رواية چرح المشاعر الفصل 35-36 -37-38 بقلم أمال جوري حصريه وجديده

غلق الباب جيت نسقسيه تاعمن سبقني وقالي هاذي شومبرة تاعي كي كنت نسكن مع دارنا هيا بدلو حوايجكم رانيا متخرجيش قدام خاوتي بلا خيمار راكي تحجبتي متنسايش حركت راسي وراح للدوش جبدت حوايج ايناس مالكابة لبستلها وطلقتها تلعب مع ولاد عمها. وانا خيرت روبة شابة فنوار مع بليغة شابة حتى خرج عليا مزية نحا هاذيك اللحية كي تكبرلو يولي يخلع و كي ينحيها يولي كي الپوپون عندي ما كحلت عليه حتى فاقلي وييين راكي مفيكسية عينيك عجبتك واقيلة _ كي تتلاقا الشمس مع القمر نولي نحبك وتعجبني نشاله بربي _ ذبلي عينيه وقالي ياو انا كي يتلاقاو الشمس و القمر نولي منحبكش عوجت عينيا عليه يقولي منحبكش كي شغل انا نحبو يخي يخي درت خيماري وخرجت معاه للصالة لقيناهم كامل ثما لحنا السلام وقعدنا حدا بعض جات نسرين تجري قعدت قدامي اووو مزية جيتي صحبتي واش عجبك الحال مع خويا _ ياودي اسكتي برك خوك اسمط منو مكاش _ ضحكت وقاټلي والله كنت عارفتها خويا سامط تعرفي غير اعرفي كيفاه تمشي معاه _ يا بنتي وانا عرفت كيفاه نمشي معاه خوك مريض بإنفصام الشخصية والله ميتعاشر طرطقت بالضحك وقاټلي والله علابالي هاذيك السهرة جازت روعة لقيت راحتي معاهم بزاف عندي ماڨصرت ونحيت على خاطري شيخي بعثهم شراولنا الكوكاو وطيبو لاتاي بنجنا بتبناج يهبل حتى للثناش تاع الليل باه سيف عليا نوض بقيناهم على خير ديت ايناس ورحنا للشومبرة نحيت حيجابي لبست بيجامتي مور الباب وخرجت لقيتو يلعب مع ايناس دخلت فالفراش ونشوف في تيليفوني عجبني مسلسل تاع تراكا يهبل بقيت نتفرج فيه جات عندي ايناس دخلت في حظني رانا واش راكي تتفرجي _ مسلسل يا ماما _ نتفرج معاك _ لالا متتفرجيش هاذو ارواحي نديرلك توم وجيري اتفرجي شويا وارقدي ايه راه الليل درتلها وخليتها تتفرج درت على جيهة لقيتو داير هاذوك النواظر ومكونسونطري فالتيليفون منعرف علاه لحت راسي للتيليفون نشوف واش راه يشوف لقيتو يقرا في وحد القراية و الهدرة كامل بفرونسي تغطيت تحت الفراش نحا عليا الغطا يرحم يماك علاه لحتي راسك حكماتك الدودة _ خليني نرقد يرحم باباك _ اففف سامطة رهجة جلول وليد عمي كي نشوفك يهبطلي المورال نروح للسبيطار نلقا غير العالم الانثوي والروايح واللبسة والشعر مسبسب نشوفهم يطلعلي المورال غير ندخل للدار يقابلني جدي لخضر نفشل نفسيا علابالك قلقني كيفاه يهدر ديما يتنمر عليا راح ينحيلي الكونفيونس من روحي لي كان يشوفني يهبل على زيني يا حصراه شحال. خطبوني وحللو بابا باه يديوني وماقبلش ومروان السامط مكتوبي واش راح ندير بسبتو راح نولي نقول انا أبشع وحدة فالعالم لسانو موس كيفاه يستفز بالاك راه يتمسخر بصح يلعبها سيريو كي قالي هاذي الهدرة قلقني وليت نغلي قتلو _ روح اتفكض روح تع ادشيسمسخ ربي ربي يمسخك .. شك داحرام احمق
ادشفتخ سرشلت ادشداوخ دكسيف نضربك بركلة نجيبك فالواد شاف معايا بتخنزير يرحم يماك لي رباتك قوليلي واش راكي تقولي برك تنهدت تكالميت عدلت روحي _ قټلك نتا شباب بزاف لازم يهبلو عليييييك فالسبيطااااااااااار غلقلي فمي وشبيكي هبلتي _ علاه نتا تخلي العبد صحيح نحي يدك خليني نرقد نحي نحيتلو يدو بالخف ودخلت تحت الفراش تفكرت ايناس نحيتلها التيليفون ورقدتها كي رقدت حطيتها فالوسط غطيتها زدت تغطيت ورقدت .
ديري الجام متنسايشجزء
غدوة منذاك نضت لقيتهم بينزوج مزالهم راقدين