الحلقة ٢٩ بقلم / الشيماء محمد شيموووو
! خالد قال إن ده علشان المصلحة وڠصبا عنكم
ايه اللي غاصبكم على الوضع ده ! ومش هسمح المرة دي تسكتي لأن لو سكتي تاني هاخد نور ومش هتشوفينا تاني مدى الحياة
نهلة عيطت ونادر مصر يعرف وبصتله من بين دموعها سكت وهو سكت لأني عليا حكم بالإعدام وهربانة منه .. عرفت بقي سكت ليه ! ياريت تسكت انت بقي شوية يا نادر وتبطل تدبح فيا ليل مع نهار أنا وأبوك ڠصبا عننا سكوتنا .. مجبورين عليه .. ودلوقتي لما رقية عرفت هتسلمني بنفسها لحبل المشنقة عرفت ليه أبوك كان بيخبينا دايما علشان يحميني .. أبوك عمره ما كان أناني زي ما بتتهمه هو حبني .. حبني حب محدش حبه لواحدة أبدا .. واتحمل علشاني فوق طاقته الف مرة ومرة .. واتحمل إهاناتك وكرهك له وانت مش راضي تقتنع ولا تسكت أبدا .. ياريت دلوقتي تسكت بقي شوية وتدعى إن ملك ما تقلش لأمها .. لأن رقية لو عرفت أنا مين هتروح تبلغ عني وتسلمني بنفسها علشان ينفذوا الحكم ..
فضلوا قاعدين الاتنين مع بعض مش عارفين يعملوا ايه وأمهم حابسة نفسها رافضة تخرج من أوضتها ..
نادر اتصل بأبوه وطلب منه يجي يشوف مامته ويتكلم معاها ويخرجها برا أوضتها
خالد وصل بسرعة بس اتفاجأوا إن معاه ملك
نادر بصلها باستغراب فأبوه رد عليه هي كمان من حقها تعرف كل الحكاية .. أنا هدخل اطلع مامتكم
خالد بصلها قلتلك إن العيال المفروض تعرف الحقيقة ويشاركوا فيها لكن إنتي رفضتي ..
نهلة من بين دموعها ماكانوش هيفهموا .. كانوا صغيرين مش هيستوعبوا ليه قټلته !
خالد مسك ايد نهلة تعالي نفهمهم ونجاوبهم على كل أسئلتهم
نهلة ابتسمت أحلى من الصور بكتير .. أنا آسفة يا بنتي إنك عرفتي بوجودنا بالشكل ده .. كنت أتمنى تكوني موجودة معانا وتكوني أخت لعيالي بس الظروف
ملك سكتت وماعرفتش ترد لأن المفروض دول أخواتها بس ليه مش قادرة تتقبل مجرد الفكرة دي ! ليه حاسة إنها عايزة تتخلص منهم كلهم ! عقلها بيقولها دول سرقوا أبوكي منك ..حرموكي منه .. دول أعدائك.. قاطع أفكارها خالد اللي قعد جنب مراته وعياله قصاده عايزين تسألوا في ايه وتعرفوا ايه !
نهلة مسحت دموعها وبدأت تحكي حكايتها أولا أنا ما اسميش نهلة أنا اسمي فايزة عبد السلام محمد .. أنا كنت زمان بنت بسيطة اشتغلت سكرتيرة في الشركة بتاعة جدك محمد عبد الرءوف وكان ساعتها خالد بيشتغل معاه برضه وكنت بشوفه من وقت للتاني .. كان جدك له شريك عبدالفتاح القناوي وابنه برضه موجود معاه وكان اسمه حمدي .. حمدى ده كان بيضايقني كل وقت .. كل ما بيشوفني بيضايقني
خالد كمل كان بتاع بنات وأخلاقه زي الزفت وكل شوية يضايق فايزة وساعتها أنا كنت متجوز رقية بقالنا سنتين .. بص لملك رقية اتجوزتها بناء على رغبة والدي لأنها من عيلة غنية وعايز يشاركهم فالجواز كان قايم على المصلحة من الناحيتين .. رقية محاولتش تقرب مني أو تحبني بس بتهتم بحفلاتها وسهراتها وأصحابها وسفرها معاهم .. حتى لما طلبت منها نخلف رفضت ده تماما .. ماكانتش عايزه تبوظ جسمها أو تقطع سهراتها أو تشيل مسؤولية بيبي .. وأنا تقبلت ده واديني عايش والسلام مفيش حد في حياتي فوجود رقية أو عدمه مش فارق أصلا ..
