رواية چرح المشاعر الفصل 19-20 بقلم أمال جوري حصريه وجديده

رواية چرح المشاعر الفصل 1920 بقلم أمال جوري حصريه وجديده 
جازو خمس ايام كنا راقدين حتى نسمعو في ماما تبكي خرجت نجري لقيت حتى خويا خرج من الشومبرة تاعو يجري دخلنا لشومبرتهم كان الضو مشعول لقيت بابا عينيه للسما وماما تبكي وټعيط صونا الباب جريت حليت لقيتهم الجارات قالولي واش كاين عياطكم راه واصل لبرا حتى عمي مالك وجوارينا جاو قلتلهم بابا مانعرف واش صرالو انا هكاك وسمعنا ماما عيطت وحد العيطة وخويا سمعتو كي قال ان لله وان اليه راجعون رجليا فشلو رحت نجري لقيت بابا عينيه مغمضين وماما تبكي فالدم لربي لي خلقها كي شفتو هكاك بقيت واقفة في بلاصتي شفت مع خويا درتلو براسي كاين منها بابا راح جا عندي عنقني وقالي ادعيلو بالرحمة ختي وشفتو كي مسح دمعتو وخرتو بيدي وطحت فاللرض حاكمة كرشي ونبكي بالصوت ونهدر وحدي علاه رحت يا بابا علاه موفيتش بوعدك علاه رحت وخليتني وحدي وعلاه ياك قتلي نبقا معاك ومنروحش وينو الوعد لي وعدتني بيه راك رحت وخليتني وحدي يا بابا وعلاه وانا ضكا شكون بيا كيفاه ندير لعمري يا بابا كيفاه نديييير رحت وخليتني وحدي رحت وتخليني نتعذب شكون بيا شكون لي كي نحصل نلقاه في كتافي شكون شكون لي ضكا يحڨرني ونقول عندي بابا ومنخافش رحت وخليتني ضايعة يا بابا شكون بيا شكووووون واحد مايقدر يعوض بلاصتك حد مايعوض حنانتك حد مايعوض شي فيك يا بابا وعلاااااه وعلاااااااه علاه رحت يا بابا علاه رحت علااااااااااااااااااااه كنت نبكي بوحد الدرجة العقل ميتخيلهاش رحت عندو رقدت على صدرو ونبكي وماما داخت تصرعت ديراكت الجوارين يعزو غير في خويا وهو يبكي ويقول لوكان غير زاد عاش شويا نخدم ونديه عمرة كيما حلمت لوكان زاد شويا يخليني نبررلو يخليني نرجعلو خيرو لي دارو فيا يخليني نبوس رجليه ونشكرو على كل التضحيات لي ضحاهم على جالي يخليني نبوس يدو لي رباتني وخدمت فالتراب باه توكلني يخليني نشم ريحتو لي عندي بزاف ماشميتهاش يخليني نبوس راسو ونفتاخر ونقول هاذا بابا يخليني نكرمو على التربية لي ربانا بيها يخليني نطلب منو السماح يخليني نرجعلو دراهمو يخليني ندير كل حاجة بصح ضكا راح ولي راح ميوليش ربي يرحمك يا بابا ويطول في عمرك ربي يرحمك يا بابا ويجعلك من اهل الجنة نشاله ربي يدخلك الجنات وتاكل من نعيمها يا بابا نشاله تتلاقا بطيور الجنة يا بابا ربي يرحمك يا بابا يا اغلى حاجة فالدنيا بعد مارحت نتايا مابقات بنة فالدنيا بعد مارحت مشكيتش نكملو حياتنا نورمال يا بابا عمرنا لا ننساوك روح يا بابا ربي يرحمك راك ديما فالبال ولا نساك البال الڨلب مينساكش ولا نساك الڨلب العقل