رواية جـرح_الـمـشـاعــر بقلم_امال_جوري البارت الاول حصريه وجديده

مي انا مدرتش عليه حطيت السنيوة قالو هاذاك الشيخ هاذي بنتك رجعلو بابا ايه بنتي الوحيدة تبسم معايا رجعتهالو دارلي بابا براسو اخرجي بصح قعدت شاف فيا وحد الشوفة والله علابالي ينحرني كي يروحو وكملو يحكو معاهم ومروان هاذاك مشفتش كامل فيه بقاو صواتهم يعلاو وكي قالو لبابا لا متخرجش مالدار اشريها علينا وقالو المبلغ بابا هبطلو السكر رحت نجري جبتلو الما بالسكر شربو وبقا يتنفس قاللهم ياناس الخير والله ميسعاني دورو وانا وليدي مسحلي فمي _ يا الحاج رانا عطينالك بزاف الوقت محبيتش تخرج مالدار وزيد دراهم لي سلفناهملك عامين مزال مرديتش منهم حتى حنايا نحتاجوها الدار هاذي قلقوني قلتلهم وشبيكم والله بزاف منقدروش منين نجيبولكم المبلغ هاذا صح علابالنا خويا دا كلش وصرف دراهمكم  

بصح الله غالب وبابا ميخرجش مالدار مستحيل وديجا نتوما طماعين عندكم الدراهم كي الزبل وتزيدو تحوسو على الزاوالي قالي هاذاك الشيخ بنتي راكي صغيرة الهدرة مع باباك وهو علابالو وش رانا نهدرو _ واش علابالو كيفاه تقول لبابا تخرج مالدار ونتا علابالك بظروفو راه مريض الروسورات والحدايد راهم في قلبو ونتا تطمع في نص دار حرام عليكم وعلاه وحنا كي نخرجو وين نروحو اصبرو علينا عام عامين ودراهمكم يلحقوكم ناض السامط تاع مروان قالي مشي غير دراهم الدار و الدراهم والارض راهم كامل على اسم جدي وراه مخليكم عايشين هنايا _ بصح الارض هاذي تاع جدي الله يرحمو حتى الدار تاع جدي كيفاه ولات باسمكم نورمالمو نشكي بيكم _ الله غالب جدك هو لي مجراش بكري على روحو وطارتلو ونتوما بقيتو هنايا وزاد باباك تسلف علينا دراهم كبار وخوك خسرهم كامل في لادروڨ كيفاه حبيتينا نسكتو عليها هاذي _ معلابالي ني حكاية ارض ني والو عينيا دمعو وقتلو بابا راه مريض اصبرو شويا برك انا نردلكم دراهمكم كامل قالي هاذاك الشيخ يا بنتي الدراهم بزاف ومتقدريش تخدمي حياتك كومبلي ومترجعيهمش راني نحكي مع باباك الهدرة مع الكبار _ مالا كي علابالك بلي منقدرش نجيب الدراهم هاذوك كامل علاه راك تحوس عليهم من عندنا اه الطمع وش يدير ريحة الدراهم تخرج منكم وتزيدو تحوسو وتطمعو فالزاوالي انا نهدر وبابا يسعل ويقولي اخرجي ويكمل يسعل علابالي ليوم ېقتلني دايمن يقولي متدخليش روحك في الامور الكبار لي خاطيينك بصح راسي خشين كي الحجرة منفهمش الله غالب قلبي ياكلني ويديني النيف على بابا منحبش نشوف واحد يحكم فيه ولا يأمر فيه شاف فيا مروان وقالي راني نشوفك دخلي في روحك بزاف نتيا _ ايه ندخل روحي ودوموندو اي حاجة وغير الدار لي منخرجوش منها _ قالي وحد الهدرة مكنتش متوقعتها وزيد قالهالي قدامهم ماحشم ما ندب _ مالا قلتيلي ندوموندو واش نحبو حركت راسي قالي تتزوجي بيا وتكوني ام صالحة لبنتي حليت عينيا شفت في بابا لي عينيه كانو يدمعو ويتخنزر فيا علابالي مقدرش يحكي شفت في مروان مزالو يشوف معايا قالو هاذاك الشيخ مروان وش راك تخلط_ بابا من فضلك اسكت شاف معايا قابلة _ غاضني بابا في لحظة حارة قتلو قابلة بصح الدار تولي باسم بابا والدين احسبو شرطي والارض من صالح بابا حرك راسو قالي متاكدة قابلة زبطت وجهي العلى خدي قتلو بصوت متقطع ق ا ب ل ة معلاباليش لا درت الصحيح ولا لالا وزيد قلتها وخاېفة من بابا لي كان راح ينوض
 يتبع