الحلقة 2 رواية كاره النساء الفصل الثاني بقلم سهير عدلي حصريه وجديده

بكل برود والضحك مازال عالق في فمها
ايه ياماما هو أنا عملت ايه الله.
عملك أسود ومنيل..كل ده وعملتي ايه انتي مش حتسكتي غير لما تجلطي أبوكي.
لم تبالي نريمان پغضب امها ولا ټعنيفها لها انما وقفت أمامها وحدقت في عيونها بتحدي قائلة
بقولك ايه ياماما انتوا فارتضو الجلف ده عليا وانا مش ممكن هستسلم لده..وديني لهطهقه في عشته واخليه يندم على اليوم ال اتولد فيه وان ممشيش بكرامته أنا بقى ال حطرده من هنا صراحة. أنا مش هسمح لحد يقيد حريتي في بيتي ويغير نظام حياتي.
ثم تركتها واتجهت صوب حجرتها بخطوات غير مبالية تاركة أمها خلفها تستشيط ڠضبا من أفعالها.
بعد أن هدأت البراكين التي شبت في فم مالك وقد استعان بالعصير المحلى وشرب الماء الكثير..ذهب الى حجرته وكان معه عمه خالد وقد نوى أن يرحل حتى تستريح ابنة عمه وبالفعل بدأ في تجهيز اغراضه ..فسأله عمه باستنكار
بتعمل ايه يامالك يا ولدي.
فهمس مالك وهو يلملم حاجياته في حقيبته
لازمن أمشي ياعمي من اهنيه..شكلي إكده..وجودي مش جاي على هوى بت عمي.
زفر خالد بضيق..لقد وضع أمل كبيرا على ابن أخيه في أن يعدل ميزان ابنته الذي أختل بفضل تدليله المفرط لها ولكن مازال يراوده الأمل.. هو على يقين انه لن يصلح حال ابنته غير واحد في شخصية مالك وحزمه.
مالك ياولد اخويا عايزك تسمعني زين.
تفوه خالد بها وهو يجذبه من ساعده ويجلسه على مقعد في حجرته ..وجلس هو على المقعد المقابل له..ثم حدق فيه وهمس بجدية
آني مش حغصب عليك تكعمز ويانا غصبن عنيك..لكن عايز اتحدت وياك في شوية أمور إكده بعدها اعمل ما بدالك آني وأبوك الله يرحمه بجالنا مدة طويلة متجاطعين عن بعض..والسبب في إكده أمك..الله يسامحها بجى
عشان إ كده أنت مخبرش حياة عمك عاملة كييف لما اتجوزت انا ومراة عمك فضلنا خمس سنين منخلفش..وصبرنا على جدر ربنا لحد ما ربنا اراد ان مراة عمك تحبل لكنها سقطت بعد الشهر التالت وبرديك صبرنا وجلنا الحمد لله. تلات مرات ..ومراة عمك تحبل وتسجط..تحبل وتسجط لما خلاص تعبنا وفاض بينا فجلنا خلاص يظهر ان رابنا اكده مش رايد لينا بالخلفة فطلعنا الموضوع ده من راسنا.. وكمان خفت على مراة عمك من كتر السجوط عشان عفش عليها ممكن ياخد أجلها..الحكمة جالت اكده لكن ربنا كرمه كبير جوووي جوي..رحيم على عباده رزقنا بناريمان بعد عڈاب وخوف يجطعوا المصارين لكنها يا جلب ابوها اتولدت بعيب خلقي في القلب أيوتها حركة عفشة عليها أيتها انفعال يجيب أجلها عالطول ..عشان إكده مكناش بنجولها لاه واصل.. فدلعناها جوي من كتر خوفنا عليها وعشان هي وحيدتنا وجات بعد عڈاب مكناش نجدر نرفضلها طلب لكن بعد ما نشف عودها شوي سوينا ليها عملية والحمد لله بجت زينه دلوك وطبيعية كيفها كيف البنته ال زيها..لكن بعد أيه بعد ما خلاص عجينتها اتسوت على العند والغرور وراسها بجت انشف من الحجر..واديك ناضر كيف عمك كبر وبجى عضمة كبيرة والمړض هده..وهي بت يعني شوكة في ضهري وعاري..لو كانت ولد مكنتش عونت همه اهو مهما كان برديك رادل ميتخافش عليه..انما بت عمك أسوي كيف معاها. وانت يامالك ولد عمها يعني دمك ولحمك وعرضك برضك.. أكيد حتساعدني وتحافظ عليها..جلت ايه يا ولد اخوي
لقد وصلت رسالة عمه إليه..نبرته الأسفة على حال ابنته وهو يحكي صوته المتوسل اليه ويستجديه ضعفه البادي في كل حرف وهو يسرد معاناته جعله يفهم أنه يوكل اليه