رواية چرح المشاعر الفصل 13-14 بقلم أمال جوري حصريه وجديده
دار التبهديل كنا طالعين فالدروج على رجلينا لاسونسور كانت خاسرة و هاذا الشي لي زاد هبلو وهو يطلع بربع درج على ضړبة وانا بالوحدة لازم وهو يسحب فيا مرمدني حتى طيحني نضت نبكيلو وشبيييك يا مروان راك ندبتلي وعلاه شوف راك طيحتني وانا رجلي مريضة منها ناض يستغفر ويمسح في وجهو محبسش مالاستغفار وانا فالدروج قاعدة ونمسح في دموعي شاف معايا صيبو نوضي ضك راكي ريحتي بزاف زاد ستغفر وكلاطا وضك هاذا سبيطار لاسونسور مكاش نطلعو للخامس على رجلينا روبوات حنايا ولا استغفر الله استغفر الله نورمالمو خسرلهم يروحو توت سويت يجيبو الخدام يصلحو لا حول ولا قوة الا بالله حكمني من ذراعي نوضني خلعني جابني واقفة قتلو بعقلك اسيدي راك كثرت فيها مالصباح وانا ساكتة قټلك مريضة من ركبتي توجعني وشبيك نتايا _ وش نديرلك ضكا انا نهزك اه نهزك ارواحي نهزك ارواحي وقرب عندي حبستو من صدرو لالا خلاص نطلعو بالعقل برك بقا طالع بالدرجة ويستغفر جاني الضحك عليه قتلو اتمنيغ اذيلي كل شي بخير شاف معايا وشنو _ قټلك نتمنى يكون كل شي بخير حرك راسو وكملنا طلعنا بالسيف لا وصلنا دخلنا فوحد كولور قابلني حسام صاحب خويا جيت رايحة عندو باه نسقسيه على خويا وماما وينهم حكمني مروان من يدي و رجعني عندو جابني لاسقة فيه شفت معاه طرطق عينيه فيا خلعني قالي اترباي استعقلي راجلك معاك ونتي رايحة لصاحب خوك _ بصح مروان راني رايحة نسقسيه على خويا وعلى ماما هاذا مكان وراه الشي الغير منطقي_ يا رباني نتي لي غير منطقية ومعرف منين خالقة وتاصيلتك منين ملي زدت في عمري لاشفت طفلة كيما نتيا كنت حاسب في بالي القبايليات شابات ورزينات ومثقفات ظراف نتي لا زين لا رزانة لا ثقافة لا علم لا تطور لا ظرافة منعرف واش فيك شفت فيه والله متحشم والله متحشمها بصح معليش معليش هدر هو مع حسام وقالو لا راك مشغول ولا حاب تروح تقدر تروح وضكا انا نديهم قالو حسام نشاله ميكون غير الخير برك وراح دخلت للشومبرة هاذيك لقيت ماما عند راس حكيم وهو راسو مربوط كامل يبانو غير عينيه كي شافتني ناضت تجري عندي يااااااا رانيا بنتي جيتي وين راه باباك راه مليح كشما صرالو _ مټخافيش ماما بابا راه فالسبيطار راه لاباس بيه مزال مفطنش وانا ومروان رانا جينا لهنايا كيفاه راه خويا راحت ماما تسلم على مروان وانا رحت عند حكيم راقد مهوش كامل معانا غاضني بقيت نشوف فيه قاټلي ماما راهم يقولو نشاله يفطن بالاك غدوة ولا كثر شويا قلتلها نشاله يا ربي بقينا كامل ساكتين حتى جا الطبيب قالنا اخرجو خلوه ضكا
