رواية جبـــــــــــروت الفصل الثامن بقلم اسماء أبو شادي حصريه وجديده

بعد ماقابلتي الدكتور جاكسون.
ريتال اكيد على الاقل لقيت حاجة اعملها لحد ما قاسم بيه يقرر امتى هرجع لهناك .
أدم امممم طيب دلوقتي هنرجع للبيت ولا تحبي نتمشى شوية أو نروح مكان 
ريتال بأستهزاء لاء نرجع البيت علشان قاسم بيه مايتعصبش.
أدم هو مش هيمانع على فكرة واحنا مش هنتأخر هنروح نفطر في أي مكان حلو وبعدين نرجع.
وافقته وهي ترحب بفكرة وجودها بعيدا عن هذا الضغط قليلا تمام .
في محافظة الشرقية
تجلس في غرفتها شاردة وتفكر فيما حدث ليلة أمس يقاطع شرودها
الشقيق الغالي ..
مروان بصياح انتي يا بنتييييي.
انتبهت له ليله ايه يا ابني في ايه خضتني.
مروان خضيتك ايه انا خبطت عليكي وبعدين فتحت الباب وناديتك وانتي ولا سمعاني كأنك في عالم تاني حتى على الفطار كنتي مسهمة خالص.
ليله وأنت مش عايزني أسهم بعد اللي حصل امبارح.
تنهد بحسرة بصي أنا مش عارف اقولك ايه بس عايزك تتأكدي اني في ضهرك وأي قرار هتاخديه أنا معاكي فيه ولو حابه تنهي كل الاتفاقات بتاعة امبارح دي أنا هكون معاكي وهساندك لاني أنا كمان مش مرتاح للحوار الي حصل ده.
ليله بص أنا حسيت تجاهه بالقبول وارتحتله لكن أنا يعني اوووف.
جلس بجانبها واحاط كتفيها إليه ممكن تهدي وتقولي اللي انتي عايزاه بدون تردد
ليله وقد أرخت رأسها عليه أنا صراحة كنت عايزة فترة خطوبة ونتعرف على بعض براحتنا واعرف بيحب ايه وبيكره ايه ونشوف هنقدر نتفاهم مع بعض ولا لاء واعيش فترة خطوبة والجو ده يعني.
مروان بمرح تصدقي كنت فاكرك مالكيش في الجو ده.
ليله بعبوس ماليش فيه ليه ان شاء الله ما اشبهش ولل ما اشبهش.
مروان مپرح لا يا حبيبة اخوكي انتي تشبهي بلد بحالها.
وقفت ليله بعد أن لکمته في صدره وتمازحوا قليلا
مروان بجدية طيب دلوقتي بقى انتي عايزة ايه أو بتفكري في ايه.
ليله ولنفرض إني بفكر في حاجة او عايزة حاجة هعملها بعد ايه بقى ما عمك قفلها خالص مع الناس إمبارح.
مروان بضيق أنا اتضايقت منه جدا وكنت هتكلم لكن سكتت وقولت بابا هيرفض ويتكلم هو لأن غلط اتكلم في وجوده.
ليله و بابا كمان مكانش ينفع يتكلم لأن عمك كبير العلية وهو قال كلمة للناس وبابا بيحترمه جدا وبيحترم كلامه.
جائهم صوت والدهم وهو ينضم إليهم صح كلامك يا نن قلبي لكن انتوا عندي أهم من الدنيا كلها وإذا عندك اي اعتراض قوليه وأنا أنهي كل حاجة ولا يهمني أي حد.
ليله ربنا مايحرمنا منك يا بابا ويباركلنا في عمرك.
مروان وهو يقبل يد والده اسف يا بابا لو كان كلامي ضايق حضرتك.
سالم لا يا ابني أنا افرح لما اشوفك في ضهر اختك وفي صفها وعايز الصالح ليها وأنا قدامك بقولها مالكيش دعوة بأي حد ولا اي حاجة ولو عندك اعتراض على ميعاد الفرح نعرفهم و يأجلوه يا اما يروحوا لحالهم ولو غيرتي رأيك في بدر يبقى خلاص كل شئ نصيب.
ليله لا يا بابا أنا قولت رأيي في بدر وخلاص الي حصل حصل وأنا موافقة وطلاما ماعنديش اعتراض على المبدأ نفسه يبقى خلاص على بركة الله.
سالم بأبتسامة راحة يعني انتي مرتاحة للموضوع يا ليله
ليله أيوة يا بابا مرتاحة ....
وعند تلك الكلمة انطلق صوت الزغاريد من والدتهم التي كانت تستمع إلى حديثهم دون أن تتدخل
مروان بضحك ايه يا حجة طب نبهينا الاول طيب.
سالم كفايه زغاريد طيب بعدين تتعبي.
أم مروان أتعب وايه المشكلة احلى تعب فرحتي بولادي وكمان في يوم واحد.
مروان