الحلقة ٣٨ والاخيرة في الجزء الاول العاصفة بقلم : الشيماء محمد شيموووو

بعياط مش وهم يا ماما ! مش وهم أبدا أنتوا غلطانين ! أنتي قلتيلي زمان لما اتخطبت لشريف إني لما أحب هعرف .. هيبان وهعرف الفرق لوحدي لأن الحب ما بيتخباش .. وكريم غير أي حد في الدنيا .. أنا بحبه دي الحقيقة اللي أنتي رفضتي تقوليهالي ! ولأول مرة ما تجاوبينيش على سؤالي وتقولي أي إجابة وخلاص .
سميرة مسحت دموعها ووقفت كلمت ناهد وقالتلي إن هي موصية كريم عليكي ! هي اللي بتطلب منه يهتم ! هي اللي بتطلب منه ينفذ طلباتك قبل ما تطلبيها ! هي اللي بتطلب منه يوصلك لو اتأخرتي .. هي اللي طلبت منه يفضل جنبكم في المستشفى ! اللي أنتي شايفاه تميز يا أمل ده واجب وطاعة لكلام مامته مش أكتر .. قالتلي أمل زي بنتي ومعنى بنتها إن كريم بيعتبرك زي أخته وبيعاملك زي طه يبقى أنتي عايشة في وهم ولا لا ! انا مش عايزة غير سعادتك .
أمل اڼهارت مكانها ودفنت وشها ټعيط من قلبها وسميرة ضمتها ومش عارفة تقولها ايه رفعتلها وشها بحب وبتمسح دموعها بايديها الاتنين وبحب لو أنتي واثقة إن ده حب بينكم اعتبريه اختبار ! لو بيحبك هيجيلك هنا علشان يرجعك لبيته وحياته ولو ما بيحبكيش هيتصل بأبوكي ويعاتبه والموضوع ينتهي .. فلو أنتي واثقة فيه بټعيطي ليه ! الموضوع وقت مش أكتر بس اوعديني يا أمل لو هو مجرد اهتمام بسبب الظروف اللي جمعتكم تنزلي الشغل وتشتغلي وتنسي ..
أمل مسحت دموعها وقامت أنا ما صليتش هقوم أصلي بعد اذنك .
قامت غيرت هدوم السفر وصلت وقعدت مكانها تدعي ربنا من قلبها ...
كريم الليل كله قاعد بيدعي ربنا إنه بس يطمن عليها مش أكتر .. الف فكرة وفكرة في دماغه .. عقله بيصورله السيناريو اللي اتعرضوله في العاصفة .. ضړب حمادة و زكريا ليها .. وهو متكتف بيتفرج عليهم بيدبحوها بعمايلهم ... تخيل ده بيحصلها دلوقتي وهو هنا .. معقول ممكن يحصلها حاجة وهو واقف كده مكانه معقول ممكن يخسرها بالسهولة دي ! ده حتى ماقالهاش إنه بيحبها ! مالحقش يعترف بمشاعره لأنه كان عايز الموضوع يمشي صح .. يارب نجيها لو هي في أزمة نجيها .. لو مش هلحقها أنا ابعتلها غيري يحميها .. مسك موبايله ورن تاني بس نفس الرسالة اللي مابقاش قادر يسمعها تاني .. ماقدرش يفضل مكانه كده فنزل ركب عربيته وطلع يلف في الشوارع يمكن يشوفها ! يمكن يلحقها ! المهم ما يفضلش واقف كده ! يعمل أي حاجة !
أمل طول الليل ټعيط وعينيها أول ما غمضت شافت نفس الکابوس بس المرة دي ما صحيتش منه .. المرة دي شافت كريم بېقتلوه قدامها وشافتهم بيغتصبوها .. قامت من النوم تصرخ بصوتها كله وتحاول تبعدهم عنها وسميرة جت تجري لعندها حضنتها حبيبتي في ايه يا أمل ! أمل اصحي يا بنتي ده مجرد كابوس 
سميرة بتحاول تمسك امل وامل بتتخانق معاها وتزفها وكأنها مش عارفاها
عبدالله كمان جه على صوتها وعياطها وفضل يستعيذ بالله من الشيطان الرجيم جنبها وهي بټعيط 
سميرة باستغراب أمل حبيبتي أنتي كويسة مفيش أي حاجة أنتي وسطينا 
أمل بصتلها بذهول تام ومرة واحدة عيطت في حضنها قتلوه يا ماما المرة دي ! قتلوه بجد ! 
سميرة بذهول قتلوا مين ! بتتكلمي عن ايه !
امل بعياط قتلوا كريم ! قتلوه قدام عيني 
سميرة بعدت أمل عنها ومسكت وشها حبيبتي ده كابوس .. كريم كويس 
أمل بتبصلها بذهول طيب هم اغتصبوني بجد يا ماما 
سميرة برفض تام لا يا قلبي محدش لمس شعرة واحدة منك .. كريم حماكي .. أمل يا حبيبتي ده مجرد كابوس .. كملي نومك يا ماما 
أمل رقدت مكانها وبصتلهم افضلوا جنبي ما تسيبونيش 
عبدالله حط ايده على راسها مش هنسيبك احنا جنبك .. هقعد أصلي وأقرأ قرآن جنبك طول الليل ما تخافيش يا بنتي 
النهار طلع وكريم طول الليل بيلف في الشوارع بعربيته وأخيرا رجع من برا طلع غير هدومه و أبوه وأمه شافوه وناهد بصتله وهو شاور بدماغه لا وسابهم وخرج
حسن بزعل طيب نسأل أهلها 
ناهد بحزن