رواية چرح المشاعر الفصل 35-36 -37-38 بقلم أمال جوري حصريه وجديده

بست ايناس ورحت للدوش توضيت وخرجت صليت صلاتي وبقيت نمشط في شعري حتى ناضت ايناس جات تجري عندي حظنتني وقاټلي صباح الخير _ صباح الفل والورد والياسمين والاوركيدا لاحلى بنت واجمل بنت بالعالم كلو يا حبيبة عمري يا عزيزة رانا كيفاه صبحت بنتي _ لاباس ماميتي _ يا عمري على ماميتي الشابة الحنينة الزينة الغالية تاعي حبيبي مجعتيش ا اعمري مكيش عيانة حركت راسها بلالا دورت وجهي لقيتو نايض ويشوف فيا درتلو براسي واش _ هادو كامل اه هادا الغزل كامل قلتيهولها روحي روحي يا ايناس بنتي اتنعمي في النعيم تاعي روحي مفهمتش كامل واش يقول درت عندها _ مالا ضكا ندي الاميرة تاعي تغسل وتبدل نمشطلها تولي شابة وتروح تلعب ولا لالا انا نحكي معاها وهي تشوف في باباها شفت معاه يديرلها بيدو ارواحي عندي شافت فيا رانا خليني نروح عند بابا طلقتها راحت عندو منعرف واش قاللها في وذنها وبعثهالي جات عندي رانا اهبطي نقولك واش قالي بابا باه ميسمعنيش قريب طرطقت عليها بالضحك هبطت عندها خبرتني في وذني قالك بابا نتي جدة غولة وتشبهي لعمي لخضر شفت معاه لقيتو يتبسم تخنزرت فيه قلتلها روحي قوليلو قاتلك ماما ونتا تشبه لام قرقور شافت فيا ماما وشنو ام قرقور _ الضفدع اماما هيا روحي قوليلو راحت عندو عاود بعثهالي قالك بابا كي نشوفك نفشل قلتلها روحي قوليلو قاتلك رانا انا كي نشوفك يهبطلي المورال راحت وصلتهالو وعاودت ولات عندي رانا روحي بوسي بابا _ اه لالا بنتي هيا نروحو نبدلو _ راااناااااا هيا روحي بوسي بابا هو لي قالي روحي ولا نزعف عليك هيا روحي ولا نبكيلك شفت معاه علاه علاه تستغل فالطفلة قريتها مليح لوكان منبوسكش تنوض تبكي _ خسارة عليك هاذيك بنت باباها درت عندها ايناس ماما واش تلبسي _ رانا روحي بوسي بابا باه ميزعفش عليا وانا منحبوش كي يزعف عليا تخنزرت فيه ورحت عندو جيت نبوسو في خدو دور وجهو جات في فمو بقا حاكمني محبش يطلقني كامل حتى وليت نخبط فيه نحيت وجهي تنفست وقتلو يا جدك وشبيك نتايا هاذي بوسة هاذي لسعة وشحال من مرة نقولك متزيدش تقربني _ نتي لي جيتي تبوسيني سكت عليه ورحت غسلتلها لبست حوايجي وخرجنا صبحنا عليهم كامل حطولنا فطرنا وهو دا ايناس وخرج بقيت نقصر معاهم منبعد ناضو كامل يديرو شغلهم بقات معايا نسرين برك بقينا هدرة تجيب هدرة حتى جاتني في راسي نسقسيها على مرتو اللولة كيفاه كان عايش معاها _ نسرين ختي نسقسيك معليش _ بيانسور اتفضلي _ مروان كيفاه كان عايش مع مرتو اللولة _ والله كان عايش نورمال كيما اي راجل ومرتو برك هي كانت واعرة بزاف ياك قټلك كانو بزاف خلافات مابيناتنا وهي وصلت بيها هزت يدها على ماما ومروان قټلها هاذاك النهار ودارلها دارها وحدها باه متزيدش تدير المشاكل معانا _ وهو كان يحبها لهاذيك الدرجة _ شوفي منكذبش عليك الحب كان يحبها بصح مشي لدرجة المۏت على حساب ماشافت عيني بصح يا رانيا الله اعلم واش كاين في قلبو _ علاه _ معلاباليش علاه يا رانيا نتي معاك حسيتو حاجة اخرى كامل ضحكت وقلتلها علاه تاني _ منعرف علاه حسيت هكايا كل مانجبدو اسمك ينوض يتبسم ويهدر مع ايناس غير عليك قبل ماتتزوجو في فترة الخطوبة ولبارح لاحظت كيفاه يشوف