رواية چرح المشاعر 3*4 بقلم أمال جوري حصريه وجديده

قبلت في صالحكم والفايدة لينا معجبكمش الحال بصح هاااه هاني قاعدة خلاص راني معاكم وراني ليكم كي معجبكمش الحال صايي شافت فيا تنفست وقعدت على السرير نتنهد ونستغفر قعدت قدامي حطت يدها على كتفي يا رانيا يا بنتي متفهمينيش غالط والله غير علابالي علاه علابالك معلاباليش بلي بنتي كانت في كتافي وقلبها حار وحنين وتحبنا بزاف لدرجة تضحي بعمرها على جال يماها وباباها نتي ندخلو بيك للجنة باسكو ربينا صح وحدة فحلة عوضتينا في خوك المحابسي هاذاك بصح يا بنتي حتى انا راني يماك وباباك راه باباك حتى حنا يدينا النيف عليك منقدروش نخلوك تقبلي بطريقة كيما هاذي يا رانيا مستحيل لا خليناك تقبلي معنتها رانا بعناك بالدراهم والارض والدار هكا سما تقبلي والديك يبيعوك رانيا اهدري تقبلي والديك يبيعوك صحا معليش وهاذوك الناس لوكان تتزوجي بوليدهم ويسمحو فكل حاجة وش يقولو علينا يقولو باعو بنتهم لراجل غير على جال الدراهم وانا هاذي منقبلهاش بنتي عزيزة نفسها تروح بكرامتها ويحلو باه يدوها ويتضاربو عليها سمعتي رانيا متروحش بطريقة البشعة هاذي _ شفت فيها يا ماما علاه تعقدو الامور وعلاه في كل موضوع تدخلو هدرة الناس علابالك حنا قعدنا اللور ومحبيناش نتقدمو بسبة التخمام هاذا وكل حاجة ندخلو فيها هدرة الناس علابيها بقينا حنا اللخرين نعطيو اهمية ياسر للناس صااييي وانا قټلك راني بكرامتي وهو لي طلب مني مشي انايا وقبل يتنازل على كل حاجة والفايدة لينا سما المصلحة من جيهتنا علاه محبيتيش تفهميجزء
جات تحكي دقدق الباب راحت حلت دخل بابا كي شفتو نضت مخلوعة دارلي بيدو اقعدي مكان والو بقيت واقفة جا عندي مسني من كتفي وقالي اقعدي رانيا نحكي معاك برك قعدت وقعد قدامي وماما مقابلتنا قالي يا بنتي وشبيكي تخمي هكا علابالي بلي بنتي شاطرة وفلفلة ټحرق نعرفك بلي تزغدي بزاف وياكلك قلبك علينا وراني مفتاخر بروحي ربيت طفلة تخمم غير فيا بصح مشي بهاذي الطريقة محتارمتينيش ومحتارمتيش لي كانو ثما و هاذي قلة احترام مهما كان راكي طفلة و هاذي الطبيعة حنا معندناش فهمتي والزواج مراهش غير هكاك برك وانا منيش مريض نمد بنتي هكاك علاه راكي تتطايشي في سوق الجمعة ولا لي يجي يهز اترزني وبركاي مالجياح مكاش غير حل واحد كاين الف حل وانا بنتي منمدهاش لواحد يطلبها بالطريقة هاذي لي حاب بنتي يجي يقصدني مالباب الواسع مشي يتحدى فيها قدام الرجال سكت رجعلي راسي على صدرو رانيا صيبو بنتي خلاص والله ليوم قلقتيني بزاف متزيديش تعاودي جاست كيما هاذي سمعتي جاست هاذي متزيدش تتعاود الامور الكبار لي خاطيينك خليهم عليا انا الراجل تاع الدار وانا نتولاهم مهما كان راكي مرا والرجال قوامون على النساء