رواية چرح المشاعر الفصل 27-28-29-30 بقلم أمال جوري حصريه وجديده

اطلب منها السماح هيا لازم تطلب السماح ولا نبقاو زعفانين منك شاف فيها و ضحك معاها وهي الدنيا موسعتهاش لفرحتها قاللها خلاص بابا اسمحيلي منزيدش نزعفك سمحتيلي _ ايه سمحتلك نحاهالي من يدي ويبوس فيها شحال عجبتني هاد الطفلة حسيت روحي ام وهادا راجلي تاع الصح طلع راسو عندي رانا كليتو تعشيتو ولا مازال _ لا مزال متعشيناش _ هيا رانا خوذي ايناس معاك اتعشاو كي نعيطلك البسي ايه _ صحا معليش هزيت ايناس عندي وداتني عجوزتي للصالة انا وماما وعماتي قعدت ودرت ايناس في حجري ناكل ونوكللها مدللة بزاف تتقلش ناكل هادي زيديلي هادي جيبيلي هادي معجبتنيش مناكلش هاني زعفت بصح والله حلوة كي السكرة كي كملنا رحت لبست جلابتي عدلت خيماري لبست لايناس سباطها مع فاست كان شويا البرد جاو كامل ودعوني وقالولي زورينا _ مروان قالي كل ويكاند يجي عندكم ياك _ ايه كل ويكاند يكون هنايا _ ايه مالا بالويكاند نتلاقاو نشاله بستهم كامل حتى دخل قالي صيبو حركت راسي فتح يديه لبنتو راحت تجري عندو هزها باسها وعطاها الحلوة بقيت غير نشوف تفكرت بابا الله يرحمو والله كي كنت صغيرة هكا كان يديرلي يهزني  يديني للحانوت يقولي لي عجباتك ارفديها وانا نخلص عيني دمعت حتى تولهولي مسحتها بالخف ورحت قدامو قاټلي ايناس رانا علاه راكي تبكي _ توحشت بابا كيما نتيا برك _ علاه باباك وين راه _ عند ربي سبحانو _ انا تاني جداتي كي نسقسيها على ماما تقولي راهي عند ربي سكت مالقيت مانقوللها قالي مروان هيا لا مالا نتكلو على ربي بدا راسي يدور منعرف كيفاه رحت قعدت على الكرسي لي كان ثما _ هيا رانا هيا نروحو راه الليل باه نوصلو _ اصبر شويا راسي يوجع فيا الدوخة حكمتني
جامجزء
راحت عجوزتي جابتلي الما شربتو بالسيف حط ايناس وجا ليا هبط عندي برجليه حط يديه على ركبتي واشبيك رانا زدتي دختي حركت راسي بايه _ ريسبيري هيا شهيق زفير شهيق زفير كانت عجوزتي عند راسي قاټلي وعلاه مكليتيش مليح ماشفتك كليتي والو _ يا يما هي مريضة بفقر الډم متقدرش تاكل بزاف سكتت بقا معايا حتى فطنت ونضت قتلو خلاص نقدرو نروحو حكمني من يدي على جيهة وبنتو مالجيهة لخرى وخرجنا ملي بدينا نمشو هاديك الميطرا وهو هبطي راسك بالاكي تهزيه ويجر فيا جران غير باه نوصلو للطونوبيل ركبت وركبت ايناس في حجري وزاد طلع هو وديمارينا .. الدوخة مزالها تدور في راسي مفقتش كيفاه غفيت كنت مېتة بالعيا ..... سمعتو كي هبط بنتو وډخلها للدار وعاود طلع دخل الطومو للڨاراج جا عندي هيا رانيا رانا وصلنا انزلي فتحت عينيا وهبطت نمشي ونميل نمشي ونميل حتى وصلت للشومبرة لحت روحي على السرير ومافقتش كامل .
الصباح فطنت على صوتو هو وايناس يلعبو فوق السرير نضت رايحة للدوش قابلتني روحي فالمراية لابسة بونطاكور وتريكوه ستيل بيجامة وشعري مطلوق بديت نتفكر لبارح انا رقدت بلبستي سما هو لي بدلي حوايجي دخلت في بعضايا رحت نجري للدوش غسلت وجهي توضيت وخرجت عندهم لقيت الحالة مقلبة كامل وفوضوية قتلو اخاميم ايروي  يوساخ _ رباني متزيديش تحكي بالشكشوكة تاعكم وديجا واش قلتي _ قټلك دارك موسخة وفوضوية _ ناض يعكي في صوتي ويضحك عليا هو وبنتو كي جيت نهدر من تحت نيفي راني مريضة بلاڨريپ بصح هدرتي