الحلقة ١٨ العاصفة بقلم / الشيماء محمد شيموووو

تاكلي وتشربي وتلبسي وتتفسحي ! أفدتي حد بأي حاجة ! نفعتي حد بحاجة ! طلعتي ايه من الدنيا دي كلها ! ببنتك ! بنتك اللي ماكنتيش عايزة تخلفيها أصلا علشان جسمك وشكلك وسهراتك وفضلنا ٤ سنين متجوزين مش عايزة تخلفي وبعد ما خلفتيها رفضتي تخلفي تاني .. كان المفروض بنتك دي تكون أعظم إنجازاتك بما إنك فاشلة في كل حاجة تانية بس حتى بنتك طلعتيها إنسانة سطحية بتحكم بالمظاهر زي ما أنتي علمتيها .. حاولت أغرس فيها قيم ومباديء بس للأسف تأثيرك أنتي كان أقوي .. اه ما طلعتش تافهة زيك بس برضه وارثة نفس الطباع ونفس الغباء .. سابت راجل محترم أخلاقه عالية وراحت لواحد محسوب على الرجاله بالعافية .. بنتك يا هانم ليها فيديو منتشر على كل مواقع السوشيال ميديا بترقص وتشرب مع سليم وباقي شلتها 
رقية اټصدمت بس حاولت ما تظهرش ده فبتكابر وفيها ايه ! أصحابها وسهرانة معاهم خلي اللي يتكلم يتكلم محروقين منها ومن جمالها 
خالد پصدمة زعق لو أنتي مش همك سمعتك أنا هماني .. أنتي ازاي مش همك سمعة بنتك وسمعتي أنا ! أنتي ايه يا شيخة شيطانة ولا ايه !
ملك دخلت على خناقهم وصوتهم العالي وقاطعتهم في ايه 
رقية بصت لبنتها بذهول وبصتله أنت ازاي تكلمني بالأسلوب ده ! أنت ازاي تقول كل ده ! 
خالد بزهق علشان زهقت من سطحيتك دي والبرج اللي أنتي حاطة نفسك فيه وبتبصي للناس من فوق .. مش عارف أنا بأي عقل سيادتك شايفة إن سليم أحسن من كريم ! رجولة كريم أرجل ألف مرة ! 
غنى كريم أغني أضعاف أضعاف سليم 
ذكاء كريم أذكي يبقى بأي منطق تقنعي بنتك تسيبه ! 
ملك اتدخلت بنرفزة ده كان قراري أنا ماما مالهاش دخل فبلاش تلومها هي وبعدين سليم طلب ايدي للجواز وأنا وافقت وهيجي النهاردة يطلب ايدي بشكل رسمي هو و والده 
خالد بصلها وزعق طلب ايدك علشان يداري الڤضيحة اللي منشورالكم على السوشيال ميديا صح ! 
ملك پغضب فين الڤضيحة دي ! كنا سهرانين عادي جدا وبنرقص فيها ايه !
خالد بأسف فيها فشلي كأب في إني أربيكي يا ملك .. أنا بعترف إني فشلت فشل تام في تربيتك وعقاپا وتأديبا ليكي يا ملك أنا هوافق عليه 
ملك بذهول عقاپ ليا 
خالد بنرفزة أيوة ده أفضل عقاپ ليكي علشان تفوقي لنفسك شوية وتقارني وتعرفي ازاي تحكمي على الناس صح مش تمشي ورا كلام أمك اللي أقنعتك إن التفاهة والتحرر والمرقعة هو الكويس .. هوافق على سليم وابقي شوفي بنفسك الفرق بين راجل بجد زي كريم وتافه زي سليم ! ابقي شوفي بنفسك يا ملك الفرق بين راجل كان هيراعي ربنا فيكي وېخاف عليكي ويغير عليكي ويحميكي من الدنيا كلها بروحه .. راجل كان على أتم الاستعداد يضحي بحياته علشان يحمي بنت على طريق سفر ما سمحش لكلب ېلمس شعرة منها .. ده راجل كنتي تتجوزيه وأنتي مغمضة مش يقولك ارجعي لدينك تقوليله خنقتني ! كان المفروض أنا لبستك الحجاب ڠصب عن أنفك أنتي وأمك اللي فاكرة نفسها لسة نغة وإن الجمال بالشعر واللبس والموضة ومش قادرة تعرف إن الجمال بالأدب والأخلاق والحياء .. 
رقية مذهولة من كل اللي بتسمعه منه أيوة على طول في خلافات بينهم بس لأول مرة يتكلم بالأسلوب ده والطريقة دي ! فزعقت كفاية