رواية چرح المشاعر الفصل 35-36 -37-38 بقلم أمال جوري حصريه وجديده

معاك تقوليك غير نتي مرا _ قلتلها في قلبي انا عشت معاه شهر ملاحظتش نتي ليلة برك شفتيه كيفاه يشوف فيا مالقيت مانقوللها عاونتهم فالغدا حطيناه جاو تغدينا كامل جيت نغسل الماعن مخلاونيش مروان راح للجوموعة مع خاوتو وباباه وايناس خليتها تتفرج وانا صليت وقريت صورة الكهف حتى دخل عليا نحا القميص ديراكت ولاح روحو على السرير حتى انا وايناس رقدنا درنا فيها قيلولة فالشباب .. فطنت هو ملقيتوش وايناس كانت مزالها راقدة خليتها وهبطت جيت ندخل للكوزينة سمعت صوتو هو ويماه منعرف واش يهدرو قاټلو امممم رانيا ياه _ والله يا يما كيما نحكيلك الطفلة هاذي مختلفة على بنات العالم معلاباليش كيفاه فيها فيها حاجة لبنات لخرين كامل مفيهمش وماعلاباليش علاه حسيت معاها وحد الشعور مع حنان ومحسيتوش منعرف علاه _ اوليدي الطفلة بنت فاميلية ولاباس بيها لوكان شفتها قبل يا حصرااااه ملي خطبتهالك بصح والله ماكان علابالي بلي محمد الله يرحمو عندو غزالة كيما هاذي ماشاء الله فيها كلش الزين والطبع والظرافة والخفة شفتها كيما رحنا نزورو خوها وفي مۏت باباها ثاني كيفاه تجري كي الفلفلة الحارة ماطلقت لا شطارة لا قفازة والاحترام والرزانة ماشاء الله ماعندي ما نهدرلك حتى بنتك وراني شفتها متهلية فيها الله الله _ لا منكذبش دايرتها كثر من بنتها عليها قټلك لقيت فيها حاجة ملقيتهاش فالنسا لخرين حتى حنان ومحسيتوش معاها ومعشتش معاها الحاجة هاذي والله اعلم عجبني في حاجة وحدة برك كيفاه مداصر يماه ودايرها كي صاحبو يحكي معاها نورمال و بكل ارياحية بصح داير حدود للهدرة تاعو كي دخلت سكتو .... يتبع
ديري الجام متنسايش
يتبع