رواية چرح المشاعر الفصل 27-28-29-30 بقلم أمال جوري حصريه وجديده

حلوة قالي تاع وجهك نتي الموسخة دار نقية عليك عوجت عينيا ورحت لبست قش الصلاة قضيت صلاتي ونضت رحت للكوزينة حليت الفريجيدار لقيتو معمر من كلش الله يبارك والكوزينة كانت مرمدة هادا طيب غير الحليب ندب للحالة هكا كامل سما لوكان طيب كاش بيتزا ولا الحالة يخليها كامل ستغفرت ربي ورحت نقيت الحالة كامل رجعتها تشعل باه طيبت الحليب ليا شربت غسلت فنجالي ورحت عندهم لقيتو هو لابس ويعدل في شعرو فالمراية الله الله لي يشوفو يقول مريكاني ولا كاش تركي هبط للدزاير حس بيا دار عندي لبسي لايناس حوايجها وامشطيلها شعرها نديها للماناج تلعب شويا ونتيا لا راكي قادرة تديري الفطور ديري لا مش قادرة نجيب من برا _ لا معليش انا ندير غاضتني عمري لوحد الدرجة ميستوعبهاش العقل دموعي وصلوني وبقاو متجمعين عند عينيا رحت عند ايناس بستها صباح الخير ماما كيفاه صبحتي _ لاباس رانا راني رايحة مع باباتي نلعب فالالعاب ضحكت معاها أيا ارواحي نمشطلك ونبدلك باه تولي شابة وتروحي مع باباك جات عندي لبستلها صالوبات جين زرقة وتريكو موف مالتحت شباب فيه دبدوب فالصدر عندها وحد اللبسة تهبل مع باسكات بيضة بالموف وفشعرها مشطتلها دوتخاس جاوها يهبلو مع لي هي وجهها مدور درتلها بارفان تاع ذراري بقيت نشوف فيها ماشاء الله اية فالجمال حتى دخل مروان شافها يا عمريييي على باباتي راهي تشبه ليماها ارواحي عندي ارواحي راحت تجري هزها يرمي فيها للسما ويعاود يحكمها باسها ياعمري على بنتي الشابة ريحتك تفكرني في يماك راكي واجدة نروحو مايراعيش كامل المشاعر تاعي يحكي على مرتو القديمة قدامي نورمالمو اسمها مايجبدوش غاضتني عمري كي شفت الدمعة راح تفوتني رحت نجري للدوش غلقتو وتكيت عليه فاتوني دموعي بكيت وهو بقا يدقدق عليا رانا وشبيكي علاه رحتي تجري هكاك دختي ولا _ لالا راح نرجع برك روحو تروحو متخممش فيا _ كيما تحبي وراح . حليت الباب وطحت فالفراش القنطة حكمتني وحدة متزوجة في نهاراتها اللولين تروح تحوس فليطرونجي مع حبيبها وانايا هنا مينبا مقاليش أيا تروحي معانا ولا تنحي على خاطرك لالا يدي في بنتو ويخليني وحدي ويزيد مالفوق يقولي ديري الغدا وكي غضتو شويا قالي لا مكيش قادرة نجيب من برا مسحت دموعي والله مانبكي على واحد سامط كيما هاذاك اغيول .. نضت مشطت شعري وعيطت لماما حكيت معاها شويا نصحتني على ايناس باه نعاملها كيف بنتي وكوبات .... رحت درت مسحة خفيفة للديار اصلا الدار نقية وزدت كتاشفتها مليح بصح كي تفكرت بلي الدار خيرها هو ومرتو المرحومة دخت حطيت الفروطوار والنشاف ورحت قعدت على الكرسي فالكوزينة حاكمة راسي ونستغفر في ربي شربت الما ريسبيريت شويا وكملت درت الغدا كي شفتهم بطاو تغديت وخليتلهم فوق الطابلة توضيت صليت الظهر وطحت رقدت ديراكت ... سمعت ايناس تنوض فيا رانا رانا نوضي راني جيت حليت عينيا قلبتها تحتي جيتي ماما وين رحتي واش لعبتو نتي وباباك _ لعبنا فالبابور والجعلولة والزحلايقة _ يا عمري وعجبك الحال ياك معييتيش تغديتو ولا لالا _ ايه تغدينا انا ومروان فالمطعم _ ايه واش كليتو _ كلينا باطاطا وجاج محمر _ بصحتكم حبوبتي ومزالكي جيعانة نحطلك تاكلي واش طيبتلكم _ لالا شبعت بابا شرالي بزاف _ وباباك كلا معاك ولا لالاجزء
قاټلي ايه كلا معايا ضحكت وبستها تمنيت نروح معاهم ننسا همومي شويا