الحلقة ٢١ بقلم / الشيماء محمد شيموووو
لكن كنت غلطان .
سميرة استغربت اكتر امال كانت جاية ليه عندك
عبدالله بزعل بصلها تستأذني أكلم محمد أخويا .
سميرة بعدم فهم تكلم محمد أخوك في ايه بالظبط هي ليها ايه عند محمد
عبدالله أخد نفس طويل وبصلها عايزة تطلب ايد سمر لشريف ومحمد رافض وعايزاني أكلمه علشان يوافق .
سميرة شهقت وضړبت بايدها على صدرها من الخضة والمفاجأة وبصت لجوزها بړعب وهي بتتخيل أمل بنتها لما تعرف إن مش بس سمر عملت فيها كل ده دي كمان هتاخد خطيبها تتجوزه
الباب خبط عليهم ودخل طه مخضوض في ايه بابا مالك أنا سايبك كويس ماما كلمتني
طه لاحظ صدمة مامته راح قعد قصادهم وبص لأبوه في ايه ماما مالها هي كمان ! كلموني !
عبدالله بصله وقاله طلب ميادة وطه اتنرفز وبصله أنا قلتلك الواد ده عايز يتربى قلتلي معرفش ايه أنا هروح أضربه لحد ما أخليه محسوب على الرجالة بالاسم بس .
طه زعق هو ما يستاهلش أصلا ضفرها .. ما يستاهلهاش عارف هو يستاهل سمر .. قسما بالله يستاهلها .
سميرة بصت لجوزها هي مستنية منك ايه بقى !
طه بنرفزة يعني هو مش عارف يجي ياخد الاذن بنفسه !
عبدالله زعق هو مش موافق أصلا ..
سميرة كملت ده تخطيط بدرية .. ومش بعيد يكونوا عملوا كده في أمل من الأول علشان ياخدوا شريف منها .
عبدالله بصلها بذهول لا يا شيخة ما توصلش لكده .
سميرة بصتله بغيظ امال سمر ليه قفلت عليها الباب وحبستها ! ماهو بقالهم كام سنة رايحين جايين مع بعض وطول عمرها بتغير منها ! ليه السنة دي بس اللي اتمنت مۏتها
عبدالله بهدوء طيب دلوقتي هنعمل ايه !
طه زعق احنا مالنا ما يتجوزوا ولا يغوروا في داهية مالناش فيه !
عبدالله بصله عمك مش هيوافق ومش هيجي يكلمني .
سميرة بحړقة قلب هو حر .. يعني هما يجوزوا بنتهم واحنا نتفرج على بنتنا وقلبها پيتحرق !
عبدالله بنتنا قوية يا أم طه .
عبدالله بيحاول يطمنها ويطمن نفسه دي عاصفة وزوبعة وهتعدي يا أم طه خلي عندك يقين في ربنا .. بعدين شريف مش كنا شايفينه كويس ودكتور ومحترم و و و اهو بان معدنه .. وساب الدهب الأصلي وعينيه اتزغللت بدهب قشرة .. ليه ما نحمدش ربنا إنه خلصها منه ! اديكي شوفتي تفكيره وشوفتي ثقته في بنتك مهزوزة ازاي وشوفتي ازاي باعها بسهولة وشوفتي أمه .. تخيلي لو كل ده حصل بعد ما اتجوزها ! مش دلوقتي أفضل ! مش نحمد ربنا إنها خلصت منه !
عبدالله اتنهد يارب .. يارب .
طه وقف پغضب وعبدالله بصله رايح فين !
طه بغيظ هروح فين يعني دلوقتي رايح أوضتي ..
عبدالله بتنبيه ما تقلش لأختك حاجة ولا أنتي كمان تقوليلها ..
سميرة بصتله امال أنت مش هتقولها ! عايزها تيجي تلاقي زيظة وهيصة وتسأل ايه يقولولها فرح بنت عمك على خطيبك !
عبدالله بحيرة هنقولها احنا بس مش دلوقتي !! خليها تمتحن وتركز في امتحاناتها وبعدها نقولها كفاية صدمات قبل الامتحانات كده ..
سميرة بغيظ ولو المزغودة اللي اسمها سمر قالتلها هناك علشان تكيدها
عبدالله اتنرفز أنا مش عارف يا سميرة مش عارف نعمل ايه خلاص بس
