رواية جـرح_الـمـشـاعــر بقلم_امال_جوري البارت الاول حصريه وجديده
هو ستيل تاعي كي انا كي جاراتي وصلنا لاريسابسيو قال بابا لهاذاك الراجل عيط للسي وقال لقب هاذا الراجل عيطلو فالتيليفون وقالنا ريحو ضكا يجي عمي مالك قالنا انا نروح نفيريفي طونوبيل وكي تكملو عيطولي برك وراح بقينا قاعدين حتى جا وحد الراجل لابس طابيلة تاع طبة فاتحها وداير يديه داخل جيوبو مع سروال جين زرق وفاست وقافلها ساعة في يدو ريحتو ديجا ضړبتني يمشي بالتكسال تقول راه فالسبيطار تاعو كي شاف بابا جا عندو سلم عليه قالو وش راك عمي لاباس _ الحمد الله وليدي ونتا لاباس _ والله في نعمة زاد دار لماما سلم عليها وبقا يسقسي على حوالهم وانا مزالني قاعدة على الكرسي ويديا على ركابيا شاف فيا هاذاك الطبيب وقالو عمي هاذي شكون ولا مشي معاك _ هاذي رانيا بنتي _ ايي الله يبارك كبرت تبسمت معاه برك ودورت وجهي بقاو يهدرو سمعت ماما قاټلو يا مروان وليدي وضكا كيفاه نديرو رانا قطعنا مسافة طويلة باه جينا هنايا وعمك لازم يداوي لا مشي ڨراف لازملو اوبيراسيو نضت مخلوعة قلتلها ونتي وين تعرفي مروان هاذا حتى تعيطيلو باسمو تخنزر فيا بابا قالي هاذاك لي يسموه مروان واش واقيلة معجبتكش حتى تحكي بالتشناف انا مروان نجي باباك مالبعيد وبابا وعمومي يضلو يجو عندكم للدار وراكي تعرفيهم غير انا متعرفينيش كان يحكي معايا بوحد الاستفزاز يبان سامط كي الرهج قتلو ايه منعرفكش لاه نعرفك _ حتى انا منعرفكش ومنحوسش نعرفك قتلو يحصلك الشرف تعرفني عيط عليا بابا راااانياااا خلاااااص اووو ديما تديريلي المشاكل لي يجي تتضاربي معاه مراناش فالدار رانا فالسبيطار وناس تتفرج مسو من كتفو وقالو خلاص مروان متتقلقش هاذي الطفلة مڨرونة مكاش واحد متضاربتش معاه تخنزر فيا مروان ودور وجهو قاللهم مالا نطلعو لفوقا جينا طالعين كامل قالي لالا نتيا متطلعيش يطلع المړيض وواحد من فاميلتو برك_ علااااه منطلعش كيفاه بابا انا لي جبتو للسبيطار منبعد مانطلعش واقيلة السبيطار تاع باباك ونتا لي تحكم _ لالا مشي تاع بابا تاعي فهمتي وقټلك ماتطلعيش ممنوع يا طفلة مريضة نتي قرصتني ماما لقيت بابا وجهو حمر راح يكلاطي فيا زاد عيط علياا رانياااا راكي حابة كاش نهار نقتلك وليت سكت تخنزرت فيه وقعدت على الكرسي وهوما طلعو بقيت ثما نشوف فالتيليفون ونستنا فيهم بصح طولو شويا تقلقت قلت والله غير نطلع نشوف وين راهم نضت من بلاصتي وطلعت في هاذوك الدروج لقيت زوج كوروارات مشيت في واحد حتى خرج في وجهي هاذاك السامط مشي قټلك ممنوع الصعود _ وين راه بابا راه مليح _ متتجاهلينيش سمعتي وامشي اهبطي صينو والله يبهدلوك لازم تطلعي مع طبيب يلقاوك وحدك يبهدلوك وضكا انا لي راح نبهدلك اهبطي _ منهبطش جيت نشوف بابا وشبيك نتايا _ يا القبايلية اهبطي بركا ماتغنجقي فالهدرة مادرتش على كلامو وكملت مشيت حكمني من ذراعي وجرني في هاذوك الدروج هابط فيهم كي الطيارة وانا نجري فيهم كي وصلت للدرجة اللخرة طحت على ركبتي نضت وعيطت عليه وشبييييك نتا مريض ولا وشنو ناض يستغفر قالي والله لوكان جيت نهدر بالقبايلة نفهمك بيها يا بنت الناس لا تفهمي العربية متطلعيييش الفوق واذا طلعتي نتي يماك تهبط اووو حتى تخليني نعيط ضكا ولا وشنو _
