الحلقة ٢٥ بقلم / الشيماء محمد شيموووو
عارف يا بابا هو مدير الشركات والتدريب مش هيكون مسئوليته هو .
سميرة ابتسمت طيب نكلمه نوصيه عليها .
طه بسرعة هي رافضة تماما حتى نعرفه إنها موجودة .
سميرة باستغراب بس لو زي ما بتقول مجموعة شركات وهو مديرهم ده ممكن ما يعرفش بيها أصلا !
طه ابتسم بالظبط وهو ده المطلوب. . هي عايزة لو نجحت يبقى تنجح بمجهودها وبدون أي مساعدة أو تدخل من حد كمان مش عايزة حد من زمايلها أو الموظفين يقولوا إنها نجحت علشان عارفة المدير .
طه بتريقة نوعا ما أعتقد من ساعة ما أبوها وأمها حبسوها وقيدوها بالشكل ده .
عبدالله بغيظ شوف برضه يقول حبسناها .
طه بضحك امال بتسمي حبستها جنبك دي ايه يا حاج !
عبدالله بغيظ مش هرد عليك أصلا
سميرة فكرت طيب لو سافرت مش الأفضل تقعد عند خالها !
طه اتنهد يعني تقعد عند خالها وتروح وتيجي لوحدها ولا تقعد مع أصحابها ويروحوا ويجوا مع بعض ! وما تتحركش وحدها ! ايه الأفضل !
سابهم وطلع لأوضته وهو داخل عدى على أمل شافها قاعدة في أوضتها ومسهمة وده ضايقه جدا ..
سميرة مع ابنها قعد جنبها وهي ابتسمت قل لي بقى .
طه باستغراب أقولك ايه
سميرة بابتسامة أخبارك ايه مع غادة مبسوطين يا حبيبي في حاجة ناقصاكم محتاج أي حاجة بتشبع ! بتعرف تعمل أكل احكيلي وطمني عنك .
سميرة شدت ايدها من ايد طه وشهقت وپغضب نعم ! بتطبخ ايه ! صدق المثل ابنك هيفضل ابنك لحد ما يتجوز وبنتك هتفضل بنتك طول حياتها .. قوم يا أخويا روح لمراتك .
طه ضحك بصوته كله على مامته وكل ما بيمسك ايدها بتشدها وفضل يحايل فيها والله بهزر .. بهزر يا أم طه ما تقفشيش بقى .. أكلك أنتي لا يعلى عليه أبدا !
طه شهق محشي مرة واحدة .. قومي هاتيه بقى وخليكي حلوة .
سميرة بصتله ولا هتدوق صباع واحد .
طه ضحك طيب ينفع كده ! أهون عليكي أنام جعان ونفسي في المحشي
سميرة بتقلده وبتتريق اه تهون يلا .. خلي غادة تعملك امشي .
طه باس ايدها وخدها طيب وبالنسبة لطبق المحشي اللي منتظرني جوا ايه مصيره !
سميرة اتنهدت ووقفت
