الحلقة ال ١٢ العاصفة بقلم : الشيماء محمد شيموووو
سميرة زعقت .. ويكفي جدا اللي هي قالته وكان المفروض تكتفي بكلامها هي اتفضلت واتكرمت وقالتلك ومش مطلوب منها ده أصلا
عبدالله اتدخل سميرة اتكلمي بالراحة
سميرة بنرفزة لا مش هتكلم بالراحة هو تخطى حدوده أصلا
شريف بص لعبدالله يا عمي أنا ما أقصدش أبدا
عبدالله پغضب مكتوم اتفضل دلوقتي من هنا يا شريف
عبدالله بص لبنته ودموعها وبص لمراته وڠضبها وبص لشريف لا مش حقك يا دكتور شريف .. كان المفروض يكون في ثقة أكتر من كده
شريف هز دماغه وبرفض وعدم تصديق يا عمي حضرتك بتتكلم عن ايه ! الثقة بتيجي من العشرة والتفاهم وإني أكون عارف الشخص اللي قدامي ! أنا أيوة عارف أمل بس معرفتي بيها سطحية جدا .. هي كل ما بكلمها بترد على قد سؤالي ويمكن أقل .. مش قادر أقرب منها ولا أفهمها .. وكل ما بحاول أفهم هي بتصدني
شريف بنرفزة حضرتك أسلوب الحوار ده أنا مش عارف أتكلم بيه
عبدالله مسك سميرة منعها تتكلم وعلشان كده قلتلك اتفضل دلوقتي ونتكلم بعدين
عبدالله قاطعه يا ابني مش دلوقتي محدش هيسمع دلوقتي اتفضل اذا سمحت
طه داخل وسمع آخر جملة كشړ باستغراب في ايه !
شريف بصله اذا سمحت يا طه خليهم يدوني فرصة أتكلم
طه بص لأبوه اللي قاله قله يا طه مش وقت الكلام دلوقتي .. وصله لحد الباب ..
عبدالله أخد بنته وطلع على أوضتها وسميرة وراهم وطه أخد شريف وسأله خير يا شريف ايه اللي حصل
شريف بصله أنا مش عارف ايه اللي حصل لكل ده !أنا يدوب سألت أمل على الليلة المشئومة اياها ! أنا مش هخبي عليك يا طه صراحة اتضايقت لما كريم حكى عن عشاه مع أمل وأنا معرفش عنه حاجة .. ويدوب سألتها الدنيا قامت وما قعدتش ..
طه كشړ وحس إن شريف معاه حق هو لو مكانه مش هيقبل ده بس برضه أهله مش هيتضايقوا علشان كده بس أكيد في أبعاد تانية ولازم يسمعها الأول قبل ما يقول أي كلمة فبص لشريف طيب على العموم التوقيت غلط يا شريف .. أمل راجعة مڼهارة وأنت شوفت حالتها ايه فماكانش وقته أصلا أي أسئلة في الموضوع ده .. على الأقل مش دلوقتي .. دلوقتي كان المفروض تكون داعم معنوي
طه ابتسم بمجاملة يلا الجو يهدأ وهكلمك إن شاء الله ..
شريف مشي وطه طلع جري لعند أخته اللي كانت بټعيط في حضڼ مامتها وأبوها واقف محتار وطه دخل ايه اللي حصل لده كله !
سميرة بصتله سيادته بيحاسبها .. ليه أكلتي ! ليه نمتي ! ليه خيطتي ايده ! والعيال دول عملوا ايه بالظبط ! ارموله حاجته يا طه أنا مش عايزاه يكمل مع بنتي !
سميرة زعقت سيب أختك في حالها
طه پغضب يا أمي لازم أفهم .. الكلب ده لو غلط في الكلام هروح آدبه
عبدالله هنا اتدخل ليه سيادتك كنت بلطجي وأنا مش عارف ولا ايه ! بعدين بدون ما نسمع من أمل مش هاخد رد فعل ..
أمل اتعدلت ومسحت دموعها بايديها وبصتلهم رجعوله حاجته .. هو كان عايز يفهم وده حقه اللي حصلي وصمة عار واتوصمت بيها ومحدش
