الحلقة ٣٦ من العاصفة بقلم : الشيماء محمد شيموووو
خالو ساكن فيها .
كريم بص للعمارة وسألها بتلقائية أنهي دور
أمل الرابع .. أنا متشكرة للي عملته معايا بس رجاء خاص يفضل بينا أنا مش هتحمل رد فعل بابا أو ماما لو عرفوا .
كريم ابتسملها بهدوء ما تقلقيش بس أرجوكي يا أمل بلاش تعرضي نفسك لحاجة زي دي تاني ! اسمحيلي أتدخل لو هتتأخري تاني في الشركة هطلب من سواق يوصلك ومش هتتحطي في الموقف ده تاني بإذن الله .
كريم كشړ جمايلي ! جمايل يا أمل ! أنتي متخيلة إني خاېف عليكي جمايل ! بصي مش وقته الكلام أصلا ! أنا هقف لحد ما تطلعي اوك .
أمل ابتسمت ونزلت بس لمح إنها نسيت الشوكولاتة خدها وناولها من الشباك نسيتي الشوكولاتة
أمل ابتسمت عشان كانت محروجة تاخدها أو عايزة تشوف هيعمل ايه خدتها طلعت منها واحدة وبهزار قالتله خد واحدة اهيه عشان ماتقولش عليا بخيلة
مشيت وهي مبسوطة على ملخبطة على أحاسيس كتيرة جدا .. وقبل ما تدخل العمارة بصت تشوفه فعلا واقف ولالا وابتسمت لما شافته منتظر فشاورتله وهو شاورلها وطلعت لفوق ..
روح كريم بيته خد الشوكولاتة وهو بيضحك على كلامها ونزل من عربيته وأول ما دخل وشاف مؤمن بصله پغضب ومكمل طريقه بس مؤمن وقفه بتصل بيك مش بترد ! ما تتخيلش كمية الأفكار السودا اللي جت في دماغي !
مؤمن باستغراب ليه يعني في ايه اللي حصل كنت عايزني أعمل ايه
كريم بصله لا من جهة تعمل فكان المفروض أيوة تعمل كتير بس سيادتك كبرت دماغك وسيبتها تنزل وكنت هخسرها .. كنت هخسرها يا مؤمن .. وكان نفس اللي حصل قبل كده كان هيتكرر تاني .. ده اللي حصل .
سابه وطلع ومؤمن فضل واقف مكانه بيلوم نفسه و وراه ناهد عمته مستغربة خناقهم ومش فاهمة مالهم فقربت حبيبي في ايه وبتتخانقوا كده ليه وايه ده اللي كان هيحصل تاني هو بيتكلم عن ايه
سابها وطلع لأوضته وهي مستغربة وبصت لجوزها العيال دي مالها
حسن بيقلب في مجلة بيتخانقوا عادي ايه الجديد !
ناهد كشرت لا مش عادي هما اه بيتناقروا لكن مش بيتخانقوا !
حسن بصلها اطلعي شوفي ابنك ! وهو هيقولك لو في حاجة .
ناهد طلعت لابنها اللي كان قاعد على سريره ومتغاظ وأول ما شافها قام وحاول يكون طبيعي بس هي ملاحظة فوقفته في ايه زعلان من ابن خالك ليه
ناهد استغربت جدا و وقفت في وشه بقلق حياتك ازاي وموقف ايه بالظبط
كريم بص لأمه ينفع تسيبيني دلوقتي وهحكيلك بعدين
ناهد كشرت لا مش هينفع مش كل واحد فيكم يقولي الكلمة دي ! في ايه يا كريم وايه اللي حصل واياك تنطق أي عذر غير الحقيقة
كريم بغيظ سيادته ساب أمل تمشي النهاردة لوحدها والوقت كان متأخر جدا كنت برد على تليفون مهم ورجعت مالقيتهاش ولما نزلت وراها كان في شباب قاطعين عليها الطريق .
كريم بص لأمه اديني فرصة طيب أنطق ! لحقتها والحمد لله محدش من الشباب فكر يتخانق أنا أصلا مش عارف لو نزلوا اتخانقوا كان ايه اللي حصل ! المهم أخدتها ووصلتها .
ناهد اتنهدت بارتياح المهم يعني هي بخير وأنت بخير لازمته ايه تزعل ابن خالك
كريم كشړ علشان هو .......
قاطعته هو ايه كان يعرف إن في حاجة زي كده هتحصل وسمح بيها أنت عارف إن مؤمن مستعد يضحي بحياته علشانك !
كريم باعتراف عارف .
ناهد ابتسمت طيب يبقى ازاي تعاقبه أو تزعل منه على غلطة غير مقصودة
كريم بحرج خلاص هاخد شاور وأفوق كده وهروحله ما تقلقيش .
ناهد ابتسمت وكانت هتخرج بس مرة واحدة وقفت سألته بمكر كنت تقصد ايه لما قلت الموقف كان هيكلفك حياتك
كريم بصلها ايه
