نوفيلا مليونير السنه الفصل السادس والأخير بقلم عبد الرحمن الرداد
علشان كدا عايز أشكرك بطريقتي
ابتسم بشير وردد بهدوء
طيب يا سيدي وأنا قبلت شكرك اتفضل شوف شغلك علشان عندي مشوار مع فلاك
عبثت ملامح وجهه وردد بحزن مصطنع
مشوار ايه دلوقتي يا مولاي بقولك فاضل ٣ أيام وكل حاجة تنتهي استمتع بالوقت الباقي ده أنا عاملك برنامج ترفيهي متعملش قبل كدا هينسيك كل التعب اللي تعبته في حياتك
ومين قالك إني هنسى التعب اللي تعبته في حياتي ببرنامج ترفيهي التعب ده هيتنسي بمجرد ما أدخل النعيم اللي اتصنع بسعيي وطريق الخير اللي مشيته في الدنيا أنا كل خطوة بمشيها وبتعب فيها دلوقتي بحس بمتعة فوق الوصف بحس إني شخص مسؤول وبعمل حاجة صح ال ٣ أيام دول أهم ٣ أيام في السنة بتاعتي لأن دي الخاتمة يا أرديس والعبرة بالخواتيم لازم كل حاجة صح عملتها أعمل قدها ألف مرة في ال ٣ أيام دول وأنا عارف أنت جاي ليه صعبان عليك تشوفني في طريق الخير وأنهي حكمي فيه عايزني أدمر كل الخير اللي عملته في آخر أيامي بس ده مش هيحصل لأني بقى عندي مناعة منك امشي يا أرديس ضل حد غيري لأني مش همشي وراك تاني
جاهز يا مولاي
حرك بشير رأسه وقال بحماس شديد
جاهز يا فلاك يلا بينا
رحلا معا وسط نظرات أرديس التي تحمل العجز والڠضب في آن واحد.
وصلا الإثنين بعد وقت إلى الصحراء التي تم تعميرها وكانت عبارة عن مساحات خضراء كبيرة جدا وبها نهر كبير تم صنعه وأشجار تحمل فواكه متنوعة ونخل طويل جدا وأيضا قصر ضخم وكبير جدا وحوله الكثير من أشكال الزينة المختلفة كان المكان فيه ما لا عين رأت ولا أذن سمعت ولا خطړ على قلب بشړ كان المكان جميل جدا لدرجة أن بشير بكى من جماله ورغب لو انتهت سنته الآن ليبقى وسط كل هذا الجمال وحده.
كدا السنة هتنتهي كمان يومين صح يا فلاك
ابتسم فلاك وردد بهدوء
هو المعلن سنة لكن ممكن تزيد أو تنقص بس اعمل حسابك إن السنة ممكن تخلص في أي لحظة لازم تكون مستعد لده
انهمرت عبرة من عينيه وقال بسعادة كبيرة تغمر قلبه
عمري ما كنت مستعد لحاجة زي كدا غير دلوقتي مستعد يا فلاك شكرا علشان دلتني على الطريق اللي يخلي قلبي مطمئن بالشكل ده شكرا علشان ساعدتني أكون شخص كويس دلوقتي أنا اكتشفت حاجة كبيرة أوي وهي إن المليونير مش هو اللي معاه فلوس كتير بالعكس المليونير هو اللي رصيد الخير والأعمال الصالحة بتاعته مليان المليونير هو اللي عرف يستثمر السنة بتاعته صح المليونير هو اللي يفكر في آخرته مش حياته وواقعه أنا دلوقتي مليونير بجد يا فلاك
لجنة انتهاء الحكم برا هياخدوك يا بشير
هنا ردد فلاك قائلا
شوف مش قولتلك المهم إنك استعديت للحظة دي
ابتسم بشير واقترب من زوجته ليقول بهدوء
إحنا كنا عارفين إن اللحظة دي هتيجي يا جود صح وكنا مستنيين الوقت ده أنا عرفت استثمر حياتي ومستنيني المكافأة مش هروح مكان وحش خالص هروح مكان كله نعيم وراحة أنا عارف إنك زعلانة لكن هي دي الحياة فراق مؤقت وهنتجمع تاني أنتي هتمسكي السنة اللي بعدي وبعدها هنتقابل في النعيم هنتقابل في
