الحلقة ال ١٤ العاصفة بقلم / الشيماء محمد شيمووو

عادة ! 
خالد بضيق ممكن أعرف ايه اللي سيادتك عملتيه ده ! 
ملك وكأنها مش فاهمة عملت ايه ! 
خالد زعق ما تستعبطيش يا ملك أنتي فاهمة كويس أنا بتكلم عن ايه وعن مين 
ملك پغضب أعمله ايه ! مش هو اللي اتنرفز ومشي ! 
خالد مسكها من دراعها مش سيادتك اللي روحتي لزمايلك وطنشتيه ! وبعدين عيب اللي بتعمليه ده ! المفروض خطيبك وأهله موجودين سيادتك تسيبي الدنيا كلها وتستقبليهم وترحبي بيهم وتقعدي جنبه لكن اللي عملتيه لا أدب ولا أخلاق ولا ذوق 
ملك مصډومة من لهجة أبوها اللي أول مرة يتكلم بيها أنت كل اللي همك زعله هو ! وانا أتفلق ! مش أنا بنتك ولا ايه ! المفروض تهتم بيا أنا وبزعلي أنا ! هو اټخانق معايا والمفروض كان جه صالحني بما إن ده عيد ميلادي .. لكن هو طنش وقعد مكانه وحط رجل على رجل ومطلوب مني أنا أروح أبوس ايديه صح ! ده اللي حضرتك كنت عايزه مني ! 
خالد بيأس يا بنتي أنا عايز الخير ليكي وكريم خير ما تضيعهوش 
ملك بذهول أنت ايه حكايتك مع كريم ! ليه متمسك بيه بالشكل ده ! ليه مهتم بزعله أوي كده ! 
خالد بزهق علشان بحبك أنتي عايز أحسن راجل في الدنيا ليكي 
ملك زعقت وكريم هو أحسن راجل ! في غيره كتير ! 
خالد هز دماغه بيأس حواليكي مفيش .. اللي حواليكي دول ما يسووش يا ملك ! أنا فرحت جدا لما ارتبطتي بيه وقلت بنتي اختارت إنسان صح وقلت هو هيحافظ عليها ويحميها واطمنت عليكي لكن أنتي بتضيعيه منك وبتمشي ورا كلام مامتك اللي هتغرقك وللأسف هتفوقي بس بعد فوات الأوان .. فوقي دلوقتي من غير خساير
ملك بإصرار بابا لو أنت خاېف على شراكتك مع أونكل حسن أنا ممكن
قاطعها خالد شراكتي بحسن عمرها ما هتتأثر ولو اتأثرت في داهية أنا كل اللي يهمني أنتي ومستقبلك .. افهمي 
ملك بإصرار أصحابي منتظريني برا وأنا مش عايزة أتأخر عليهم بعد اذنك يا بابا .. 
أبوها مسكها من دراعها وقفها تاني واداها العلبة فبصتله باستغراب ايه دي ! 
خالد بضيق كريم سابها وطلب مني أديهالك بمناسبة عيد ميلادك 
ملك ابتسمت بس كشرت على طول يعني سيادته ماقدرش يديهالي بنفسه
خالد بتريقة لو اديتيه فرصة كان اداهالك بنفسه 
ملك فتحت العلبة وهنا ابتسامتها اتحولت لذهول تام وعينيها وسعت جدا لدرجة أبوها اتوتر في ايه يا ملك !
ونكمل