چرح المشاعر الفصل 7و8 بقلم أمال جوري حصريه وجديده

چرح المشاعر الفصل 78 بقلم أمال جوري حصريه وجديده
بقيت نتبع فيه بعينيا كيفاه يمشي بهاذيك العكازة ويڨاحر فالدنيا والابتسامة مزالها على وجهي تاثرت وحسيت بيه مايحس بالجمرة غير لي كواتو حتى حنا كنا هكا بكري وكنت نحلو باه ناكلو الخبز وضكا الحمد لله الامور بدات تتحس لدرجة عينيا لمعو فيهم الدموع من كثرة تأثرت لحالتو بزاف سمعت اسمي دورت وجهي مروان شكون غيرو _ واش راكي ديري برا باباك خلاك فالطونوبيل ونتي هابطة برا وزيد وصاك زعمة _ مسحت دمعتي وقتلو هبطت نشم هوا برك هاذا مكان _ يايما والله معرفتك واش هاذي العقالة هاذي نتي ولا بدلوك _ متتحمسش بزاف وديجا راك طولت معايا وديجا واش دخلك فيا نهبط ولا لالا بابا نتايا _ ايه papak انايا عوجت عينيا قالي صيبو راه تريڨلا المشكل لي عندو عامين وراه باباك وقع على الورق بسبب بنتو الاميرة المتمردة البطلة لي تدخل في كلش وضكا بقيتيلي غير نتيا نلتهالك مليح مليح عوجت فمي شحال سامط كي راه يستهزا بيا هكا قتلو مالا خلاص مادام بابا وقع على الورق وولا كل شي باسمو لاه نتزوج بيك صايي منيش قابلة بدلت رايي غمزني وقالي قبايلية لوكان تنفحلي ضك نخرجكم كامل نخرجكم بدون سابق انذار وريحي عاقلة متكرزينيش خير منبدل رايي راكم غضتوني برك ودرت فيكم الخير نربح شويا حسنات من ورا ظهركم يايما شحال سامط البنادم هاذا رهج كيفاه يعاير فيا جرحني بهاذي الجاست عينيا غرغرو بالدموع وقتلو امفك ربي ثكتشاوث نشاله ربي يعطيك دودة نشاله خنزر فيا قالي فهمت غير نشاله ودارلي بيدو هاذي الثالثة _ ضكا نتا متخطينيش اه لاه جيت عندي تحوس تجرحني بالسيف كل مرة ټجرح فيا و هاذيك الضړبة تاع السبيطار والهدرة واللله نوكل عليك ربي عليها _ علاه كذبت عليك انا هدرت غير الصح وانا انسان صريح واش نديرلك نتي لي عايشة وسط الكباش والبقر باينة راح تريحي بيهم مالا تريحي بالبارفان ولا طرطقت بالبكا وقتلو كتشي ذلعرة نرڨزان نتا عرة الرجال خنزر فيا قالي والله سيريو وش راكي تقولي والله ونفهمك قتلو مفهمتنيش نزيدك وحدة اسكو ثعلماث بلي اثتمشبهطاس اوم قرقور علابالك بلي تشبه للضفدع تخنزر فيا قالي عمري لا شفت مقامرية كيما نتي عندك الزهر منفهمش برك طلعت فالطونوبيل وهو راح مفهمتش لاه جاي عندي كي السامط منعرفو ميعرفني ويجي يجرح فيا ويروح وانا قلبي غشاء كلمة ټجرحو اي حاجة صغيرة تجرحني وتبكيني علابيها قلبي حار ونتنشع بالخف شفتهم كامل خارجين مع بابا وماما تهدر مع وحد النسا منبعد جات ركبت قلتلها خلاص فريتوها _ ايه الحمد لله حتى ناسهم بانولي ملاح مشي لهاذيك الدرجة غير