بيديه
مروان بهمس ايه راحت فين الثقة اجمدي كدة و واجهي ثم ارتفع صوته قليلا وهو ينظر الي بدر الايام بتعيد نفسها من تاني يا بدر
بس المرة دي عليك انت يوما لك ويوم عليك.
بدر بأبتسامة ادعيلي احصلك بقى.
مروان أن شاء الله خير وكل شئ قسمة ونصيب هسيبكم وياريت تتكلموا مع بعض وماتضيعوش الوقت في الخجل زي ما حصل معايا واتناقشوا لأن أقل من عشر دقايق هتلاقيني فوق دماغك يا بدر.
بدر بضحك بتردهالي يعني
مروان ببراءة مصطنعة الاصول يا أخو مراتي .
بعد خروج مروان 
بدربصوت مأخوذ بجمالها ازيك يا ليله يا اجمل ليله في الدنيا ياللي سحرتيني وخطفتي قلبي.
..يالله ماتلك الكلمات هي ټموت خلا دون شئ فكيف بمفعول كلماته كيف تتحدث معه الان
بدر ساكتة ليه وحشني