الحلقة ٢٨ بقلم / الشيماء محمد شيموووو
رجع على البيت بس كانت نورهان نازلة على الشركة .. طلب منها تنتظره ينزل معاها يوصلها وبعد ما وصل على الشركة اتراجع وقرر ما ينزلش
نور بصتله هتنزل معايا !
نادر بص ناحية الشركة لا مش دلوقتي .. وقت تاني .
نور براحتك .
اتقابلوا على الباب مع بعض
نورهان بصتلها وابتسمت اه معجب سري عندك مانع ! بعد اذنك .
دخلت كان قاعد على مكتبه وهي قربت منه وقف يستقبلها بحب
نورهان باستغراب خير ليه طلبت مني أجي على طول أول ما أوصل !
خالد مكشر كنت مستني نادر بس شكله مش جاي .. عايزه يشتغل معانا .. تفتكري هيوافق طيب لو وافق هيمسك منصب ايه
خالد كشړ بس ده منصب ملك .
نورهان كشرت پغضب اه نسيت ده منصب البرنسيسة اللي انت ما بتقدرش أبدا على زعلها ولا يمكن حد يضايقها لكن هي تضايق الكل .
خالد اتنهد بتعب شيلي ملك من دماغك المهم قليلي فطرتي ! أنا باعت جايب فطار تعالي ناكل مع بعض .
هزروا مع بعض وهي بتضحك ومسكت لقمة بتحطها في بوقه وهو رافض وماسك ايديها يا بت بس بقى خلاص .
نور بإصرار هتاخدها يعني هتاخدها .
بيضحكوا بس ضحكهم اتقطع بدخول ملك اللي اتفاجئت بنور بتأكل باباها وباباها ماسك ايديها الاتنين ..
نور خارجة وملك يدوب هتتكلم أنتي ......
قاطعها خالد بټهديد ملك مالكيش دعوة بيها نهائي .
ملك سكتت في ڠضب رهيب ونور ابتسمتلها وهي خارجة وقفلت وراها الباب وراحت لمكتبها متنرفزة من غرور ملك اللا متناهي
ملك مع أبوها زعقت ايه ده إن شاء الله
ملك بنرفزة علشان كده ماما بقت قضية خسرانة ! علشان العيلة دي !
خالد بصلها اللي ما تفهميش فيه ما تتدخليش فيه ! علاقتي بماما خرجيها من دماغك إنتي ولا صغيرة ولا عيلة إنتي بقيتي ست متجوزة فاهتمي ببيتك وجوزك وبطلي تركزي معايا شوية ! ودلوقتي شوفي وراكي شغل ايه ! اتفضلي .
ملك بنرفزة بس يا بابا ......
ملك خرجت پغضب من عنده وراحت عند نور وفتحت الباب پعنف بس نور ما اهتمتش بيها ولا بدخولها
ملك بټهديد أيامك هنا بقت معدودة خلي بالك
نور بصتلها بهدوء نرفزها أكتر وابتسمت خلي بالك طيب لتتفاجئي إن أيامك إنتي اللي معدودة هنا ..
ملك بقمة النرفزة إنتي هنا نكرة .. لا شيء اه ممكن يضحك معاكي شوية أو يكلمك برقة لكن اوعي تنسي نفسك .. ده أنا أفرمك تحت جزمتي .
نور بصتلها بابتسامة ماشي موافقة افرميني .. وريني آخرك ودلوقتي ورايا شغل أما لو إنتي فاضية شوفي غيري ارغي معاه يلا .
ملك خرجت وبتتمنى لو تقدر تجرجرها برا الشركة كلها ..
كريم قاعد على السفرة مصدع وساند دماغه عليها وناهد جنبه حطت ايدها على شعره بحب أجيبلك مسكن طيب
كريم بصلها بنص عين عايز قهوة .
ناهد بصتله بعطف قلبي أنا .. حاضر هجيبلك قهوة .. كل انت طيب أي لقمة كده قبل القهوة .
كريم بعينين مقفولة إنتي عارفة إني ما بفطرش أصلا يا ماما .. بابا ومؤمن فين ! نايمين
ناهد ابتسمت لا نزلوا من بدري الشركة .
كريم اتعدل وفتح عينيه نزلوا ومن بدري ! مؤمن نزل بدري ! طيب والجماعة فوق اوعي تقولي مشيوا !
ناهد ابتسمت اه طه الساعة ٦ قام وأصر يمشي ومهما حاولت رفض وأخد أمل معاه .
كريم اتعدل بنرفزة وما صحيتينيش
