رواية چرح المشاعر الفصل 27-28-29-30 بقلم أمال جوري حصريه وجديده

لله انا مناكلش العجائن ولي يديرو السمنة والاغذية المضرة بالصحة خطړة اخرى متنسايش بلي أنا طبيب سمعتي علابالك كيما نتيا تقول بتية تاع ما سمينة _ حاشاك لا انا سمينة انا لاطاي لي عندي راهم يخلصو عليها الدراهم باه يخدموها كي راك تتمسخر عليا _كيلني مالفوق للتحت وعض شواربو منبعد قالي انا منيش نتمسخر راني نحكي فالحقيقة برك والله تقوليك عمي لخضر الشعر طالع فالسما حاكم الريزو هاديك بيجامة مطلوقة عليك العمش مزالو في عينيك مالنوم كي شفت دمعتي راح تهبط رحت جزت عليه خبطتو بذراعي ومشيت عاود رجعني من ذراعي جابني مقابلاتو والله يا رانيا غير نضربك متوصليش روحك حتى نهز يدي عليك باسكو لا فتي قلقتيني وهزيت عليك يدي غير نوصلك للسبيطار فهمتي نفرت يدي منو روح اتفكض روح تع _ وش قلتييييييييي روحي روحي راهم كثرو غلطاتك نتي كاش نهار نربيك عليهم مدرتش على هدرتو ورحت للدوش توضيت صليت ونضت رحت للكوزينة لقيتو هو وايناس شاف معايا وستغفر قلتلها انوسة تاكلي ماقارون نحطلك _ ايه رانا حطيلي ناكل حطيت ليا وليها جيت نقعد قالي نوضي ديريلي كاش حاجة صحية ناكلها راكي في داري نتي المسؤولة على هادا الشي نضت بلا مانحكي معاه اصلا من واجباتي نقوم بيه جزء
حليت فريجيدار لقيت سكالوب جبدتو قطعتو شريحات ودرتو يتشوا فالطاجين تاع حديد ودهنتو بزيت زيتون زدت جبدت خيار وطوماطيش سلاطة تاع الورق وفلفل حلو وزيتون كحل غسلتهم وقطعتهم مربعات صغااار درتلهم الملح وزيت زيتون حطيتهم في بلا مع السكالوب هاداك وحطيتلو مع خبز شعير تاعو .. مخسرش عليا مينبا كلمة صحيتي بالعكس يزيد يعلق اوووه درتيه مالح علاه كثرتي الزيت مهدرتش كامل معاه منيش حابة ندي كف .. شفت ايناس بدات تنعس وعينيها يتغمضو ديتها غسلتلها بدلتلها وحطيتها في فراشها غطيتها وخرجت للكوزينة لقيتو مزالو ياكل ستنيتو كمل ناض وغسلت الماعن نظفت الحالة ودخلت للشومبرة هدرت شويا مع ماما وكوبيت جاتني السماطة وهو خرج برا وليت رحت للشومبرة لخرى شعلت تيلي ونتفرج فيه عجبني وحد فيلم يهبل تاع اكشن وحيوانات وقرودة حابين يتحكمو فالعالم بقيت مكونسوطرية معاه سواسوا حتى مسني واحد من كتفي خلعني _ اوووه مروان خلعتني _ علاه نتي تنخلعي راكي تشبهي للقرد هادا لي راه فالتيليفيزيو تخنزرت فيه ضحك وقعد قدامي حكملي يدي حطلي فيها كوكاو والله ماقلت لالا بقيت ناكل ونتفرج حتى بديت ننعس ورحت فيها ......
مروان بقاټلو سمانة ويدخل لخدمتو و هاذيك سمانة جازت كيما هكا حاجة ماتبدلت وانا حاولت لوماكسيمو باه نقوي علاقتي بايناس ونعمل بوصية بابا الله يرحمو .
كنت راقدة نوضني يمخض فيا كي الرايب تقول راه ينوض في بقرة مشي في انسان وزيد مرتو حليت عينيا لا صباح الخير لا والو ديراكت نوضي وجديلي صوالحي راني رايح للخدمة بقيت نتكسل_ نوضي ونتي تتكسلي كي اللفعة عوجت عينيا ونضت غسلت وجهي وجدتلو القهوة حوايجو لبسهم هز صاكودو تاعو وراح عند بنتو يا حبيب بابا نوضي  راني رايح زاد باسها وجا عندي رانيا بنتي امانة عندك ردي بالك _ في عينيا _ صحا وانا الغدا راني منجيش كامل حتى العشا لا شفتيني بطيت كولو بالاك للثناش للوحدة باه نجي اوكي _ مكاش مشكل وراح درت شغلي كي العادة كي وصلت العشرة ناضت ايناس جات عندي صباح الخير رانا حكمتها عندي صباح الخير