الفصل الخامس كاره النساء بقلم سهير عدلي حصريه وجديده
حيوان أنا يتعمل فيا كده
سجن شفتيها بين قبضة يده ليخرسها وهو يقول لها
مفيش فايدة فيكي العفش عفش بردك تصدجي أنا غلطان عشان صعوبتي عليا وجيت عشان أفكك خليكي إكده مربوطة وأفضلي اصړخي بجى عشان يجاوا يفكوكي
ثم نهض وخطى صوب الباب فصړخت فيه
أستنى هنا انت حتسبني كده ضهري وجعني من القاعدة دي فكني بقولك
عايزاني أفجك يعني
أنت بتسألني فكني يابني أدم حمووت عايزة اروح الحمام حرام عليك
ابتسم ببرود واقترب ببطئ ثم أتى بمقعد ووضعه بالقرب منها جلس عليه واضعا قدم فوق قدم قائلا ببرود
ماشي حفكك بس لما تتأسفي لاول وتجولي أنا أسفة يامالك باشا
مش حتأسف ولا زفت ويلا فكني بقولك
يبجى خليكي إكده المعروف مينفعش لأمثالك كسحة تاخد الحريم كليتها
قال ذلك وهم أن ينهض وهم أن يتركها ولكنها سرعان ما تخلت عن عجرفتها وقالت سريعا حتى يخلصها من قيودها فكانت تشعر أن بطنها على وشك الأنفجار من فرط الألم
لأ استنى خلاص خلاص حتأسف
شطورة الأدب حلو برضك
هزت رأسها يمينا ويسارا حتى حررت ذقنها من بين أصابعه بعدها قالت من بين أسنانها
أنا أسفة أخلص بقى فكني
قال وهو يربت على احدى وجنتيها بتحذير
لاه عتجوليها من وسط سنانك إكده معجبنيش جوليها زين زي الناس
ألهي يجيلك شلل يابعيد ويرحني منك
بتبرطمي مع حالك عتجولي ايه
دون أن تنظر له وبنبرة جاهدت أن تخرج طبيعية
أنا أسفة
زين إكده
وما إن أصبحت حرة حتى هجمت عليه وراحت تضربه بقبضتيها وهي تهتف ثائرة غاضبة
أنت مالك ومالي بتعمل ليه كده فيا أنا بكرهك بكره
فضحك مالك وهو يهز رأسه يمينا ويسارا متعجبا من أمر تلك الفتاة التي تغضب سريعا وتثور سريعا ثم قال جملته قبل أن يغادر حجرتها كسحة تاخدك يابعيدة مچنونة وحتجننيني معاكي
عندما خرجت نريمان من المرحاض كانت في أوج نقمها من مالك ومن أفعاله بها هو الوحيد في هذا العالم الذي أذلها وكسر أنفها ماذا تفعل له أنها تريد أن تغيظه كما يغيظها بأي ثمن تريد أن ټنتقم منه بل تريد أن تقتله لو استطاعت بداخلها بركان يغلي حمم الغيظ في قلبها تفور وتفور تشعر أنها عاجزة على فعل
