الحلقة ٣٤ من العاصفة بقلم الشيماء محمد شيموووو

كده ! طيب ليه بټعيط أصلا ! هي لو حبته بجد كانت عرفت تكون زوجة بجد لكن طول عمرها زوجة مظهرية فقط وقالهالها كذا مرة أنتي مجرد منظر قدام الناس .. عمرها ما فهمت أبدا معنى جملته دي وعمرها ما حاولت أصلا تفهمها ..
كريم وصل مكتبه وډخله بسرعة ولحظات وجه وراه مؤمن اللي كان منتظره أخيرا شرفت ! ايه للدرجة دي ! 
كريم بتريقة ايه يعني ! الدنيا خربت لما اتأخرت ! 
مؤمن فجأة ضړبت في دماغه فكرة فكشر طبعا خربت .. اتصلت بيك كتير وسيادتك ما ردتش عليا .
كريم انتبه وبصله ايه اللي حصل  
مؤمن بضيق مصطنع طه أخو أمل جه الصبح وأخدها وحاولت أمنعه أو أخليه يستناك ورفض ومشي بيها 
كريم بذهول مشي بيها ازاي يعني سافر ! أنت بتهرج صح 
مؤمن مانع نفسه يضحك بالعافية وبيمثل الزعل اتصلت بيك يا كريم 
كريم پصدمة أمل مشيت  
مؤمن كشړ اه يا سيدي مشيت ! 
كريم فضل شوية متنح بيحاول يستجمع نفسه ويفكر بعقله بس مش عارف أصلا يفكر 
طلع موبايله وطلب رقم ومؤمن مستغرب هيعمل ايه وهيتعامل ازاي وامتى ينهي اللعبة دي  
كريم بضيق الو أهلا يا طه .
مؤمن هنا عينيه وسعت لأنه ما تخيلش أبدا إنه يتصل بطه على طول 
فقرب وفضل يشاورله وكريم مكشر فمؤمن همس بهزر ..أمل في مكتبها ! 
هنا كريم تنح أكتر وبص لمؤمن بتوعد وبيبص حواليه فمؤمن راح للباب بسرعة سووووري .
كريم انتبه لطه اللي بيكلمه ومش عارف يقوله ايه فسلم عليه وسأله عن أخباره .. وباركله عن تعيين أخته في الشركة وقفل وقام من مكانه پغضب فتح الباب ونادى بصوته كله مؤمن .
مؤمن جري على مكتب حسن بس لقاه فاضي ومش عارف يروح فين لأنه عارف إن كريم مش هيعديها بالساهل .. بس هو فعلا ما توقعش إنه يتصل بطه في نفس اللحظة .. 
سامع صوته ومش عارف يروح فين ! وفجأة جري وكريم لمحه فجري وراه ومؤمن راح لمكتب أمل وډخله بسرعة لدرجة إنها اټفزعت من دخوله وجريه بالشكل ده ووقف وراها وكريم وراه ووقف على الباب 
كريم بتوعد تعال اطلع برا .
أمل بصالهم الاتنين بذهول مش مستوعبة ايه اللي بيحصل وبتنقل نظراتها بينهم ! 
مؤمن بضحك والله بهزر .
كريم قرب پغضب من مكتب أمل وواقف قدامه اطلع من عندك يا مؤمن .
مؤمن بص لأمل قليله يهدا ! وأنا هطلع .
أمل بصت لكريم وابتسمت وبصت حواليها وشافت علبة المناديل ناولتها لكريم بهزار احدفه بيها هتهديك شوية .
مؤمن اټصدم منها وكريم ڠصب عنه ابتسم وأخدها منها وحدفها في وشه وبصلها عايز حاجة تعور .
مؤمن لأمل أنتي معايا ولا معاه بقولك هديه ! 
أمل بهزار ماأنا بهديه اهو .. 
كريم بټهديد اطلع من وراها واطلع برا الأوضة دي كلها 
مؤمن بضحك طيب هطلع بس الأول اهدا وخلاص تقبل إن ده ضحك وهزار .. أنا والله ما تخيلت إنك هتاخد رد الفعل ده ! 
كريم زعقله امال كنت متخيل إني هعمل ايه 
مؤمن طيب وحياااااااااة ! وحياة مين  
أمل بصاله وبتضحك عليهم فمؤمن ابتسم وحياة أمل اللي بتضحك وهي مش فاهمة حاجة لتعدي الموضوع وتهدا 
كريم بص لأمل اللي رفعت حواجبها بدهشة وبصت لكريم منتظرة رد فعله ورددت حلفك بحياتي .. شكلي هيبقى وحش أوي قدام نفسي لو ماعدتش اللي هو عمله وكبرت دماغك منه .. 
كريم بصلها وبص لمؤمن وهز دماغه ماشي يا مؤمن هعديها .. بس هردهالك وهردهالك بطريقة أبشع من دي أضعاف مضاعفة .
مؤمن رفع ايديه باستسلام لا أنت حبيبي وروح قلبي .
كريم بإصرار برضه هتتردلك .. اطلع اطلع .
مؤمن طلع وبيعدي من جنب كريم بحذر وبيجري من جنبه بس برضه كريم ضربه واحدة على دماغه وهو خارج جري .. 
أمل ضحكت عليهم جدا وكريم بصلها بتضحكي سيادتك ! 
أمل بضحك أول مرة أعرف إنك بتهزر وتضحك وتتخانق مع قرايبك زي باقي الخلق فلازم أضحك يعني .
كريم بتذمر وحد قالك إني غير باقي الخلق 
أمل مبتسمة واحد مش بياكل شيبسي لازم يكون مختلف .. 
كريم هز دماغه برفض يادي أم الشيبسي اللي بتقيسي بيه كل حاجة ده ! يا بنتي والله