الحلقة ٣٣ من العاصفة بقلم : الشيماء محمد شيمووو

الحلقة ٣٣ من العاصفة
بقلم الشيماء محمد
شيمووو
أمل دخلت بتوتر وبصت للكل واتفاجأت بعدد كبير جدا قاعد لأن كان موجود حسن ومؤمن من شركة المرشدي و نادر وملك من شركة خالد عبدالرءوف وأماني ومديرها سلمان المحمدي من شركة تكنو .. بصتلهم كلهم ووقفت عند ملك اللي هي كمان اټصدمت من وجودها
أمل همست باستغراب ملك !

ملك بصتلها پغضب وحقد وذكرى كل الشهور اللي فاتت مر قدام عينيها فوقفت پعنف وخبطت بايدها على الترابيزة و باستنكار أنتي بتعملي ايه هنا ! جاية هنا ليه ! 
أمل باستغراب بصت لمؤمن ولحسن مش فاهمة حاجة وقبل ما ترد مؤمن وقف وبص لملك بتحذير اتكلمي بأسلوب كويس يا ملك بلاش الھمجية دي 
ملك بنرفزة سيادتها هنا بتعمل ايه ! مش كفاية اللي حصل من تحت راسها ! 
مؤمن زعق سيادتها هنا لأنها موظفة هنا وأساسية كمان .. وبعدين لو سيادتك مش هتعرفي تحترمي موظفيني هنا في شركتي يبقي تتفضلي برا الاجتماع لحد ما يجي دور شركتك وتبقي تيجي تختاري غير كده ماعنديش 
ملك مش مصدقة الأسلوب اللي مؤمن كلمها بيه فبصت لنادر انت شايف بيكلمني ازاي !
نادر بهدوء أنا شايف أكتر الأسلوب الغير حضاري اللي بتتكلمي بيه وبعدين هو حر في اختيار موظفينه أنتي بتتدخلي ليه ! 
ملك پغضب أنا هسيبللكم الاجتماع وأمشي 
نادر ابتسم أفضل برضه خليني أختار براحتي اللي يعجبوني للتعيينات الجديدة 
ملك بصتله پغضب لا ما تحلمش أنا هفضل برا لحد بس ما سيادته يخلص موظفين شركته .. بعد اذنكم 
خارجة وجت جنب أمل همست پغضب لينا لقاء تاني 
أمل استغربت وبصتلها وهي خارجة وبعدها بصت لمؤمن هي مالها وليه كارهاني بالشكل ده ! في ايه 
مؤمن كشړ ما تشغليش بالك بيها يا أمل اتفضلي اقعدي .. 
نادر بصلها وابتسم بذوق أنا بعتذرلك نيابة عنها .. أرجو إنك تقبلي اعتذاري !
مؤمن بصله بغيظ إنه بيبتسم لأمل وتخيل ڠضب كريم لو شافه بيبتسم بس قبل ما يتكلم أمل اللي ردت عليه حضرتك مش محتاج للاعتذار عنها .. بعدين حصل خير
حسن بصلهم ممكن بقى نخلص من لعب العيال ده ! أمل اقعدي يا بنتي خلينا نتكلم معاكي كلمتين ..
أمل سحبت كرسي وقعدت مكان ما شاورلها حسن وقعدت وبصتلهم وبدأ مؤمن يتناقش معاها نقاش عام عن البرامج والمشاريع وياخد رأيها في كذا حاجة ودخل في الحوار معاه حسن اللي أعجب فعلا بطريقة كلامها وأفكارها حتى نادر دخل في الحوار مع إنه المفروض يسكت .. أمل عندها المقدرة الكاملة إنها تحاور الكل .. 
نادر فجأة هو انا بيتهيألي يا باشمهندسة ولا أنتي كان من نصيبك أصعب البرامج وأغلبها إن ماكانش كلها بتركز على تخصص الشركة هنا بمعني ركزتي على البرمجة .. فهل ده كان اختيارك ولا ايه ! 
كلهم بصوا لنادر وبصولها وأمل اتوترت لأن البرامج دي كانت اختيار كريم كلها 
أمل بتوتر مش احنا اللي بنختارالبرامج 
نادر باستغراب وبص لسامح المسئول الأول اللي برضه اتوتر لأن كريم موصيه على البرامج دي بس بشكل سري 
مؤمن اتدخل علشان ينقذ الكل من التوتر ده الباشمهندسة أمل من بدايتها وهي متميزة جدا وذكاءها الكل لاحظه فتقدر تقول إننا تحديناها وهي قبلت التحدي ده .. كل مرة بيكون في حد مميز واحنا بنركز معاه أوي وبنشوف هيقدر يسد ولا لا وزي ما أنت شايف هي سدت وعدت التحدي بمهارة تامة 
حسن ابتسم لها وقطع كل الكلام مبروك يا أمل أنتي فعلا الشركة هتزداد بوجودك فيها .. كل المهندسين المشرفين عليكي أجمعوا إنك أكفأ زمايلك .. دكاترتك وأساتذتك في الكلية أجمعوا عليكي لما تواصلنا معاهم ده غير رأي كريم من الأساس .. فاحنا يشرفنا وجودك معانا هنا .. 
أمل ابتسمت أنا متشكرة جدا لحضرتك يا فندم وده شرف ليا إني أشتغل في شركة بالحجم ده .. ميرسي جدا لحضراتكم 
مؤمن ابتسم خلاص يا باشمهندسة تقدري تتفضلي 
أمل خرجت بس دماغها مشغولة ليه ملك هاجمتها بالشكل ده ! تقصد ايه بإنها السبب في كل اللي حصل وايه هو اللي حصل بالظبط ! وبعدين هي اتجوزت ليه بتتكلم في الماضي بقى ! حست إن في علامات استفهام كتيرة جدا .. قعدت مع صحباتها