رواية چرح المشاعر 3*4 بقلم أمال جوري حصريه وجديده

متفاهمين _ بابا بصح هاذاك الشيخ يبان مسمۏم طماع ميخافش ربي كل مرة يجي يقولك اخرج مالدار وغير بابات مروان لي يقولو خليه يكمل يبني روحو ويخرج واااش وين رايحين بيها نبقاو عايشين هاذي المعيشة وهوما يتحكمو فينا وديجا الزواج حلال وانا مدرتش الحړام وش فيها لا تزوجت بيه وولا كل شي لصالحك نتايا هكا يخطوك وانا راح نكون لاباس بيا كما اي وحدة متزوجة هامليك عماتي كامل تزوجوهم مايعرفوهمش وراهم كامل لاباس بيهم شنقوهم قتلوهم عذبوهم راهم عايشين خير منك ومني _ يا رانيا بصح راسك خشين ماتفهميش افهميلي القاعدة هاذي لي فيها زوج سطور برك وخلاص صحا بنتي حركت راسي ماتزيديش تدخلي روحك فالامور لي خاطيينك ولي كبار عليك هاذي القاعدة ديريها في راسك واغلقي عليها متفاهمين رانيا _ يا بابا بصح ...... _ ششششششت رانيا لالا بنتي انا ندبر راسي وليت سكت وهوما خرجو بقيت فالشومبرة نخمم فالسيد المړيض هاذا لي سلط عليا ومافهمتش لاه يطلب مني فالزواج ضكا هاذا عندو عقل والحاجة لي حيرتني كثر عندو بنتو ومرتو مېتة علامة والله عجب وليت بلعتها وسكت جازو يومين مكان حتى جديد وماما وبابا ما جبدو حتى كلمة فالموضوع هاذا حتى انا نسيتو كامل النهار الثالث نضت مالنوم كانت الثناش كنت مريضة ومرقدتش بكري مالضرسة عليها خلاتني ماما رقدت للثناش صينو راهي على الثمنية صبحت تدشش عليا باه نوض نعمر الما رحت غسلت وجهي وجيت نروح للكوزينة نفطر سمعتهم يحكو بقيت نسمع ... واش حبيتيني نقول يا عقيلة انا الطفل هو لي راه يقول هكا قالتو ماما وش راه يقول _ ايه وش حبيتيه يقول قالي راني طالبك في بنتك _ ونتا وش قتلو _ انا قتلو بنتي منمدهاش بهاذي الطريقة بنتي عزيزة عليا ومنيش كلب باه نطيشها علاه لابوبال هي حتى نطيشها وخلاص حتى هو عندو بنتو وعزيزة عليه كيما انا بنتي عزيزة عليا _ و واش زاد قالك _ هو راه يقول بلي راه حاب بنتي تربيلو بنتو وتكون زوجتو على سنة الله ورسوله وقدام ربي وعبادو ومايخصها والو معاه وراه يقول ثاني حاب يضرب حجرين بحجر منها يتزوج برانيا وتربيلو بنتو ومتحڨرهاش وتكون زوجة صالحة ليه ومنها يحبس الحڨرة والطمع والتسلط وينقص الذنوب تاع جدو راه يقول بلي جدي طماع ومنيش حابو ياكل حق الناس مادام الدار كانت باسم بابا الله يرحمو وجدو لي هفنا وكتب ونسب كلش ليه علابيها قال هكا منها يتزوج برانيا ومنها حقنا يرجع لينا قاټلو ماما ونتا واش رايك في هدرتو قاللها انا صح مع اللول ما كنتش قابل مي كي عرفت نية الراجل نزيد نخمم ونشوف ومنها ناخذ رايها
 ورايك جات تهدر دخلت ولاو سكتو قاټلي ماما رانيا لا راكي مليحة روحي ادي لخوك الماكلة والحوايج راني غسلتهملو قالي بابا روحي اديلو روحي لي قالك الكبدة عمرك ماتفرط فيها ماغلطش هاذاك الطفل ابتلاء كامل واش دارلي وهكاك منقدرش نسمح فيه رحت بستو من راسو وقتلو هاذا هو قلب الاب شفت ماما تتخنزر زدت بستها وقلتلها متزعفيش برك ضحكت وقاټلي رواحي نحطلك تفطري وادي لخوك وش قټلك حركت راسي وحطتلي فطرت قلتلها وجديلي نبدل ونجي رحت لشومبرتي لبست روبتي تاع القبايل فلبيض والفوطة تاعها بالالوان تاع القبايل والاشكال هاذوك حكمت شعري كوتشوفال كحلت عينيا بالتخبية درت وسيرتات بيضة
يتبع