رواية جبـــــــــــروت الفصل الثامن بقلم اسماء أبو شادي حصريه وجديده

يلا اهو انتي طول عمرك كنتي بتتمنيها يا ست الكل وربنا حققهالك.
أم مروان ألف حمد وشكر ليك يارب يلا يا ليله ورانا حاجات كتير يا حبيبتي ومافيش وقت دول هما 20 يوم الي باقين.
ليله طب ليه كدة طاه هاتيها واحدة واحدة عشان أستوعب.
مروان بحدة مزيفة تستوعبي ايه مش كفايه فرحي إتأجل بسببك علشان نتجوز مع بعض.
ليله بغيظ يعني هي جت على الكام يوم دول فرقت اوي معاك.
مروان أيوة طبعا فرقت.
مرت الاوقات سريعة على البعض وبطيئة على البعض الاخر عائلة الشرقاوي وعائلة شاهين انشغلوا في التحضيرات والتجهيزات ليوم زفاف أبنائهم أما ريتال فقد انشغلت مع الطبيب جاكسون في زياراته حتى أنها حضرت معه عدد من العمليات الجراحيه قاموا بها في مستشفى القصر العيني وأيضا بعض المشافي الاخرى ولاتزال في دوامتها تعيش في غربة وسط من يفترض أنهم عائلتها و تلتزم الصمت دائما واللا مبالاة الا مع أدم فهو بمرحه وطيبته يستطيع أن يخرجها عن صمتها أما جسار فهو ذلك البارد الغامض قليلا مايتحدث ولكن نظراته وحدها تكفي أن تخبر الجميع أنه ليس بالشخص الهين.
في محافظة الشرقية الزقازيق داخل إحدى المطاعم الفاخرة دخلت ليله بصحبة مروان وكان بأنتظارهم بدر و معه شقيقته زينة..
مروان سلام عليكم.
بدر اتأخرتوا كدة ليه.
مروان هههههه طيب رد السلام الاول.
بدر بضحكة خجلة وعليكم السلام ورحمة الله وبركاته.
مروان اتأخرنا لأن ليله كانت مشغولة مع ماما وبنات العلية بسبب الجهاز بتاعها وخطڤتها منهم بالعافيه.
بدر بنظرات شغوفة موجهه إلى ليله عقبال ما انا اخطڤها منكم كلكم.
خجلا ليله و زينة معا أما مروان فتنحنح في ضيق بسيط بسبب جراءة حديثه
مروان احححم طيب ايه هنفضل واقفين.
بدر لا طبعا اتفضلوا.
واقترب من ليله وازاح المقعد المقابل له لكي تجلس عليه وجلس مروان بجانبه مقابل ل زينة
ليله عاملة ايه يا زينة.
زينة بخجل وصوت شبه مسموع الحمد لله.
ليله بمرح لطيف يدوم الحمد يا قلبي بس ابقي عي صوتك شوية ماتخافيش محدش هيحسدك عليه رغم انه يستحق صراحة أنه يتحسد.
مروان لو سمحتي مالكيش دعوة بمراتي هي رقيقه مش زي ناس.
ردت عليه ليله وهي تضييق عيونها اممممم زي ناس ما الناس دي هي الي نفعاك يا اخويا.
مروان نفعاني في ايه يا حسرة.
ليله يا ناكر الجميل علشان خلاص هتتجوز ومش هتحتاجني بتنكر خيري تنكر اني كنت بغسلك وبخضرلك الاكل.
مروان اه الغسيل اللي بتحطيه في الغسالة وبعدين تطلعيه يتهوى لا و يا مؤمن بعطيها الشراب وبستودعه عند الله مافيش مرة تاخديه غير وترجعيه فردة واحدة.
ليله يا ابني افهم في جيب سحري في الغسالة بيسحب الشرابات ما اكيد أنا مش هخبيهم يعني وبعدين سيبك من الغسيل من بيحضر الاكل.
مروان اكل ايه يا أم آكل قصدك الي بتحطيه في المكرويف يتسخن ده وهو اصلا بيبقى عندنا في التلاجا والفريزر أغلبية الايام أنا الي بجهزه بسبب دراستك.
ردت تقارعه وتناست تقريبا اين هم ومع من جالسين أيوة أيوة أظهر على حقيقتك يا بني دا انت حوادث مابتعملش حاجة في الشقة غير وتخربها حتى لو سخنت آكل بتحرقه ولو غسلت طبقن لازم تكسر منهم واحد.
بدر هههههه استهدوا بالله يا جامعة مش جايين نتخانق هنا.
مروان احححم عجبك فضحتينا قدام مراتي وخطيبك وغمز بطرف عينيه ل زينة التي كانت تبتسم في خجل 
ليله بتوتر بعد ان انتبهت إحم طيب انا عطشانة.
بدر بنظرات جريئة وهو يعطيها كوب الماء اتفضلي اشربي وشوفوا هنطلب ايه للغدا.
مروان تاكلي ايه يا زينة
زينة بخفوت اي