الحلقة ١٨ العاصفة بقلم / الشيماء محمد شيموووو
بقلق خلاص يا حبيبي بس ابقى طمني عنك بالله عليك ما تسيبنيش قلقانة عليك
خالد وقف ومسك ايديها الاتنين بحب حبيبة قلبي مفيش حاجة تستدعي قلقك مشكلة في الشغل بسيطة بس لازم أكون موجود لكن مفيش حاجة
نورهان ابتسمت بجد مش بتضحك عليا !
خالد ابتسم من امتي ضحكت عليكي علشان أضحك عليكي دلوقتي ! يلا خلي بالك من نفسك ولو في أي حاجة كلميني .. سلام
رقية بتريقة الأول ايه اللي أخرك كل ده قلت يومين بقالك أربع أيام !
خالد اتنهد شغل فين ملك بقي !
رقية بفضول أيوة شغل ايه يعني !
خالد بزهق يعني من امتى أنتي بتسألي طبيعة شغلي ايه ولا هتفهمي مثلا لو قلتلك شغل ايه ! كنت بخلص شوية معدات في المينا محتاجينها في شغلنا .. ها ! اطمنتي كده ! فين بقى يا ستى ملك
خالد هز دماغه بحزن وليه ما تعرفيش هى فين ! وليه ما تهتميش تعرفي بنتك فين أصلا !
رقية بصتله بذهول بقولك ايه يا خالد اطلع من دماغي هي مش صغيرة
خالد زعق هي مش صغيرة بس لسة خارجة من علاقة فاشلة ونفسيتها زي الزفت وبتخبط ومش عارفة هى بتهبب ايه ! فالمفروض تكوني جنبها في ظروف زي دي
خالد هز دماغه بيأس كريم كان راجل بعشرة من نوعية سليم لكن للأسف أنتي بتسمي رجولته خنقة .. بكرا هتشوفي الفرق بنفسك وهى نفسها هتفوق بعد ما تخلص لعب وجري ونط وهتعرف ايه الفرق بين الراجل اللي بجد وشبيه الرجال اللي زي سليم
خالد تجاهلها واتصل بيها ويدوب كلمتين نطقهم ربع ساعة بالكتير وتكوني هنا في البيت
قفل الموبايل ورقية مذهولة منه وقفت وزعقت أنت مش هتبطل بقى تحكماتك الغريبة دي ! علشان كده كان عاجبك كريم لأنه من نوعيتك !
خالد زعق فيها پعنف هى مش متعودة عليه تحكماتي ! هى فين تحكماتي دي ! سيادتك طبعا نايمة ولا علي بالك اللي بيحصل وتلاقيكي أصلا ولا تعرفي حاجة
خالد بتريقة أنا برضه قلت إنك نايمة ! أنا سيبتهالك تدلعي فيها براحتك وتطلعيها شبهك وللأسف فعلا طلعت شبهك !
رقية شهقت ووقفت في وشه للأسف شبهي ! ليه إن شاء الله ! أنت ناسي أنا مين وبنت مين ومن عيلة مين !
خالد پغضب لا يا ستي مش ناسي بس الظاهر إنك مش عايشة في العالم بتاعنا ده ! أيام البشوية انتهت وأنت مين وابن مين معادش بيفرق مع حد ! المهم أنت مين ! أنت وظيفتك ايه في الحياة ! أنت عملت ايه في دنيتك ! أنتي يا رقية عملتي ايه في حياتك كلها ! قليلي حاجة واحدة مهمة أو مفيدة عملتيها ! بنت عيلة غنية نعم وبعدين ! ايه لازمتك في الدنيا !
