رواية فلاحة ف الجامعة الأمريكية الفصل الرابع بقلم نسرين محمد حصريه وجديده
انت في الصفحة 1 من 3 صفحات
رواية فلاحة ف الجامعة الأمريكية الفصل الرابع بقلم نسرين محمد حصريه وجديده
صحيت تانى يوم كنت حاسه إنى طايره ومش ببالغ ده بجد كنت مرتاحه بطريقه وفيه فرحه ف قلبى مش عارفه مصدرها إيه بس قولت لنفسى مش هكتفى بمره واحده إن شاء الله هصليها كمان مره.. ونزلت الجامعه حضرت محاضراتى وخلصت وطبعا اليوم ما كانش بيخلى من سف زملاتى عليا.. أنا ما عرفتش حد باللى حصل امبارح ده نهائى لحد ما يبقى فيه كلمه فى الموضوع .. خلصت اليوم وخلصت مذاكره وجيت ساعة النوم اتوضيت وصليت استخاره تانى.. صحيت نفس الإحساس بتاع امبارح ويمكن أكتر وللحظه حسيت إنى حبيت تيم مره واحده كده.. ضحكت وغنيت جمع ووفق بنت الأصول ل ابن الأصول.. ونزلت الجامعه لقيت الجامعه كلها بتتكلم عن المؤتمر بتاع شرم الشيخ وإن الجامعه هتختار ناس معينه تمثلها فى المؤتمر ده.. طبعآ استبعدت نفسى تماما إنى أكون منهم.. روحت حضرت المحاضره لقيت الدكتور بعد ما خلص نده عليا فى المايك.. بشمهندسه ليلى أبو النجا.. قومت وقفت كده وأنا بقول أنا هببت إيه ماهو كده أنا يا هتطرد يا هشرح يا هتسأل يا هيتسحب منى الكارنيه.. قومت وأنا وشى جايب 100 لون.
حضرتك تم ترشيح إسمك من الأربعه إللى هيمثلو الجامعه فى مؤتمر شرم الشيخ.
أنا من الصدممه وقفت فضلت متنحه مفيش أى ريأكشن نهائى.. والدنيا حواليا إللى عمال يصفر واللى عمال يصوت واللى عمال يزغرط واللى بيسقف ما فوقتش غير وإيمان زميلتى بتحضنى وبتقولى تستاهليها يا حبيبتى تعبتى كتير قوى وربنا جزاكى خير أهوه ألف مبروك يا عيونى.
جه الدكتور قالى تقدرى تتفضلى على مكتب العميد علشان عامل ليكم اجتماع ليكى إنتى وزمايلك إللى هيروحو معاكى إن شاء الله .
خلصت مباركات زمايلى وروحت على مكتب العميد فعلا.. وأول ما دخلت لقيت بنت وولدين قاعدين واللى كانت المفاجأه إنه تيم من ضمنهم.. أول ما قعدت العميد بدأ يتكلم.
طبعآ منكم اللى دخل الجامعه هنا منحه واللى ډخلها بفلوسه.. بس فى كلتا الحالتين إحنا مش بنفرق بين الإتنين وكلنا هنا عيله واحده ونظرا لدراسات كتيره ومكثفه اتعملت علشان يتم اختياركم إنتم الأربعه علشان تمثلو الجامعه فى مؤتمر عالمى زى ده.. وأنا واثق انكم قد المسؤليه دى إن شاء الله يا شباب.. هيتم التحرك من الجامعه من هنا بكره إن شاء الله بعد الفجر.. علشان المؤتمر هيبقى أول يوم فيه بعد بكره.. إحنا الجامعه هنا حجزت لكل اتنين فيكم غرفه سوا وتكفلت بمصاريف الفندق إللى هتنزلو فيه إن شاء الله.
خلص كلامه واللى عنده سؤال سأله.. وطبعا مؤتمر زى ده هيفيدنى
