رواية چرح المشاعر الفصل 13-14 بقلم أمال جوري حصريه وجديده

بقيت نبكي هكاك نحا يدو من وجهي وطبعني ضړبت فالكارو عيط عليا ديري السنتورة لا نزيد نحصل مع ق ليجوندارم فالطريق بسبابك مني حاب نصرف دورو على جالتك خاطر تاع الصح متستاهلي حاجة يا عرة النسا سكت محبيتش نزيد الهدرة يايما وحش ذيب يخوف خفتو بالاك لوكان نزيد معاه كلمة ېخنقني ديمارا وزاد فالفيتاس بزاف غير يستغفر ويجبد ڨارو يتكيفو حتى وصلنا نزل وقالي انزلي هبطت لقيت روحي قدام سبيطار ثاني راح يمشي وانا موراه دخلنا لاقانا الفرملي وقف يحكي معاه وهاذاك الفرملي يشوف فيا بعينيه حتى عيط عليه يا ق وين راك مفيكسي عينيك راني نحكي مع ر شوف فيا خير ماتلحق ليمالاد لي راهم فالبلوك قالو وينو المړيض هاذاك السيد ولا يرعش قالو فالايطاج الخامس ولاسونسور معطلة ناض يستغفر حكملي يدي ويجر فيا ويهدر بالقلوقية هااااه هاااااه نتي تاع الصح بلوة تاع الصح ابتلاء من عند رب العالمين متعرفيش تغطي شعرك ونتي طالقاتو للناس كامل تشوف وتتفرج هاااااه هاااااااه يا رباني شفتيه بعينيك كيفاه يخزر فيك تقول جامي شاف طفلة راني شديت روحي على الشعرة باه مانكسرلوش راسو وندخلو للبلوك في غيبوبة هاذا كامل بسبابك لوكان شافك مربية وساترة روحك شعرك مستور رجليك مستورين ذراعتيك مستورين واللله مايشوف فيك يقولك هاذي مربية هو يحشم يشوف فيك بصح هو لالا شافك طالقة روحك ومتاحة للجميع كل حاجة معريتها باينة يشوف فيك وديجا راه ملا عينيه بيك قسما بالله ونزيد نشوفو هز عينو لا ماربيتوش وربيتك معاه منيش راجل ومنيش مروان وليد رشيد كان يحكي وانا غير دموعي يسيحو مكاش نهار متلاقيتش بيه وماشفتوش وحكيت معاه ومجرحنيش ديما يجرحني بكلامو ديما يوصلي حاجة من كلامو خطړة انا مدودة خطړة رخيسة وكان يبالغ بزاف كنت لابسة روبة قبايل نص ذراعيا يبانو هاذا مكان والتحت مهيش كامل قصيرة غير رجليا يبانو هو لي فيكسا عينيه فيا وشافني واش لابسة وواش لالا بالاك الدوبياس وراه سكاناه وعرف حتى لاكولور تاعو وشعري كنت دايراتو كوتشوفال كي العادة غير هو لي يبالغجزء
كي شفتو كثر فيها نفرت يدي منو حبس دار ليا وشاف معايا وشبيك ضك تندبي كي الندابة علاه هدرت الغالط ياك نحكي غير الصح اه راني غالط واقيلة _ ايه راك غالط ماقالولكش _ ياااااااااااااااااااااااا رباني متكرزيش ر لا ضك نطيح في جدك نبدع فيك قدامهم بلعي فمك وخطړة اخرى كي تشوفيني هكا الزبل طالع لراسي ومتحكيش كامل تهبطي راسك وتبلعي سمعتي بصح والله صح شحال مقلق كيما بابا وجابلي ربي هاذا كثر من بابا مدوزي السيد والله من كثرة خفتو عود يشاليني بكف حكمت فمي عندي كان لي يجوز يشوف فيه كيفاه يعيط