رواية العاصفة الحلقة ال ١١ بقلم الشيماء محمد شيمووو
حصل ! الف سؤال جوايا يا سمر وعايز أسمع إجابتهم منك !
سمر بحزن شديد وليه ما سألتش خطيبتك كل الأسئلة دي !
شريف بيفتكر كل كلامه مع أمل وكل التفاصيل اللي قالتها وبص لسمر سمعت منها محتاج أسمع منك ..
سمر مسحت دموع وهمية في عنيها وحسسته قد ايه هي مچروحة ومتأثرة وبدأت تحكي حكايتها وإن أمل تعرف الولد ده وهو أصر يوصلها ونزلت معاه ومهما هي تنصحها إلا إن أمل أصرت تركب معاه وهي اضطرت تكدب علشانها ولما عملوا الحاډثة دي واتكشف كدبها اضطرت تغطي كدبها بكدبة تانية وإنها تلبس سمر الليلة كلها
مدت ايدها ومسكت ايده وكأنها منفعلة جدا شريف أنت لازم تحميها من نفسها قبل أي حد تاني أرجوك .. هي بعدتني عنها تماما وخصوصا بعد الحاډثة دي بابا بعدني عنها ومابقيتش أقدر أساعدها ودفعت تمن مساعدتي ليها غالي أوي .. تخيل اتطردت من أوضتي في المدينة وقعدت في أوضة تانية ضيقة وزحمة .. تخيل أصلا بابا كان هيخليني أسيب الكلية وأنا في آخر سنة .. بس كل ده مش مهم المهم دلوقتي أمل تتخرج وتتجوزك وتنسى الولد ده وأنت هتعرف تقومها صح وهتعرف تخليها تحبك .. هي بدأت تحبك صح ! اوعى تكون لسة بتفكر فيه ! شريف أرجوك طمني وقلي إنها بتحبك وبتكلمك بالساعة والاتنين بالليل زي ما كانت بتسهر طول الليل على التليفون معاه .. حاول تخليها تنسى وتبدأ صفحة جديدة معاك ..
شريف فضل ساكت يحاول يستوعب كلام سمر ده ويقارنه مع اللي سمعه من ملك واتهامها لخطيبها باهتمامه بأمل والاهم اعتراف كريم نفسه انه مهتم بيها ... طيب بلاش كل ده توهانها طول الوقت ده ليه ! بتختصر معاه كل مكالماتها ليه ! بتقفل معاه كلامه اسرع من البرق ليه ! طيب ليه اتكلمت مع كريم بالاريحية دي ! ليه خبت عليه تفاصيل الليلة دي ! ليه مقالتش مثلا على عشاهم مع بعض ! ليه مقالتش إنها خيطت ايده ! ليه مقالتش إنها نامت معاه في مكان واحد ! ليه مقالتش إن الشباب دول نجحوا يقلعوها هدومها ! طيب يا ترى كريم لما أنقذها منهم أنقذها ازاي! طيب لما اتضربت لدرجة إنهم يكسروا ضلوعها هل فضلت واعية ولا اغمى عليها ! طيب هل ده معناه إن كريم هو اللي شالها وهي عريانة ! هل هو اللي لبسها هدومها ! طيب شاف ايه من جسمها ! لمسه ازاي ! طيب شعرها ! شافه ! اتمتع بيه ! هل شعرها جميل ولا لا !
شريف جاوبها بحزن وهو ماسك دماغه عايزاني أعمل ايه أفكر ازاي
سمر بابتسامة إن ربنا عطاك فرصة تانية تبدأ معاها من جديد وتحاول تخليها تحبك !
سمر بحزن وانكسار مش بنت عمي ولازم أكون في صفها ! ده المثل بيقول أنا وابن عمي على الغريب .
شريف همس بحزن وللدرجة دي شايفاني غريب ! لدرجة إنك تقفي ضدي لمجرد إنك تكوني في صف بنت عمك ! حتى لو هتيجي عليا !
سمر بحيرة هزت دماغها أنا مش عارفة أعمل ايه ! قلي أنت أنا أعمل ايه !
سمر بدموع بتلمع أنا صريحة معاك وصريحة فوق ما كنت هتخيل إني أكون صريحة .
شريف زعق طيب جاوبيني هي بتحبني وبعدها عني حرج ولا بتحبه هو وبعيدة عني علشانه !
سمر
