رواية جـرح_الـمـشـاعــر بقلم_امال_جوري البارت الاول حصريه وجديده

القلب وزاد كمل عليه سبيطار لي جاي فالمدينة في طرف الدنيا مكاش شكون يدينا ليه بابا وحيد جدي معندوش خاوتو عندو خواتاتو وكل وحدة وين متزوجة بصح عندو ولاد عمومو وولاد ولاد عمومو خالوطة كبيرة وزيد عندو وحد المشاكل تاع الكريدي مع لافامي من بعيييييد يضلو يجو وحد شيوخة ولاد عموم عمومو يقولولو خلص الدين تاعك وزيد الارض تاع بابا والدار لي ساكنين فيها كامل تاعهم وحقهم و هاذا كامل بسبب جدي بكري كان نية وغلط كي ماريكلاماش على الارض وعلى حقو وهوما داو كلش باسمهم وضكا رانا نحلو باه نعيشو فالدار هادي شحال من مرة يحاولو يخرجوه ويسالولو دراهم بزاف باسكو قبل عامين ثاني تسلف عليهم بابا قيس 100مليون باه يجدد الارض تاعو ويدير الفلاحة بصح خويا الكلب داهم وراح سرقهم وكملهم فالمخډرات عافانا الله بابا من هاذاك اليوم حكمو قلبو راه يمشي بالروسور في قلبو وهاذو فاميلتو معجبهمش الحال وولاو يضلو رايحين جايين يقولولو راك ساكن في ارضنا ولازم تردلنا دراهمنا وهو مسكين ماعندوش وزيد حالتنا ساءت كثر وكثر كي كمل مسحتلو ماما وقاټلو لازم تروح للطبيب لازم _ يا يا عقيلة خافي ربي كيفاه هاذي نروح للطبيب شكون لي يدينا _ شوف بابا راني نشوف فيك تلعب بصحتك لازم تروح للطبيب لازم وانا ندبر راسي _ عيط عليا راااانيااااا وين تدبري رااااسك احكمي بلاصتك ازربي درت روحي مسمعتوش ورحت للكوزينة نكمل ناكل ونخمم كيفاه ندير باه نطلعو للسبيطار قلت نهدر مع عمي مالك جارنا هو وبابا صحاب ومرتو تضل عندنا وصحبة ماما نقولو يدبر طونوبيل ويدينا هاذاك نهار جاز سامط كي الرهج هاديك ليلة بايتة نخمم حتى للصباح صليت فطرت وخرجت رحت ديراكت لدار عمي مالك دقدقت حلت عليا مرتو قاټلي وشراكي رانيا_ اعععععع خالتي منحبش اسمي ضحكت معايا وقاټلي لالا اسمك يهبل وش خصو تبسمت معاها و قلتلها وينو عمي مالك _ راه فالدار دخلتني وضيفتني بقات معايا تسقسي على حوالي حتى جا لحت عليه السلام ودخلت فالموضوع حللتو باه قالي ندبر طونوبيل ووجدو رواحكم غدوة نشاله هاني نديكم شكرتو بزاف ورحت للدار حكيت لماما منها فرحت ومنها زعفت مني قاټلي علاه تروحي وتخرجي وضك باباك يزعف _ خليه يزعف يا ماما صحتو اهم من زعافو بالنسبة ليا سمعتي سكتت وراحت ليه هدرت معاه حتى عيطلي والله خفت مام مريض ونخافو دخلت ايه انعم بابا _رانيا تحوسي  ياك قټلك متديري حتى حاجة _ بابا تعيش خلاص لازم تروح للطبيب نوعدك كي تروح للطبيب ويشوفك ويمدلك الدوا وتبرا ارواح اضربني على هاذي الجاست تعيش صحتك اهم بقا قالي وقتاه يجي يدينا سي مالك _ غدوة الصباح وجدو رواحكم حرك راسو ودور وجهو علابالي زعفان مني ميحبنيش كي نخالف رايو ديما يقولي متدخليش روحك فالسياسة تاعي وانا منقدرش لازم ندخل روحي كما ضكا مي معليهش صحتو اهم كملنا النهار هاذاك وغدوة منذاك صبحنا واجدين جا عمي مالك وعاونا بابا طلعناه فالطونوبيل توكلنا على ربي وديمارا طريق شويا بعيدة بصح محسيتش من الفرحة كي قريب نوصلو قالت ماما لبابا نروحو للسبيطار لي يخدم فيه هاذاك ولد فاميلتك مالبعيد _ ايه هاذاك هو سكتت وكملنا حتى وصلنا هبطنا بابا ودخلناه للسبيطار بزاف كانو يشوفو فيا كنت لابسة روبة قبايل نوار بالفوطة تاعها ودايرة فولارة حمرة لشعري هاذا