الحلقة ٢٩ بقلم / الشيماء محمد شيموووو

احنا أبعد ما يكون عن الخلاص ! ليه خنتها ! ولا كانت علاقة غير شرعية ولما خلفتلك الواد اتجوزتها !
خالد بص لبنته علاقتي بيها عمرها ما أخدت أي شكل غير شرعي أبدا ! ده كان جواز على سنة الله ورسوله .. جواز صحيح وشرعي 
ملك باستغرب مش مصدقة طيب ليه داريته 
خالد كشړ ودور وشه بعيد عن مواجهة عياله عندي أسبابي اللي أحب أحتفظ بيها لنفسي 
نادر اتدخل بتريقة لحد امتى هتفضل محتفظ بأسبابك لنفسك مش شايف إنه معادش ينفع تحتفظ بأسبابك دي لنفسك أسبابك دي بتدمرنا احنا 
خالد بص لابنه ڠصب عني .. خبيت والدتك ڠصبا عني .. 
نادر بتريقة خبيتها لأنك ماحبيتهاش كفاية 
خبيتها لأنك خفت من رقية هانم .. خبيتها لأنك أجبن من إنك تعلن إنك متجوز تانية .. خبيتها لأنها كانت بنت بسيطة مش من عائلة ارستقراطية زي رقية هانم 
خالد وقفه أنت مش فاهم حاجة اسكت
نادر زعق معدتش هسكت ريح بالك مش هسكت تاني 
خالد بتعب مش هقولك غير إني خبيت نهلة علشان مصلحتها وبس .. اضطرينا نخبي ڠصبا عننا احنا الاتنين .. سكتنا لأنه كان لازم نسكت وما ينفعش نتكلم .. ولحد النهاردة للأسف ما ينفعش نتكلم ولازم نسكت 
نادر بعدم فهم وعدم اقتناع ليه ! 
خالد بإصرار ليه دي عند والدتك مش عندي يا نادر .. لو والدتك مستعدة تقولك أنا ماعنديش مانع 
نادر بنرفزة انت عايز تفهمني إن هي اللي طالبة تكون في السر ! هي اللي عاجبها الوضع ده ! 
خالد بصله قلتلك إننا مضطرين للوضع ده .. ڠصب عننا 
نادر برفض ايه اللي يجبر أب يتخلي عن عياله ويسيبهم يكبروا من غيره 
خالد بصله بذهول أنا عمري ما اتخليت عنكم أبدا .. طول عمركم قدام عيني .. اتربيتوا معايا وفي  .. انت ما بعدتش غير لما سافرت للجامعة بس وحتى لو كنا في وضع طبيعي كنت برضه هتسافر تدرس .. لكن أنا على طول موجود في حياتكم 
نادر بتريقه أي وجود بتتكلم عنه ده موجود في السر ! ماكانش ينفع أتكلم عنك في أي مكان لأنك في السر ! ما ينفعش حد من أصحابي يجي البيت ليشوفك صدفة ! عمرك ما جيت أي اجتماع في المدرسة ! مكانش ينفع تظهر في أي مكان معايا ماكانش ينفع نتغدى حتي في يوم برا لحد يشوفك معانا ماكانش ينفع نكلمك في التليفون ليكون حد جنبك أو مراتك جنبك ! ماكانش ينفع حتي لو تعبنا تاخدنا لدكتور تكشف علينا ! أي وجود ده اللي بتتكلم عنه ! أنت لو ماكنتش موجود كان هيبقى أرحم مليون مرة من وجودك بالشكل المهين ده ! موجود ايه ! نص ساعة قبل ما تنزل شغلك أو ساعتين بالليل ! أو حتي يوم إجازة تقضيه معانا .. تعرف أنا كنت بكره الإجازات دي جدا .. لأن إجازة يعني انت موجود يعني معناه هنتحبس في البيت كلنا علشان سيادتك موجود
ملك بتريقة وأنا كنت بكره الإجازات لأن معناه إن انت مش موجود .. انت ظلمتنا كلنا بأنانيتك دي .. لا عرفت تكون أب ليهم ولا عرفت تكون أب ليا .. يمكن لو كنت جمعتنا في مكان واحد كنت قدرت تقوم بدورك كأب أحسن من كده .. 
قامت وخارجة من المكتب بس خالد وقفها ملك ! استني
ملك بصتله بدموع ما تخافش مش هقول لمراتك إنك متجوز عليها ومخلف .. 
سابتهم وخرجت ونادر بص لأخته اللي قاعدة بټعيط بصمت وقرب منها قومها يلا خلينا نمشي من هنا ..
خالد بترجي نادر أرجوك ما تظلمنيش أنا صدقني عملت كل اللي أقدر عليه وحاولت ما أظلمكمش معايا وده اللي قدرت عليه 
نادر بصله بحزن مش كفاية للأسف 
أخد أخته وروحوا على البيت ودخلوا وأول ما نهلة شافتهم جريت على بنتها  مال أختك يا نادر بټعيط ليه كده 
نادر بجمود اتخانقت مع ملك بعد ما ملك اتهمتها إنها على علاقة ببابا .. 
نهلة شهقت وبعدين حصل ايه اوعى تكون عرفت الحقيقة 
نادر كشړ وزعق امال كنتي عايزاني أسيبها تتهمها بالعهر وأسكت سيادتها عرفت الحقيقة هي كمان .. دلوقتي بقي سيادتك تقوليلي ليه مخبيين جوازكم