الحلقة ٢٦ من العاصفة بقلم / الشيماء محمد شيموووو

الحلقة ٢٦ من العاصفة
بقلم الشيماء محمد
شيموووو
كريم مع أمل في الأسانسير و فضل متردد شوية وبعد كده بصلها وبص للزراير اللي بتنور رقم الدور ومرة واحدة ضغط على زرار stop وقف الأسانسير وأمل عينيها وسعت وبصتله أوي وهو بصلها كتير .. 
أمل بتوتر خير في ايه ليه وقفت الأسانسير ! شغله اذا سمحت 
كريم بهدوء بصلها لحظة وهشغله بس الأول جاوبيني ليه رفضتي امضتي على قرار تعيينك ! ليه مهتمة أوي وبالأوفر ده بكلام الناس  
أمل دورت وشها بعيد ومش عارفة تقوله ايه علشان احنا عايشين وسط الناس .

كريم باستغراب دي مش إجابة .. أمل لما أهتم بكلام الناس للدرجة اللي تخليني أخاف أعمل خطوة مهمة جدا في مستقبلي خوفا من كلامهم يبقى ده مؤشر قوي جدا إن في حاجة غلط في تفكيري .. أنتي متخيلة إنك ترفضي فرصة زي دي لمجرد خۏفك من كام تافه ما يعرفوكيش أصلا ليقولوا عليكي اتعينتي علشان معرفتك بيا ! 
أمل بصتله بغيظ احنا عايشين وسط مجتمع ما بيرحمش أصلا .
كريم بنرفزة يولع المجتمع اللي ما بيرحمش يا أمل .. يولع فاهمة ! أنا أهتم بكلام الناس اللي بيحبوني اه .. اللي يخافوا عليا اه .. اللي بيتمنولي الخير .. لكن المتصيدين ! الحقودين ! الفاشلين اللي بيعلقوا نجاح غيرهم لأي أسباب غير تعبهم دول يولعوا .. دول ما يشغلوش من تفكيري ولو لحظة واللحظة كتيرة عليهم كمان .. وبعدين الناس اللي يعرفوكي عارفين مين هي أمل ولو اتعينت فهم عارفين كويس إنها تستاهل ده .. الباقيين في باسكت الژبالة .
أمل دموعها لمعت وبصتله أنت راجل ومن حقك تتكلم كده ومن حقك تحط اللي ما يعجبكش في الژبالة .. لكن البنت بتتدبح بكلام الناس وماحدش بيفرق بين كلام الناس اللي بتحبك أو اللي بتكرهك في النهاية بتتحاسب على الكل .. أصلا اللي بيتكلموا على بنت بيكونوا أزبل الناس ومع إن الناس كلها بتكون عارفة حقارتهم إلا إنهم بيصدقوا ومهما تكون البنت محترمة برضه بيصدقوا أي كلام يتقال في حقها .
كريم استغرب تفكيرها اللي وصلتله فين إيمانها وثقتها بربنا ليه كمية التشاؤم دي ليه الانكسار ده  
كريم بدهشة طيب طالما الناس بتتكلم وطالما الباقي بيصدق وطالما كده كده مش فارقة أصلا يبقى ليه أهتم بيهم يا أمل ! ليه أضيع مستقبلي علشانهم ! ازاي بتسمحي لحد يتدخل في حياتك ويشكلها ! أنتي ليه بقيتي كده أنا أيوة ماأعرفكيش أوي بس اللي عرفته كان كفاية واللي شوفته منك في أسوأ وأصعب الظروف دي كانت شخصيتك فين أمل القوية دي راحت فين 
أمل دموعها نزلت ومسحتهم وكريم اتنرفز من دموعها وخبط بايده على الأسانسير وبصلها أنا مش بكلمك كده علشان أزعلك أو أضايقك ومش عاجبني صراحة ضعفك ده .. أمل أنتي مش كده أمل احنا كنا بڼموت حرفيا وكنتي قوية .. أمل اللي ساقت عربية وسط إعصار وعاصفة ومضړوبة وپتنزف وجنبها واحد بېموت ووراها كلاب بيطاردوها مش بالضعف ده أبدا .. 
أمل بصتله بيأس كنت موهومة إني قوية وفوقت من الوهم ده .
كريم بزعل بالعكس أنتي موهومة بالضعف .
أمل مسحت دموعها وأخدت نفس طويل عارف ليه رفضت تمضي على ورقة التعيين ! مش بس خوفا من كلام الناس في سبب تاني مهم .
كريم بهدوء اللي هو ايه 
أمل بصتله محتاجة أرجع شوية ثقتي في نفسي اللي أنت بتتكلم عنها .. محتاجة أحس إن لسة في حاجة أنا بعرف أعملها وممكن أنجح فيها لوحدي .. يمكن أمل القديمة ترجع ولو جزء بسيط منها .. 
كريم زعل جدا عليها ايه اللي هد ثقتك بنفسك بالشكل ده ! كل ده ليه أمل أنتي خرجتي من العاصفة ومحتاجة كل شوية تفكري نفسك بده !
أمل بصتله بذهول برضه مصر إني خرجت .. كريم أنا ماخرجتش منها .. بتسألني ثقتي راحت فين ثقتي اټدمرت لما بنت عمي حپستني لمجرد غيرة .. ثقتي اټدمرت لما الكلاب دول حاولوا ينهشوني .. ثقتي اټدمرت لما درجاتي قلت .. ثقتي اټدمرت لما لقيت نفسي محتاجة أدافع عن شرفي قدام خطيبي اللي صدق كلب