رواية چرح المشاعر الفصل 27-28-29-30 بقلم أمال جوري حصريه وجديده

بصح منقدرش نطلب منو باه نروح معاه _ رانا صح تحبيني بزاف _ ايه يا عمري ڼموت عليك نتي بنتي انا برك ضحكت وقاټلي مزية عندي ماما وحد اخرى حتى انا نحبك قالي بابا لازم تحبي رانا_ ايه بنوتي نحبك بزاف وهيا دوكا نروحو نغسلو ونبدلك حوايجك وروحي ترقدي شويا باه لعشية يزيد يخرجك باباك .... نوضتها ودرت بيها خبطت فيه طحنا بينزوج وهي مېتة بالضحك وهو طاح فوقنا كي انا كي هي وبقا يدغدغ فيها ويضحك معاها جيت نوض حكمني وين رايحة نتيا ثاني يا شكارة النوم كل مانجي نلقاك راقدة مهدرتش معاه حاولت نوض بقا حاكمني برجلو ويلعب مع بنتو طبعتو من صدرو مروان خليني نروح والو محلبنيش كامل تأففت وبقيت كيما راني حتى ناضو باه قدرت نوض رتبت الشومبرة وديت ايناس غسلتلها وبدلتلها ديتها لبيتها كي رقدت خرجت رحت للكوزينة لقيتو ياكل شاف معايا هادي ماكلة هادي تقول طيبتي برجليك علابالي يقلق فيا بالعاني جات لاباس بيها المرة لي فاتت ماكلتي داتلو عقلو وشكر ماما باسكو علابالو هي لي طيبت وضكا يقولي مجاتش مليحة _ نتايا روح اضرب الجاج المحمر فالريسطورات وارواح هنايا عندي تشكي من ماكلتي معجباتكش سسسسسف متاكلش _ بابابابابابابا وصلتهالك سخونة ا _ ايه وصلتهالي سخونة وطلعتلو حواجبي ورحت وخليتو مالقيت واش ندير بقيت نتفرج وهو دخل طفي التيليفيزيو خليني نرقد _ راني نتفرج مراكش تشوف فيا ولا كيفاه _ قټلك طفيه روحي منهيه واتفرجي راح نرقد _ وانا قټلك منروحش ومنطفيش راني نتفرج حكملي التيليكوموند طفاه غلق الضو ودخل فالفراش بقيت حالة فمي من تصرفاتو وليت سڨمت روحي انا ثاني ودرت قيلولة مفطنتش حتى لليل لقيت روحي فالشومبرة فالظلمة وهو مكاش نضت نتمايل راسي راح ېقتلني شعلت الضو لقيت الخزانة جيهة حوايجو مقلبة تقلاب راسي كان يوجع زاد وجعني خليتهم هكاك ورحت للكوزينة منيش قادرة نطيب حاجة ثقيلة درت ماقارون بالحليب وخليتو يطيب وهوما سير خرجو برا بقيت نشوف بتيلفوني حتى سمعت الباب تحل سير هوما متحركتش من بلاصتي دخلو عليا جات تجري عندي ايناس رانا توحشتك _ انا تاني توحشت حبيبي وين رحتي _ كنت نلعب فالجنينة _ واش من جنينة رجعلي هو ديتها تلعب فالجاردان يجو ليها الغاشي مهدرتش معاه بقا يشوف فيا قالي اشعرين دايمن ايخراب شعرك ديما مخبل _ الله الله الله الله ومن وقتاه تحكي القبايلية نتايا _ والله مانحكيها تلاقيت صاحبي يفهمها شويا قتلو كيفاه يقولو كدا وكدا طرجملي_ امممممم باين عليك وشعري شباب عليك كومبلي _ تاع وجهك شكون قالك نتي شابة تقول عمي عبد القادر راه قدامي النسا تلقايهم كي حور العين ونتيا كي نشوفك نتفكر جلول وليد عمي _ شغل نتايا مهند وانا معلاباليش _ صاييي بلعي فمك متدصرينيش بزاف دورت وجهي قابلني الماقارون راح يفيض جريت ليه طفيت عليه .. متقوليليش برك طيبتي ماقارون بالحليب _ ايه علاه ثاني _ الماقارون تاكليه نتي بالاك موالفة بيه حنا مناكلوهش _ راك تتمسخر وتعاير في مستوايا المعيشي ولا كيفاه اه زعمة نتا متاكلش الماقارون تتكبر على نعمة ربي سبحانو لوكان يغضب عليك ربي وينحيلك النعمة هاذي والله تولي تتشهاه وماتلقاهش كي راك تتكبر عليه _ علابالك نتي راه يقولي راسي نجي نخنق جدك ونتهنى منك شكون قال بلي راني نتكبر على نعمة ربي سبحانو حاشا