رواية العاصفة الحلقة ال ١١ بقلم الشيماء محمد شيمووو
لحظة .
وخرج شد ملك ناحية التراس وخرج بيها لبرا وهي نزلت للجنينة مكملة بس وقفت لما زعق وبعدين معاكي !
ملك وقفت وواجهته وبعدين معايا أنا ! أنا يا أستاذ كريم ! سيادتها بتعمل ايه هنا ! أنت عمرك ما لغيت اجتماع .. عمرك .. دلوقتي بتلغيه علشانها ! ومخبي عني !
كريم قاطعها أنا مش مخبي .
ملك بصتله بتريقة تصدق قلتلي بس أنا نسيت .
ملك ربعت ايدها بتريقة اتفضل فهمني يمكن افهم .
كريم شرحلها بسرعة سبب وجود أمل..
الجو على سفرة التكل اتوتر والكل ساكت بس ناهد حاولت تلطف الجو شوية هي وحسن
موبايل شريف رن وبصله واعتذر منهم يرد وقام يبعد شوية عنهم وفضوله خلاه يروح ناحية التراس ولما ما شافش حد فيه خرج لبرا ولمحهم تحت في الجنينة بيتخانقوا وصوتهم عالي .. فتح موبايله ورد على مامته بهمس لحظة يا أمي وهكلمك بعد شوية سلام
ملك بعدم اقتناع امممم سيادتك اخدتها تتعرف على حمادة ! يعني ماكانش ينفع تروح أنت لوحدك !
كريم كشړ بتعب يا بنتي العقيد سلامة طلب مني أبلغها وهي وجودها مهم لأنها شاهدة رئيسية .
ملك بنفس أسلوبها الساخر أنا ده فاهماه كويس أنا أقصد إن ماكانش ينفع العقيد يبلغها بنفسه هو أو حد من ظباطه أو مثلا ماكانش ينفع سيادتك تروح لوحدك ! وهي اهي معاها أهلها تروح لوحدها معاهم ولا سيادة العقيد طلب منك تيجي أنت معاها وايدك في ايدها .
ملك زعقت جاوبني يا كريم كان ينفع كل واحد فيكم يروح لوحده ولا لازم تروحوا مع بعض !
كريم بصلها شوية هتفرق ايه معاكي !
ملك ضحكت پغضب تفرق كتير سيادتك .. تفرق إنك ما تكنش مهتم فتروح لوحدك عادي لكن سيادتك كنت مهتم بيها ومهتم تحميها .
كريم بتريقة أحميها ! جوا مديرية الأمن يا ملك !
كريم كشړ بعدم اقتناع سيادتك زودتيها أوي أوي .
ملك شدت كريم من قميصه يواجهها وزعقت كان ممكن تقولي اجي معاك وأنت عارف إني ماكنتش هتأخر أبدا .
كريم بعد ايدها عن قميصه محسساني إني رايح أتفسح وزعلانة علشان مااخدتكيش معايا .. بعدين الموضوع بالنسبالي كان عادي مافكرتش في كل الأفكار اللي مالية دماغك دي .. كان عادي فعلا أروح بس انتظرت وجود أمل لأنهم مش من القاهرة وبالتالي عملتها كخدمة مش أكتر مفيش في دماغي كل أفكارك السودا دي .. وبعدين لو ملاحظتيش أو لو اهتميتي تعرفي اللي جوا دى معاها أخوها وخطيبها .. ملك كشرت باستغراب بس كريم لاحظ ده فكمل أيوة خطيبها دكتور شريف .. يعني هي اوريدي معاها اللي يحموا مشاعرها مش محتاجاني أنا .. أنا عملت ده من باب الذوق مش أكتر .. هي معاها خطيبها يحمي مشاعرها .
كريم نفخ بضيق وزعق وبعدين بقى في ايه معاكي ! هي أي تهمة والسلام ! أنتي ماشية ترمي اټهامات وخلاص ! المهم في الآخر توصلي لايه ! اني مهتم بأمل ! ده اللي عايزة توصليله ! طيب اريحك أنا بدل اللف والدوران ده كله .. اه يا ستي أنا مهتم بأمل ها عايزة تقولي ايه تاني ! في إتهامات جديدة سيادتك حابة تضيفيها ! يلا اوكازيون بسرعة قبل ما يخلص ! ها اتكلمي .
قعد على السفرة معاهم تايه لدرجة طه لاحظ فسأله خير يا شريف في حاجة ولا ايه
شريف ابتسم بتكلف لا أبدا خير ..
كريم دخل و وقف شوية جنب باب التراس بيحاول يسيطر على أعصابه ونرفزته ويرجع لطبيعته قبل ما يرجع لضيوفه وبالفعل ابتسم وهو بيقرب
