رواية جبـــــــــــروت الفصل الثالث عشر بقلم اسماء أبو شادي حصريه وجديده

زوجها وشقيقتها يجلسون ب ردهة المنزل..
ليله بهدوء سلام عليكم.
تجاهلت أم بدرسلامها و سألتها بجمود لابسة كدة وبتتمخطري رايحة فين .
جاوبتها وهي تغض الطرف عن أسلوبهت رايحة المستشفى عشان النهاردة هيسمحولنا نشوف مروان.
أم بدر مروان مين اللي قتل بنتي.
ليله كاتمة انفعالها مروان أخويا اللي بين الحياة والمۏت في المستشفى بسبب حاډثة مالهوش يد فيها وخسر مراته فيها.
صفية شقيقة حماتها پعنف اخرسي يا قليلة الادب و وطي صوتك وانتي بتتكلمي يا بنت شاهين .
ليله أنا مؤدبة جدا الحمد لله ومارفعتش صويت ويشرفني اني بنت شاهين بنت سالم شاهين.
ام بدر اسمعي بقى من اللحظة دي اسم اي حد من عيلة شاهين ممنوع يتذكر في بيتي وتنسي عيلتك دي خالص.
ليله بدهشة انسى عيلتي ازاي يعني
أم بدر يعني زي ما أنا اتحرمت من بنتي هما كمان يتحرموا من بنتهم لا هيشوفوكي ولا هيلمحوا طيفك ولا يسمعوا صوتك و أضافت بحړقة ولا امك تاخدك ولا تسمعك بتناديها يا آما يعني انتي كمان ټموتي بالنسبالهم.
ليله انتي مش طبيعية خالص ايه اللي انتي بتقوليه ده 
صفية اتلمي بدل ما أقوم اجيبك من شعرك ويلا انكشحي على فوق انتي مالكيش خروج من هنا خالص وسمعتي حماتك قالت ايه.
تحركت إلى جناحها وسط ذهولها من حديثهم وبمجرد دخولها بكت كثيرا وقامت بالاتصال بزوجها
ليله پبكاء أنت فين يا بدر تعالى حالا.
بدر بفزع في ايه يا ليله أمي حصلها حاجة 
ليله امك مش عايزاني اروح اشوف أخويا وبتقولي اني مش هشوف عيلتي تاني ومش هخرج من البيت ابدا.
بدر أهدي يا ليله وأنا في الشركة مسافة الطريق واكون عندك.
ليله پبكاء تعالى براحتك أرجوك ماتسوقش بسرعة أنا في شقتنا ومش هطلع منها الا لما انت تيجي علشان خالتك كانت عايزة تضربني.
أم بدر بصوت عالي ده العدل زي ماخدوا بنتي اخد بنتهم زي ماحرقوا قلبي هحرق قلوبهم عليها.
رد عليها بدر بلين محاولا تهدئتها يا أمي افهمي ليله مالهاش ذنب في اللي حصل.
أم بدر و زينة ذنبها ايه هي كمان
بدر عمرها يا أمي أجلها وماحدش له يد في كدة ده نصيب.
أم بدر بصړاخ هيستيري و دا كمان نصيب دا العدل وأنا هنفذه وانتقم لبنتي منهم هاخد حق زينة يا زيييييييينة يا زييييييييينةيا بنت عمري يا حتة من قلبي ااااااه يا حړقة قلبي عليكي يا زيييييينةيا ضناااااايا.
ثم وقعت أرضا أمامهم وقد تغير لون وجهها وبهت بشكل مرعب حملها بدر سريعا واتجه إلى غرفتها و طلب من خالته أن تتصل بالطبيب .
بعد أن رحل الطبيب وحذرهم من الانفعال لان صحتها قد تدهورت كثيرا وأنها معرضة للاصاپة بأزمة قلبية .
أتى والده وعلم من صفية ما حدث وبالطبع لم تقصر وهي تخبره أن بدر من اوصل والدته لتلك الحالة بسبب زوجته ودفاعه عنها وعن عائلتها واتهمه أباه أنه السبب بما حدث لوالدته وأنه إذا حدث لها مكروه هو المسؤل وتركه بعد أن أسمعه من الكلام ما لا يسر بل ويزيد من تانيب ضميره لنفسه فهو بالاساس يشعر بالذنب تجاهها صعد إلى جناحه واتجه إلى غرفة النوم وجد زوجته تلك الحسناء نائمة فوق الفراش وأثار البكاء مازالت فوق وجهها ومازالت تنتحب أيضا أثناء نومها لم يستطع أن يتواجد معها بنفس الغرفة وأسرع إلى الغرفة المخصصة للأطفال بالجناح وبدل ثيابه وقضى ليلته هناك.
صباحا استيقظت وهي تشعر بالجوع الشديد فهي لم تأكل أي شئ بالامس فتحت عينيها بأرهاق وتعب وجدت بدر يجلس أمامها