رواية چرح المشاعر الفصل 27-28-29-30 بقلم أمال جوري حصريه وجديده

انوسة بصح لازم تولي تقوليلي ماماتي ايه قوليلي ماماتي _ ماماتي ضحكت بستها هيا نروحو نغسلو وجهنا ونشربو الحليب ونروحو نلعبو _ ماماتي وين راح بابا _ بابا راح للخدمة وضكا انايا نقعد معاك هنايا ايه ماما _ ايه .. غسلتلها وجهها وديتها للكوزينة مديتلها حليب وڨاطو شربت وراحت تلعب بالالعاب تاوعها وانا كملت شغلي صونالي الباب رحت قلت شكون _ حلي انايا يمات مولات الدار انا سير قلت هادي المرا مهبولة رحت لتيليفوني باه نعيط لمروان لقيت روحي منعرفش مينبا نيميروه ومنيش ماركياتو مزية تفكرت التيليفون لي مخليه فالدار هزيتو نحوس على النيميروات لقيتو ماركي واحد نيميرو انا قلت سير النيميرو تاعو طابيتو عندي وعيطتلو والله هو _ وي ي ي ي الكبدة واش تحوسي شوكاتني هدرتو جامي قالي هدرة هكايا _ مروان وحد العجوزة راهي تطبطب فالباب وراهي تقولي حلي انا يمات مولات الدار شكون هادي _ رانا هادي يمات المرحومة ربي يرحمها وجات تشوف ايناس بالاك حليلها الباب وهي متبطاش وتروح واذا قاتلك راح ناخذ ايناس قوليلها مروان محبش وخليها وبالاكي تطلقي ايناس سمعتي _ اوكي صحا وكوبيت رحت حليتلها طارت فيا وين كنتي مالصباح وانا ندقدق علاه محبيتيش تحلي_ اسمحيلي خالتي معرفتكش حتى قالي مروان بلي جدات ايناس ناضت تمتم وحدها وټعيط لايناس جات تجري عندها تبوس فيها ومنعرف واش تمدلها واقيلة الحلوة قلتلها جوزي جوزي خالتي للصالو نضيفك _ نعرفها الدار هادي دار بنتي الله يرحمها ونعرفها قبلك _ مالقيت مانقوللها هادي المرحومة مېتة ولاحقتني في كل بلاصة لا مشي مروان نسيبتو رحت للكوزينة درت كاس jus وديتهولها حطيتو وخرجت خليتها مع بنت بنتها مانحكي معاها مانداصرها حتى انايا قليلة هدرة وخاطيتني المداصرة قعدت معاها وحد زوج سوايع صونالي تيليفوني هزيت كان هو قالي راحت ولا مزال _ لا مزال مراحتش _ كي تروح خبريني برك صحا _ معليش .. زادت نص ساعة وشفتها خرجت مالصالو جات عندي اسمعي نتيا ردي بالك كشما تحڨريلي بنت بنتي سمعتي هادي راهي الغالية بنت الغالية _ الله لا يوصلني نحڨر يتيمة حتى انايا راني يتيمة كيفها كيما نخاف على روحي نخاف عليها وديجا راهي بنتي وشفت معاها ولا لالا ماما مكيش بنتي _ لالا رانا نتيا ماماتي وانا نحبك ضحكت معاها هاذيك العجوز مالقات واش تحكي ولات خرجت حددت الباب وراها وخليت ايناس تلعب بالعابها ورحت درت الغدا كي طاب تغديت وغديتها غسلت الماعن عيطتلي عجوزتي سقسات عليا وعلى ايناس وزادت ماما حكيت معاها شويا وكوبيت ديت ايناس لشومبرتي ورقدنا كيفكيف مانضناش حتى قريب المغرب 
يتبع