رواية چرح المشاعر الفصل 24-25-26 بقلم أمال جوري حصريه وجديده

تعيش _ بوسيني نطلقك بستو من خدو طلقني درت يديا على عينيه نحيتلو حوايجي من يدو وجريت دخلت للدوش هاذا السيد واقسم بالله غير مونڨول مايراعيش كامل مشاعر الحشمة دخلت في بعضايا كي الفكرون لقيتو جايبلي حتى الدوبياس وبيجامة ساتا لبستهم وخرجت لقيتو لابس سروال جين زرق وتريكو زرق عندو وحد العضلات لفتو انتباهي حتى تولهلي بلي نشوف فيه باه نزلت عينيا قتلو اسكو ثعلماث بلي اثتمشبهطاس اوم قرقورعلابالك بلي تشبه للجرانة _ اه _ قټلك راك شباب تبسم معايا قالي مرسي حتى نتي راكي شابة بصح واش يثبتلي بلي مراكيش تسبي فيا سكت وخليتو رحت لاكوافوز بقيت نشف في شعري بالسيشوار كي نشف سرحتو بيديا ندي ونجيب فيه شفتو من المرايا تاع لاكوافوز كيفاه يشوف فيا كي تولهلي تنهد وقالي هي مكانتش تدير هكا لشعرها كانت ترجعو ورا وذنها وتعاود تقلبو شحال نكره كي يقارني بيها قتلو ربي يرحمها تنهد وخرج شحال غاضتني عمري ضكا حتى حركة الشعر كيفاه تديرلو ومزالو متفكرها راح نسوفري معاه ميزيرية حليت الخزانة لقيت بزاف حوايج ليا انا وايطاج الفوقاني كامل فيه جلابات عراض غير اللون القاتم وخيمارات تاعهم عرشت فوق الخزانة باه نجبد وحدة حتى دخل عليا خلعني كي عيط عليا ياااااا واش راكي ديري يا طفلة امشي اهبطي عود تطيحي تخلعت فزعت زلقت طحت فاللرض مزية حكمني جاو غير رجليا فاللرض حكمتني الدوخة بقيت نغمض في عينيا بالعقل وهو يخبط في وجهي بالكفوف خفاف حتى رحت فيها مافطنت غير على صوتو حليت عينيا لقيت روحي في نفس البلاصة راسي كان يدور ويوجع فيا قالي صافا راكي مليحة ياك حاجة ماتوجع فيك حركت راسي بايه وتأوهت من وجاعة الراس هزني وناض مشا بيا للكوزينة حطني على الكرسي حطلي حليب وڨوفريط كليتهم بالسيف لوكان مشي هو لي حتمهملي مناكلش
الجام متنسايهشجزء
حطيت راسي على الطابلة ونتنفس جاني البكا تفكرت كل حاجة جازت عليا ومزال حوايج يزيدو يجوزو طلعلي راسي بعدلي شعري هيا ضكا روحي البسي حيجابك باه نروحو راهي يما هبلتني مالصباح وهي جيبها جيبها جيبها نسا خاوتي و وحدة مافرحت بيها كيفك _ حتى انا نحبها من قلبي ودايرتها كي يما نضت نمشي ونتمايل بالسيف وصلت لهاديك الشومبرة دخلت ليها كي تفكرت بلي كانت تاعو وتاع مرتو ضاقت فيا النفس خليقتي تقلبت مام هو لاحظ الشي هاذا جيت نعاود نطلع نجبد الجلابة ضړبني ل لاريال وييين طالعة كي شادي _ واش تحبني ندير كي منطلعش لازم نطلع الخزانة عالية بزاف _ لالا نتي لي قصيرة بينازة مشي الخزانة لي عالية خنزرت فيه طلع يدو جبدلي وحدة قالي هاااااه بيد جبدتها _ ايه نتا لي طويل بزاف حكمتها عليه لبست روبة شابة مالتحت ورميت فوقها الجلابة عدلت الخيمار شحال يجيني شباب لبست صندالة في رجلي كحلت عينيا ودرت عندو صايي راني واجدة ناض يمشي عندي وقف قدامي مابيناتناش مسافة سرطت ريقي قالي علابالك الخيمار والله مكان يجيها هكايا ومكانتش تديرو هكا حتى عينيها مشي هكا كانو كحولة وكي تزيد تكحلهم يزيدو يرقاقو غمضت عينيا وتنهدت قتلو مروان انا رانيا منيش حنان وهي ربي يرحمها وضكا مشي كل خطړة كل جاست تهدرلي عليها انا مانعرفهاش سمعت بقا يشوف فيا قالي بدلي الخيمار جاك شباب بزاف راكي كي الفتنة متزيديش تديريه هكا ديريه نورمال صينو منزيدش نشريلك هاذو نشريلك وحد اخرين ميبينوكش شابة _ كيفاه نتايا ضكا تغير مني كي جاني شباب وتحوسو مايجينيش شباب ولا كيفاه _ ايه حاجة باينة مني حاب حتى واحد يشوفك شابة ويصورك في راسو كوني بشعة قدام الناس اتزيني في دارك ولراجلك برك _ اواه والله نتا مريض والله منيش متزينة هادا خيمار برك _ ايه بصح جاك شباب بزاف بدليه ومتزيديش تديريه هكا وتطبقيه وديريه كي منقار النسر في جبهتك ولاه تكثري هاذو ليباري في راسك ديري واحد يكفي وديجا نحي الكحل لاهلك بيه عينيك هوما فتنة ستغفرت ورحت جبدت وحد اوخر درتو نورمال قتلو وضكا عجبك الحال _ امممممم مزالو