رواية جبروت الفصل السابع بقلم اسماء أبو شادي حصريه وجديده

صوتك قد ماعيونك وحشوني يا ليله.
..حاولت التغلب على خجلها لا يمكنها الصمت كثيرا فالوقت محدود..
ليله بصوت حاولت جاهدا للخروج حاسما لو سمحت ما ينفعش الكلام ده احنا لسه مافيش بينا حاجة تسمحلك تقوله.
بدر بثقة بس هيبقى فيه.
ليله ومنين جايب الثقة دي كلها
بدر من قلبي اللي مابقاش ملكي من أول لحظة شوفتك فيها صحيح هي لحظة لكن كانت كفيلة بأنك تسرقي قلبي وعقلي وكل كياني ومن وقتها قولت انك ليا مش لغيري وملكييي.
... اهدأ أيها العڼيف فهو يسمع دوي صوت دقاتك في المكان مالك تنبض پعنف فليس هذا اول الغزل الذي تسمعه ولكن ذلك ليس غزلا عاديا أنه عشق أنه متيم يا ليله اثبتي ليله ولا تسمحي بانحراف الحوار
ليله احححم أنا عرفت انك خريج كلية تجارة وبتدير أعمال والدك وعندك شركة في المحافظة وفي مصانع هنا كان.
بدر بأبتسامة لتغييرها مسار الحوار أيوة الارض والمصانع والشركة بيكلموا بعض زي ما احنا هنكمل بعض بالظبط.
ليله بخجل من تلميحاته كنت مرتبط قبل كدة
بدر لاء ما ارتبطتش أبدا والا عمري فكرت ارتبط.
ليله مش غريبة دي وخصوصا انك درست في القاهرة واكيد شوفت بنات كتير وعجبتك وارتبطت حتى لو ارتباط مش رسمي أو حب.
بدر لا مش غريبة أنا قلبي مادقش الا ليكي ولا عيني مالت غر عليكي ولا عقلي فكر الا فيكي وكأني كنت طول العمر مستنيكي .
.. كفى اصمت انت تشعلني بكلماتك انت تسحرني بهمساتك وتجعلني اتمنى لمسا...ماذا لمسات ماذا يا ليله افيقي يا وقحة كيف تفكرينوفي هذا الامر 
ليله مش شايف انك بتبالغ اوى انت يدوبك شايفني من يومين بس لحقت تحس بكل ده
بدر هي نظرة واحدة بس كانت كفاية ليا علشان قلبي يدق ليكي.
ليله بخجل مفرط لو سمحت الوقت قرب يخلص ولسه ما اتكلمناش في حاجة.
بدر قدامنا العمر كله علشان نتكلم فيه.
ليله بغيظ وانت ايشعرفك اني هوافق اصلا وأقبل بيك
بدر ماقولتلك قلبي.
ليله طيب انا تقريبا عرفت عنك الحاجات الي الناس كلها تعرفها زي تعليمك سنك شغلك في حاجة في حياتك تفتكر اني لازم اعرفها
بدر تقصدي ايه
ليله يعني في حاجة في حياتك الناس ماتعرفهاش مثلا أو سر بحياتك كدة يعني.
بدر لا انا ماعنديش اسرار ولو في حاجة انتى حابة تعرفيها اسألي.
ليله طيب انت بتصلي ملتزم في الصلاة يعني 
بدر الحمد لله.
ليله الحمد لله على كل شئ بس برضو ماقولتش ملتزم فيها ولا لاء.
بدر مش هكذب عليكي أنا بصلي لكن مش ملتزم اوى بيها وعلشان كدة قولتلك الحمد لله.
ليله أنا مش بحب الاجابات دي وال بحب المراوغة وبكره الكذب جدا عادي بتقبل اي حقيقة وبفكر كويس لكن الكذب يعني خېانة وانا مستحيل اتقبلها.
بدر بضحكة بسيطة كڈب وخېانة ومراوغة ليه ده كله أنا ماكذبتش عليكي .
ليله أنا عارفة بس دي معلومات بعرفهالك عني.
بدر يعني افهم من كدة ان احنا بنتعرف دلوقتي على بعض لانك قبلتي بيا
ليله انا ماقولتش كدة واللي انا قولتهولك دلوقتي أي حد قريب مني أو في حياتي يعرفه عني. في عندك اسئلة تحب تسألهالي
بدر انتي سألتيني عن الصلاة هل انتي بقى بتصلي
ليله الحمد لله أنا على اد ما اقدر بلتزم بصلاتي.
بدر طيب ليه انتي مش محجبة
ليله انت مسلم ليه مش ملتزم بالصلاة
بدر ربنا يهديني وأن شاء الله هصلي بس عادي كل أبن أدم خطاء.
ليله نفس الكلام معايا أنا مش هتحجب لأن حد عايز كدة أنا هتحجب لما ربنا يهديني واقدر اخد الخطوة دي علشان ربنا وعلشان دا فرض عليا زي الصلاة بالظبط.
بدر انتي بتأمني بالحب من اول نظرة
ليله أنا بآمن بربنا.
بدر بأبتسامة مرحة كلنا مؤمنين وموحدين بس انتي فهمتي سؤالي ولسه بتقولي انك مابتحبيش المراوغة.
ليله مش كل حاجة ينفع نراوغ فيها في حاجات إجابتها محدودة يا اه يا لاء 
وأنا ماجربتش اللي انت بتقول عليه ده فأكيد مش هآمن بسراب بالنسبالي أنا مش من البنات اللي عايشة تنتظر فارس الاحلام والحب أنا هختار اللي يناسبني وأبويا يوافق عليه وبعدها ييجي الحب بقى وأحبه لأنه اكيد طلاما يناسبني يبقى هحبه .
بدر طيب وانا اناسبك
ليله بأبتسامة شقية راحت فين الثقة اللي كنت بتتكلم بيها من شوية
..يا