رواية چرح المشاعر الفصل 24-25-26 بقلم أمال جوري حصريه وجديده

جايك شباب بصح معليش هكا خير ماللول ونحي الكحل راح جابلي لانجات مدهالي هيا امسحي عينيك هوما شابين بلا كحل بقيت نشوف وجهي كان علامة استفهام والله مافهمتو الراجل هاذا خطړة يقولي تشبهي لجعفر ويقراني بمرتو وخطړة يقولي راكي شابة وجاك شباب يا ربي اعطيني الصبر برك كي محبيتش نمسحو مسحهولي هو وقالي هيا روحي امشي نتي اللولة رحت مشيت وهو مورايا المشية تلفتلي سمعتو قالي رانا ماليوم متزيدش تلبسي الصنادل حرام يبينولك كامل رجليك درت عندو. ضكا تحاسبني حتى واش نلبس في رجلي ولا وشنو والله بزاف مانحملكش هكايا_ يا يما متحملينيش والله في نهارك اللول ماتحملينيش لالاك والله ماكانت تحل فمها معايا ونتي راكي هنايا تحلي في فمك اسمعي يا وسمك راكي ډخلتي داري كلمتي لي تمشي عليك سمعتي _ ايه علابالي كلمتك لي تمشي بصح كلمتك هادي لازم تعرف وين تمشي مشي غير تزدم وخلاص _ قټلك لسانك طويل وخاصك تيو تاع ڨاز نجيبو ونحطو فالدار هو لي يريڨليك سكت وخليتو هبطنا للڨاراج ركبت فالطونوبيل وهو فتح الڨاراج وجا ركب خرج الطونوبيل وعاود هبط غلق الڨاراج وزاد طلع قالي ديري سنتورة تاعك درتها وديمارينا طريق شويا طويلة قيس زوج سوايع وانا ندوخ فالطريق نولي غير نتقيا هبلتو فالطريق كل دقيقة نقول احبس راح نتقيا مخو خرجتهولو المرة اللخرة هبطلي السكر دخت ولا يفيبري هبط يجري شرالي قرعة ما وحاجة حلوة شربلي وزاد حتملي هاداك كرواسو المعسل لي شراهلي بالسيف وبقا متكيلي راسي على يدو ويقولي ريسبيري صحا خلاص بقيت نتنفس وراسي على الكوسانة وهو بقا حابس يستنا فيا نفطن حتى قتلو خلاص تقدر تكمل قالي والله لا نتي بلية من عند ربي هبلتيني سكت محبيتش نرجعلو علابالي بلي هبلتو .... وصلنا لدارهم لقينا طونوبيلات مسطاسيونييين ثما ڨارا بعيد عليهم وقالي شوفي ضكا كي نهبطو راسك متهزيهش ايه احكمي في ذراعي حتى ندخلك الداخل حركت راسي بقا يشوف في وجهي علاه شابة بزاف نتي علاه اه كيفاه نديرلك انا ضكا كيفاه نهبطك واقيلة نديرلك النقاب علابالك _ مروان شوف غير النقاب متخممش فيه والله منديرو مراهش محطوط فالشرع _ خلاص بلعي منيش راح نديرولك واذا حبيت نديرو زعمة راح تمنعيني تخنزرت فيه _ والله غير نعميهملك دورت وجهي هبط وجا فتحلي الباب هبطت غلق الطونوبيل وفيريفاها وجا حكمني من يدي قالي هبطي راسك هبطتو ومشينا غير هو لي يمشي فيا مزية لا دخلنا لدارهم باه هزيت راسي وتنفست
جام
يتبع