الحلقة السادسة من العاصفة بقلم / الشيماء محمد شيموووو
وأنا ببص لمين كويس بقى
محمد بتريقة اللى أنتي مش شايفة غيرها يا بدرية .. سميرة اللي انتي شايفاها أحسن منك وبدل ما تحاولي تتفوقي عليها بتحاولي دايما تغلطيها بأي حاجة
بدرية بذهول أنت بتقولي أنا الكلام ده يا محمد !
محمد بأسف وزعل للأسف أيوة وللأسف أكتر إني سكتلك من زمان وسيبتك براحتك وقلت خلي المركب تمشي بس كان المفروض غرقتها من زمان .. بس ملحوقه يا بدرية
محمد بصلها بتحذير مستنيلك ربع غلطة تانية يا بدرية وهتشوفي هعمل ايه
سابها وخرج وهي قعدت مكانها وحاسة إنها مش قادرة تتنفس من كمية الغل والكره اللي سيطروا عليها واتمنت لو تقدر تقوم وتجيب جاز ولا بنزين ټغرق بيه بيت سميرة كله وتحرقهم كلهم جواه ..
آخر النهار طه منتظر خطيبته تيجي هي ومامتها وكل شوية يخرج برا ويدخل وسمر مراقباه من فوق من شباك أوضتها ومخڼوقة وبتسأل نفسها ليه عمره ما بصلها ! ايه اللي مميز في غادة دي اللي خطبها ! دي بالعكس هي حتة مدرسة لا راحت ولا جت وهي هتكون مهندسة .. ازاي يفضلها هي كمان التانية أبوها وأمها ناس فلاحين علي قدهم ازاي يفضلها عنها ازاي
وهمس بتجري ليه علي جوا !
غاده ابتسمت بحرج مش هينفع نقف هنا ونسيب ماما تدخل لوحدها
طه وقف يرد بس حماته بصت ناحيته والدتك فين يا طه
طه ابتسم جوا اتفضلي يا ست الكل
غادة ابتسمت ودخلت مع والدتها وهو اتنهد ودخل وراهم وسميرة استقبلتهم ورحبت بيهم وقعدوا كلهم مع بعض
سميرة أخدتهم عند أمل وسلموا عليها وقعدوا معاها كلهم وبيرغوا مع بعض
طه بص لغادة هو أنا قلتلك إن السيراميك وصل
غادة ابتسمت طيب كويس هتشتغل فيه امتى
طه بكرا إن شاء الله ..
أم غادة علي خير يا حبيبي وربنا يتمملكم علي خير ..
طه بابتسامة يارب يا ست الكل .. غادة تحبي تشوفي السيراميك
غادة اتحرجت وبصت لمامتها ولحماتها
سميرة ابتسمت قومي عادي شوفي لو في حاجة مش عاجباكي قولي بدل ما العمال يبدأوا وتكون حاجة مش علي هواكي يا حبيبتي
أم غادة مبتسمة وهو ذوق طه في بعده كلام يا أم طه ! ربنا يحميه .. بصت لبنتها المحرجة لو عايزة تقومي براحتك يا بنتي ..
طه وقف أكيد طبعا في نور امال بقولك هتشوفيه علي ضو القمر يعني ! تعالي يلا بعد اذنك يا ست الكل
أم غادة بس ما تتأخروش
طه لا علي طول ما تقلقيش
أخدها وخرج الجنينة ورايحين ناحية شقتهم اللي جنب بيت أبوه وبيضمهم سور واحد وجنينة واحدة مع بيت عمه كمان وسمر بلكونتها اللى كاشفة الجنينة والشارع وبمجرد ما سمعت صوتهم وقفت تشوفهم في الظلمة والڼار زادت جواها
غادة بصت للأرض ماشي مراتك بس برضه
دخلوا وهو شغل النور وڤرجها علي السيراميك وعجبها جدا
غادة بفرحة يااا متحمسة أشوفه بعد ما يركب فعلا والشقة تخلص هتبقى حلوة صح
طه قرب منها هي هتبقى حلوة لأنك أنتي هتنوريها
غادة بصت للأرض هانت يا حبيبة قلبي
غادة محرجة منه ما تهربيش من عينيا .. أصلا أنتي وحشاني
غادة بحب وأنت ... اليومين اللي سافرت فيهم علشان أمل كانوا طوال أوي وغلسين
طه ابتسم وحشتك فيهم يعني !
غادة هزت دماغها وبصت للأرض ما تهزيش دماغك اتكلمي وقولي إني وحشتك زي ما أنتي وحشاني
غادة مبتسمة وبصت لبعيد أنت .. وحشتني
طه اتنهد أنا بحبك يا غادة
غادة بصتله بحب وخوف هو احنا صح هنأجل الفرح
طه كشړ مين قال إننا هنأجله !
غادة بجدية امي قالت إنه احتمال يتأجل بسبب أمل
