رواية جرح_المشاعر الفصل 9*10 بقلم أمال جوري حصريه وجديده

رواية جرح_المشاعر الفصل 910 بقلم أمال جوري حصريه وجديده 
قاټلي عمتي خاطرش معندكش مشاعر يادرا السيد مروان كيفاه يعمل معاك رجعتلها جارتي خليها مسكينة كي يذوبها بحنانتو قلبها يحيا _ شوفو عماتي الزينات انا خاطيني المشاعر سمعتو _ ايه مالا نشوفوها كي تتزوجي شهر من بعدو عيطيلي وقوليلي لا قلبك حي ولا لالا وضكا انا نروح نشوف شكون جا ونولي ليك وخرجو كامل قعدو معايا غير لبنات يسڨمولي ويعاودو حتى دخلت ماما هيا هزي السنيوة وادخلي راهم كامل حابين يشوفوك حتى يماه متشوقة تشوف الفيڨورة الشينة تاعك _ خسارة عليك ماما انا شابة قاټلي ايه بنتي تهبل وكي زادت ماكيات ولات كي العروس ضحكت هزيت السنيوة ودخلت ليهم ولبنات مورايا يزغرتو حطيت القهوة سلمت عليهم كامل جات يماه عجوزة وربعة خواتاتو كبار فاللاج شويا بصح سكر في سكر غير وحدة برك لي معجبتنيش شويا وجاو زوج نسا خاوتو هايلين بزاف هايلين فاميلتو روعة خاصة يماه ملي دخلت وهي تسمي بسم الله خمسة وخموس عليك تقطري بزين حي على زهر وليدي المنور واش عطاه ضحكتني دخلت قلبي كامل هايلين ودخلو قلبي كانو طايرين مالفرحة وڨصارين بزاف غير يضحكو ويهرجو والله لقيتهم على حساب قلبي ونفس عقليتي انا الضحك والڨصرة والتمرد واللامبالاة والاستهزاء ولوكان تشوفو انا قاعدة قعدت الرجال وضحكتي واصلة للسما ماما نخلعت فينا كيفاه نقصرو انا وخواتاتو حتى قاټلي يماه أيا نوضي انا نديرلك الخاتم وليدي محبش يدخل قلتلها في قلبي مزية ربي _ يخي مزعفتيش نشاله مبقاش بزاف وتولي مرتو وتشبعي منو _ لالا يما علاه حتى نزعف ضحكت دارتهولي وزغرتو كامل حتى جا بابا عيط لماما خرجت عندو وحنا بقينا مقصرين وعماتي راهم يعرفوهم من بكري لقاو راحتهم وتقول ماولات خطبة غير قصرة جات عندي ماما دارتلي بيدها ارواحي نضت رحت عندها وشنو _ الراجل يحوس يشوفك _ لاه يشوفني شغل جامي شافني مانهدرش تعرفيني الراجل نكرهو ومنحملوش قرصتني من ذراعي كيفاه هاذي متحمليهش ياااااه نتي هايلة السيد طلبك للحلال وزيد شفتي وش دار مع باباك وتكرهيه مالفوق امشي بركاينا مالدلال تاعك والجياح هاذا خللاص راكي كبيرة ضكا نضت ندمع ونقوللها والله منروح منروحش يا ماما _ يااااااا بنتي على بنت الهج لاه راكي تبكي امشي روحي السيد يستنا فالشومبرة باه تتفاهمو على العرس وقتاه _ ياماما قوليلو يتفاهم مع بابا _ رانيا تروحي ولا متروحيش حركت راسي بلالا راحت عيطت لبابا جا قالي وشبيك نتي السيد راه حاب يهدر معاك وتسمعي شروطو وباه تتفاهمو على العرس _ بابا اتفاهم معاه نتايا وعلاه نكرهو _ ونتافهم معاه أنا علاه انا لي نتزوج بيه امشي بركاي مالدلال تاعك وبركاي ماتجيحي